சீனாவில் 'மிகப்பெரிய அவசரநிலை'யை பிரகடனம் செய்த அதிபர் -

கொரோனா வைரஸ் தொற்றுநோயால் உயிரிழந்தவர்களின் எண்ணிக்கை அதிகரித்து வரும் நிலையில் சீனாவில் மிகப்பெரிய பொது சுகாதார அவசரநிலை அறிவிக்கப்பட்டுள்ளது.

உலகநாடுகள் முலுவகத்தும் பெரும் அச்சத்தை ஏற்படுத்தியிருக்கும் கொரோனா வைரஸ் தாக்குதலுக்கு தற்போது வரை உயிரிழந்திருப்பவர்களின் எண்ணிக்கை 2,468-ஐ எட்டியுள்ளது.

பாதிக்கப்பட்டவர்களின் எண்ணிக்கை 78,909-ஐ நெருங்கியுள்ளது. இந்த நிலையில் கொரோனா தடுப்பு நடவடிக்கைகள் மற்றும் பொருளாதார வளர்ச்சி குறித்து பேசுவதற்காக ஒருங்கிணைக்கப்பட்ட கூட்டத்தில் பேசிய சீன அதிபர் ஜி ஜின்பிங்,
1949 இல் கம்யூனிச ஆட்சி நிறுவப்பட்டதிலிருந்து 2,400 க்கும் மேற்பட்ட மக்களைக் கொன்ற கொரோனா வைரஸ் தொற்றுநோய் சீனாவின் "மிகப்பெரிய பொது சுகாதார அவசரநிலை" என்று அறிவித்தார்.

"வெளிப்படையான குறைபாடுகளிலிருந்து" சீனா கற்றுக்கொள்வது அவசியம். இந்த தொற்றுநோய் "மிக வேகமாக பரவுகிறது. பரவலான தொற்றுநோயைக் கொண்டுள்ளது மற்றும் தடுக்கவும் கட்டுப்படுத்தவும் மிகவும் கடினமாக உள்ளது" என கூறியதாக அரசு ஊடகம் செய்தி வெளியிட்டுள்ளது.
மேலும், "இது எங்களுக்கு ஒரு நெருக்கடி மற்றும் ஒரு பெரிய சோதனை" என்று அவர் பேசியதாக தெரிவிக்கப்பட்டுள்ளது.