நடிகர் சங்க தேர்தல்: தலைவர் நாசர், செயலாளர் விசால் ...

<div dir="ltr" style="text-align: left;" trbidi="on">
<br /></div>
நடிகர் சங்கத்தின் இறுதித் தேர்தல் முடிவுகளின் படி தலைவர் பதவிக்காக போட்டியிட்ட, நடிகர் நாசர் 1,344 வாக்குகளைப் பெற்றதோடு, சரத்குமார் 1,231 வாக்குளைப் பெற்றிருந்தார்.

1,445 வாக்குகளைப் பெற்ற நடிகர் விசால், நடிகர் சங்கத்தின் செயலாளராக தெரிவு செய்யப்பட்டுள்ளார்.

அவரை எதிர்த்துப் போட்டியிட்ட ராதாரவி 1,138 வாக்குகளை பெற்றிருந்தமை குறிப்பிடத்தக்கது.

பெரும் பரபரப்புக்கு மத்தியில் இடம்பெற்ற இந்தத் தேர்தலின் இறுதி முடிவுகளின் அடிப்படையில் 'பாண்டவர் அணி' (நாசர், விசால், கார்த்தி, கருணாஸ், பொன்வண்ணன்) என பெயர் சூட்டப்பட்டிருந்த விஷால் அணியினர் நடிகர் சங்கத்தின் புதிய நிர்வாக சபை உறுப்பினர்களாக தெரிவு செய்யப்பட்டுள்ளனர்.

இது குறித்தான தேர்தல் முடிவு, நீதிபதி இ. பத்மநாபனினால், சற்று முன் உத்தியோகபூர்வமாக அறிவிக்கப்பட்டமை குறிப்பிடத்தக்கது.