Slider

காணொளிகள்

மன்னார் செய்திகள்

விம்பம்

உள்நாட்டு செய்திகள்

சர்வதேச செய்திகள்

பல்சுவை

School events

மருத்துவம்

புகைப்படத்தளம்

கட்டுரைகள்

சினிமா

-

”உயிரிழை” அமைப்பா ….... அதன் உன்னதம் என்ன ???


''உயிரிழை'' அமைப்பின் செயற்பாடு தொடர்பான கேள்விகள் தனிப்பட்ட ஒரு தமிழன் என்ற வகையிலும் வன்னியில் வறுமையின் பிடியில் வாடும் மக்களின் நலனில் உண்மையான அக்கறை கொண்டவன் என்ற முறையிலும் எல்லாவற்றிக்கும் மேலாக கேள்வி கேட்பதற்கான அனைத்து தகுதிகளும் கொண்ட ஊடகவியாளன் என்ற முறையிலும் உயிரிழை அமைப்பின் மீதான விமர்சனம் இங்கே முன்வைக்கப்படுகின்றது.

01 உயிரிழை அமைப்பின் நிர்வாக கட்டமைப்பு நிர்வாகிகள், அங்கத்தவர்கள், பணிப்பாளர்கள் என்ற கட்டமைப்பின் சட்டத்துக்கு அமைவாக பதியப்பட்டு தன்னார்வ தொண்டு நிறுவனத்துக்கான கட்டமைப்பு செயற்பாட்டு ஒழுங்கில் செயற்படுகின்றதா?

02 அவ்வாறு செயற்படுமாயின் பணிப்பாளர் சபை, நிர்வாக சபை, உள்ளக கட்டமைப்பு என்பவை உயிரிழையின் அனைத்து செயற்பாடுகளுக்கும் பொறுப்பு கூறுமா?

03 இதுவரை உயிரிழை நிர்வாகத்தினர் பணிப்பாளர் சபையின் அனுமதியுடனா அனைத்து செயற்பாடுகளையும் முன்னெடுத்து வருகின்றார்கள் ?

04 அவ்வாறாயின் கிழக்கு மாகாணத்திற்கு எத்தனை தடவை சென்றார்கள்? அப்படி சென்றதாயின் அங்கே செல்வதற்கான நோக்கம் என்ன?அதற்கு எவ்வளவு நிதி செலவிடப்பட்டது?
பயன்படுத்தப்பட்ட நிதியானது சரியான முறையில் கையாளப்பட்டதா?

05 தற்போது விளையாட்டு தொடர்பாக உயிரிழை அமைப்பின் ஊடக கருத்து பார்க்க கிடைத்தது உயிரிழை அமைப்புக்கு விளையாட்டு நிருவாகத்தில் உள்ளவர்கள் மட்டும் முடிவெடுத்தால் சரியா?

06 கடந்த ஆண்டு நடந்த நிகழ்வின் கணக்கறிக்கை பொதுக் கூட்டத்தில் வாசிக்கப்பட்டு அங்கத்தவர் கையொப்பத்துடன் நிதி அனுசரணையாளர்களுக்கு அவ்வருட நிதியறிக்கை சமர்ப்பிக்கப்பட்டதா?

07 அனைத்து விபரங்களையும் உயிரிழை முகப்புத்தகத்தில் பதிவிடும் போது ஏன் இதுவரை விளையாட்டு நிகழ்வின் கணக்கறிக்கை வெளியிடவில்லை?

08 கிழக்கு மாகாணத்தில் உள்ள உயிரிழை அமைப்பின் பயனாளிகளின் விளையாட்டு தொடர்பான கருத்து எவ்வாறு உள்ளது என்பதனை பணிப்பாளர் சபையால் கூற முடியுமா?
09 கடந்த ஆண்டு கிழக்கு மாகாண மாற்றுத்திறனாளிகள் அமைப்பு ஏன் சம்பந்தன் அவர்களிடம் மறைமுகமாக கணக்கறிக்கை கொடுக்கவேண்டும்? அப்படி ரகசியமாக கொடுப்பதாயின் எதற்கு அமைப்பில் உள்ள அங்கத்தவர்கள்?

10 உயிரிழை நிருவாகம் செயற்படுத்தும் முறையற்ற செயல்களை சுட்டிக்காட்டும்படி பணிப்பாளர் சபைக்கு தகவல் பரிமாற ஏன் அங்கத்தவர்களிடம் பணிக்கவில்லை?

11 கடந்த ஆண்டு நிதி அறிக்கைஇ கட்டிட நிதியறிக்கை என பலவகையான கணக்கறிக்கைகள் பொதுக் கூட்டத்தில் வாசிக்கப்படாமல் உள்ளபோதும் ஏன் மீண்டும் வேறு ஒரு நிகழ்வை தொடர்வதின் நேக்கம் என்ன?

12 உயிரிழை நிர்வாகத்தினாருக்கும் நிதி அனுசரணையாளருக்கும் இடையில் கணக்கறிக்கை சமற்பிக்கப்பட்டால் எதற்கு பணிப்பாளர் சபை?எதற்கு அங்கத்தவர்கள்? எதற்கு அமைப்பின் யாப்பு? அதன் விதிமுறை எதற்காக வகுக்கப்பட்டது?

13 உயிரிழை யாப்பின் விதிமுறைக்கு அமைய உயிரிழை நிர்வாகம் செயற்படுகின்றதா? அவ்வாறாயின் ஏன்? இதுவரை நிருவாகத்தினருக்கும் அங்கத்தவர்களுக்கும் இடையிலான ஒன்று கூடலில் கணக்கறிக்கை வாசிக்கப்படவில்லை?

14 கடந்த ஆண்டு சில விதிமுறைகளை கொண்ட படிவத்தினை உயிரிழையின் தலைவர் வாசித்துவிட்டு பயனாளிகளிடம் கையெப்பம் பெற்று இருந்தார் அதில் ''தண்டனை'' எனும் சொல் பயன்படுத்தப்பட்டு இருந்தது.அந்த சொல் உள்வாங்கப்பட்டதன் நோக்கம் என்ன ?

இவ்வாறு பல வினாக்கள் தொடர்ந்து செல்கிறது இவைகள் உயிரிழை அமைப்பை வழிநடத்தும் பணிப்பாளர் சபைக்கு தெரியமல் உள்ளதா அல்லது அதனை கண்டுகொள்ளமல் இருக்கிறதா? அண்மையில் கட்டிடத்தில் பதிக்கப்பட்ட பெயர்பலகையில் ஏன் இரு வருடைய பெயரை மாத்திரம் பதிவிட்ட அது தங்களுக்கு எவ்வாறு தென்படுகிறது. ஒரு அமைப்பு கூட்டாக செயற்பட்ட போதும் அங்கு தனி நபராக பிரிக்கப்பட்டது அமைப்பின் செயற்பாட்டை தாங்கள் எவ்வாறு கவனித்து செயற்படுகிறயள் என்பது தெளிவாக கூறிட முடிகின்றது.

எவ்வாறாயினும் இவைக்கான அனைத்து பதில்களையும் அனைத்து அங்கத்தவர்களின் கருத்துக்களையும் ஏற்று தகுந்த பதிலை எதிர்பாக்கின்றோம்..




கேப்பாப்பிலவு போராட்டம்; முதலமைச்சர் சந்திப்பு....


இராணுவத்தினர் வசமுள்ள கேப்பாப்பிலவு மக்களின் காணிகளை விடுவிக்குமாறு கோரி காணி உரிமையாளர்கள் நேற்று 51 ஆவது நாளாகவும்  போராட்டத்தில் ஈடுபட்டு போராட்டத்தை தொடர்ந்து வருகின்றனர்.

இந்நிலையில் கேப்பாப்பிலவில் இடம்பெற்று வரும்  நில மீட்பு போராட்டத்தில் ஈடுபட்டுள்ள மக்களை நேற்று வட மாகாண முதலமைச்சர் சி.வி.விக்னேஸ்வரன் சந்தித்து கலந்துரையாடினார்.
இதன்பிரகாரம் 111 ஏக்கர் காணிகளை மாத்திரமே தற்போது விடுவிப்பதற்கு பாதுகாப்பு தரப்பினர் இணங்கியுள்ள போதிலும்,

காணி விடுவிப்புக்கான கால எல்லை குறித்த உறுதிமொழி வழங்கப்படாமை தொடர்பாகவும் பகுதியளவான காணி விடுப்பு தமக்கு தேவையில்லை எனவும் தெரிவித்த மக்கள் தமது வாழ்வாதாரங்களை இராணுவத்தினர் பயன்படுத்துவதை நேரில் கண்டு மிகவும் கவலையடைந்தாகவும் தமது காணிகளிலிருந்து ஆயிரக்கணக்கில் தேங்காய்களை பறித்து வைத்திருப்பதாகவும் தமது  காணிகளில் இராணுவத்தினர் ஆடம்பர வாழ்க்கை நடத்துவதாகவும் தாம் வீதியில் கிடந்தது அலைக்கழிவதாகவும் தெரிவித்தனர்.

இதன்போது மக்களுடன் உரையாடிய  முதலமைச்சர் சி.வி.விக்னேஸ்வரன் மக்கள் மன உறுதியோடு போராடுமாறும் போராட்டத்தின் மூலமே தீர்வு காணமுடியும் எனவும் தெரிவித்தார். மேலும் ஜனாதிபதி எதிர்வரும் மே மாதம் 17 திகதி அவரை தான் சந்திப்பதற்கு நேரம் தந்துள்ளதாகவும் இந்த சந்திப்பில் காணி மற்றும் வலிந்து காணாமல் ஆக்கப்பட்டோர் தொடர்பான விடயங்கள் தொடர்பில் தன்னால் எடுத்துரைக்கப்பட முடியும் எனவும் முதலமைச்சர் குறிப்பிட்டுள்ளார்.

தமிழ் - சிங்கள மீனவர்கள் கொக்கிளாயில் முறுகல்நிலை,,,,


முல்லைத்தீவு கொக்கிளாய் பகுதியில் சிங்கள மீனவர்களுக்கும் தமிழ் மீனவர்களுக்கும் இடையில் நேற்றுக் காலை முறுகல் நிலை ஒன்று ஏற்பட்டது. முகத்துவாரம் பகுதியை அண்டிய கடலில் மீன்பிடிப்பதற்கான கரைவலைப்பாடு தொடர்பிலான அளவீட்டின் போதே, இந்த அமைதியின்மை ஏற்பட்டது.

கடந்தகாலங்களில் நடைபெற்ற யுத்தத்தினால் கொக்கிளாய் பகுதியில் பாரம்பரிய மீன்பிடித் தொழிலில் ஈடுபட்டுவந்த தமிழ் மீனவர்கள் இடம்பெயர்நத நிலையில், தமிழர்களின் கரைவலைப்பாடுகளை நீர்கொழும்பு, சிலாபம் உள்ளிட்ட பகுதிகளில் இருந்துவந்த சிங்கள மீனவர்கள், ஆக்கிரமித்து மீன்பிடித் தொழிலில் ஈடுபட்டு வருகின்றனர்.

இதனால் இப்பகுதியில் அடிக்கடி இருதரப்பினருக்குமிடையில் முறுகல் நிலைமை தோன்றுவது வழக்கம். மீள்குடியேற்றத்தின் பின்னர் தமக்கான கரைவலைப்பாடு உரிமையைப் பெற்றுத் தருமாறு கோரி, தமிழ் மீனவர்கள் முன்வைத்த கோரிக்கைகளுக்கு அதிகாரிகள் மட்டத்தில் தீர்வுகள் வழங்கப்படாத நிலையில், இதுதொடர்பான விடயம் கடந்த சில மாதங்களுக்கு முன்னர் முல்லைத்தீவு நீதிமன்றத்தில் பாரப்படுத்தப்பட்டிருந்தது.

இதன்படி முல்லைத்தீவு நீதிமன்றத்தின் உத்தரவிற்கு அமைய கரைவலைப்பாட்டை அளவிடும் பணிகள் நேற்றைய தினம் மேற்கொள்ளப்பட்டிருந்தன. இந்த அளவீட்டுப் பணிகளின் போது, கரைத்துறைப்பற்று பிரதேச செயலக காணி பகுதி அதிகாரிகள், முல் லைத்தீவு நீரியல்வளத் திணைக்களத்தின் அதிகாரிகள் மற்றும் கொழும்பில் இருந்து வந்த நீரியல்வளத் திணைக்கள அதிகாரிகள், நில அளவைத் திணைக்கள அதிகாரிகள் ஆகியோர் பங்கேற்றனர்.

இதன்போது, கொழும்பில் இருந்து வந்த நீரியவளத் திணைக்கள அதிகாரிகள், சிங்கள மீனவர்களின் ஆக் கிரமிப்பில் உள்ள முகத்துவாரம் அமைந்துள்ள தலைப்பாடு என்ற பகுதியில் இருந்து 300 மீற்றருக்கு அப்பால் இருந்தே அளவீட் டுப் பணிகள் ஆரம்பிக்கப்பட வேண்டும் எனத் தெரிவித்து அளவீட்டு பணிகளை மேற்கொண் டிருந்தனர்.

இதன் காரணமாக அளவீடு இடம்பெறும் பகுதியில் கடமைக்காக பிரசன்னமாகியிருந்த கரைதுறைப்பற்று காணிப்பகுதி அதிகாரிகள் கடற்தொழில் நீரியல் வள திணைக்கள அதிகாரிகள் பக்கச்சார்பான வகையில் முகத்துவாரம் அமைந்துள்ள தலைப்பாடு பகுதியை விட்டு அதிலிருந்து 300 மீற்றருக்கு அப்பால் அளவீட்டை ஆரம்பிக்கும் செயற்பாடானது நீதிமன்றின் உத்தரவுக்கு முரணானது என தெரிவித்து வெளிநடப்பு செய்திருந்தனர்.

இந்நிலையில், தமது வசமுள்ள தலைப்பாடு என்ற பகுதியில் இருந்து கரைவலைப் பாட்டுக்கான அளவீட்டுப் பணிகள் ஆரம்பிக்கப்படுவதற்கு சிங்கள மீனவர்கள் தமது எதிர்ப்பை தொடர்ந்தும் வெளியிட்டனர். எனினும், தமிழ் மீனவர்கள் தலைப்பாடு என்ற பகுதியில் இருந்தே அளவீடு மேற்கொள்ள வேண்டும் என வலியுறுத்தியிருந்தனர்.

பின்னர் இரு தரப்பினரையும் கடற்றொழில் நீரியல் வள திணைக்கள அதிகாரிகளையும் வைத்து பொலிஸாரின் துணையுடன் அளவீட்டுப் பணிகள் இடம்பெற்றது. இருப்பினும் இந்த அளவீட்டுப் பணிகள் தமக்கு திருப்தி அளிக்கவில்லை என தெரிவிக்கும் மீனவர்கள் இதனை நீதிமன்றில் தெரிவிக்கவுள்ளதாக தெரிவித்துள்ளனர்.

முல்லைத்தீவில் காணிகளை விடுவிப்பது தொடர்பில் கலந்துரையாடல்...


முல்லைத்தீவில், படையினர் வசமுள்ள பொதுமக்களின் காணிகளை விடுவிப்பது தொடர்பில் பாதுகாப்பு அமைச்சின் ஏற்பாட்டில் கலந்துரையாடலொன்று இடம்பெற்றுள்ளது.

குறித்த கலந்துரையாடல் இன்று பிற்பகல் முல்லைத்தீவு மாவட்டச் செயலகத்தில் இடம்பெற்றது.

இந்த கலந்துரையாடலின் போது முல்லைத்தீவு மாவட்டத்தில் படையினர் வசமுள்ள காணிகள் அனைத்தையும் விடுவிப்பது தொடர்பில் ஆராயப்பட்டுள்ளது.

அத்துடன் கேப்பாப்புலவு மற்றும் வட்டுவாகல் காணிகளை விரைவில் விடுவிக்க வேண்டும் என்பது தொடர்பிலும் மக்கள் பிரதிநிதிகள் எடுத்துக் கூறியுள்ளனர்.

இதன்படி விடுவிக்கப்படவுள்ள கேப்பாப்புலவு மக்களின் காணிகளை இன்று நேரடியாக சென்று பார்ப்பதற்கு இராணுவத் தரப்பினர் தெரிவு செய்யப்பட்ட மக்கள் பிரதிநிதிகளுக்கும், அரசாங்க அதிபர் உள்ளிட்ட அதிகாரிகளுக்கும் அழைப்பு விடுத்துள்ளனர்.

மேலும் இந்த கலந்துரையாடலில் இலங்கை முப்படைத் தளபதிகளுடன், தெரிவு செய்யப்பட்ட அரசியல் கட்சிகளின் பிரமுகர்கள் மற்றும் அரசாங்க அதிகாரிகள் உள்ளிட்டோர் கலந்து கொண்டிருந்தனர்.

முல்லைத்தீவில் தமிழ் சிங்கள் மீனவர்களுக்கு இடையில் முறுகல்...


முல்லைத்தீவு கொக்கிளாய் பகுதியில் தமிழ் மற்றும் சிங்கள மீனவர்களுக்கு இடையில் முறுகல் நிலை ஏற்பட்டுள்ளதாக தெரிவிக்கப்பட்டுள்ளது.

அந்த பகுதியில் மீனவர்களின் பயன்பாட்டிற்காக வாடி அமைப்பதற்கு நடவடிக்கை எடுக்கப்பட்டிருந்தது. அதன்படி, இன்றைய தினம் வாடி அமைப்பதற்காக காணி அளவீடு செய்யப்பட்டது.

இந்நிலையிலேயே, குறித்தப்பகுதியில் தமிழ் மற்றும் சிங்கள மீனவர்களுக்கு இடையில் முறுகல் நிலை ஏற்பட்டுள்ளதாக தெரிவிக்கப்பட்டுள்ளது.

கேப்பாப்புலவில் கறுப்பு தினமாக அனுஷ்டிக்கப்படும் சித்திரைப் புதுவருடம்....


இலங்கை படையினரிடம் காணப்படும் தங்களது காணிகளை மீள கையளிக்குமாறு கேப்பாப்புலவு பிரதேச மக்கள் முன்னெடுத்தும் வரும் போராட்டம் இன்றும் தொடர்கிறது.

இந்த நிலையில் போராட்டத்தில் ஈடுபட்டுள்ளவர்கள் இன்றைய நாளை கறுப்பு தினமாக அனுஷ்டித்துள்ளனர். மேலும் தமது போராட்டத்திற்கு தீர்வு கிடைக்கும் வரையில் போராட்டம் தொடரும் என தெரிவித்துள்ளனர்.

இதேவேளை, குறித்த போராட்டம், 138 குடும்பங்களுக்கு உரித்தான 482 ஏக்கர் காணிகளை விடுவிக்குமாறு கோரி இராணுவமுகாமுக்கு முன்னால் முன்னெடுக்கப்பட்டு வருகின்றமை குறிப்பிடத்தக்கது.

முல்லைத்தீவில் சொந்த நிலத்தில் மீள்குடியேறியும் தொடரும் துயர நிலை!


முல்லைத்தீவு - பிலக்குடியிருப்பு மக்கள் ஒரு மாதகாலம் தொடர்ச்சியான கவனயீர்ப்பு போராட்டத்தை நடத்தியதன் விளைவாக தமது சொந்த நிலத்தில் மீள்குடியேறியுள்ளனர்.

இந்த நிலையில், தமக்கு அடிப்படை உதவிகள் எவையும் வழங்கப்படவில்லை எனவும் தமக்கான உதவிகளை வழங்குவதற்கு மத்திய, மாகாண அரசுகள் தவறிவிட்டதாகவும் தெரிவித்துள்ளனர்.

பிலக்குடியிருப்பு மக்கள் தமது சொந்த நிலத்தில் தம்மை மீள்குடியேற்றகோரி ஒரு மாதம் தொடர்ச்சியான கவனயீர்ப்பு போராட்டத்தை நடத்தியிருந்தனர்.


இதன் விளைவாக பங்குனி மாதம் 01ஆம் திகதி விமானப்படையின் கட்டுப்பாட்டிலிருந்த மக்களுடைய நிலங்கள் மக்களிடம் வழங்கப்பட்ட நிலையில் 84 குடும்பங்கள் தமது சொந்த நிலத்தில் மீள்குடியேறினர்.

இந்நிலையில் மீள்குடியேறிய மக்களுக்கான அடிப்படைவசதிகள் எவையும் வழங்கப்படாத நிலை தொடர்கிறது.

கடந்த 1 மாதங்களில் மத்திய, மாகாண அரசுகள் சார்ந்த எந்தவொரு அரசியல்வாதிகளும் தமக்கான உதவிகளை வழங்குவது தொடர்பாக நடவடிக்கை எடுக்கவில்லை.


மக்கள் குற்றம் சாட்டியுள்ளனர். இதேவேளை மேற்படி மக்களின் குற்றச்சாட்டு தொடர்பாக வடமாகாண முதலமைச்சர் சீ.வி விக்னேஸ்வரனிடம் கேள்வி எழுப்பப்பட்டுள்ளது மீள்குடியேறும் மக்களுக்கு அடிப்படை வசதிகளை உடனடியாக பெற்று கொடுக்கவேண்டியது அரசாங்கத்தின் கடப்பாடு.

அவர்கள் மக்களை மீள்குடியேற்றினார்கள் என்னும் அடிப்படையில் மீள்குடியேறிய மக்களுக்கு அடிப்படை வசதிகளை பெற்று கொடுப்பதும் அவர்களுடைய கடப்பாடாகின்றது.

அதில் நாம் தான்தோன்றிதனமாக தலையீடு செய்ய இயலாது. அவ்வாறு மத்திய அரசாங்கம் தனது கடப்பாட்டை செய்யவில்லை.
மக்கள் எமக்கு எழுத்து மூலமாக தெரியப்படுத்தினால் அது தொடர்பாக மத்திய அரசாங்கத்துடன் பேசி மக்களுக்குரிய உதவிகளை பெற்று கொடுப்பதற்கு எங்களால் ஆவண செய்ய இயலும்.

இதேவேளை எங்களுடைய மக்கள்தானே நாங்கள் செய்யலாம் என நாங்கள் செய்ய முயன்றால் மத்திய அரசாங்கம் செய்யட்டும் என பார்த்து கொண்டிருக்கும்.
எனவே மத்திய அரசாங்கத்தின் கடப்பாட்டை மத்திய அரசாங்கத்தை கொண்டே நிறைவேற்றவேண்டும் எனவும் முதலமைச்சர் கூறியுள்ளார்.

இந்த நிலையில் மக்கள் தங்கள் சொந்த பணத்தில் வாங்கிய பொலித்தீன் தறப்பாள்களில் கூடாரங்களை போட்டு கொண்டு அதிலேயே வாழ்ந்து கொண்டிருக்கின்றமை இங்கே குறிப்பிடத்தக்கதாகும்.


வாழ்வோம் வளம்பெறுவோம்-பத்தில் பதினெண்மர் உள்ளீர்ப்பு

வடமாகாணசபை உறுப்பினர் மதிப்புறு துரைராசா ரவிகரன் அவர்களால் முன்னெடுக்கப்படும் வாழ்வோம் வளம் பெறுவோம் செயற்றிட்டத்தின் பத்தாம் கட்டமானது கடந்த வாரம் அவரது மக்கள் தொடர்பகத்தில் நடைபெற்றது.
புலம்பெயர் அன்பர்களின் பங்களிப்பில் முன்னெடுக்கப்பட்ட குறித்த செயற்றிட்டத்தின் பத்தாங்கட்டத்தில் தாயகத்தை சேர்ந்த பதினெட்டு உறவுகள் உள்ளீர்க்கப்பட்டனர்.
இது தொடர்பில் மேலும் அறியவருகையில்,
குறுங்கால வாழ்வுடைமை ஊக்குவிப்பினை நோக்காகக் கொண்டு நாளாந்த உணவுத்தேவைக்கு இடர்படும் குடும்பங்களுக்கான உதவி வழங்கலாக வாழ்வோம் - வளம் பெறுவோம் என்ற செயற்றிட்டமானது வடமாகாணசபை உறுப்பினர் மதிப்புறு துரைராசா ரவிகரன் அவர்களால் முன்னெடுக்கப்பட்டு வருகின்றது.
புலம்பெயர்ந்து வாழும் ஈழ அன்பர்களின் பணப்பங்களிப்பில் கடந்த 2014.11.20 அன்று ஐம்பத்தொரு தாயக உறவுகளை உள்ளீர்த்து தொடங்கிய இச்செயற்றிட்டமானது அண்மையில் நடைபெற்று முடிந்த பத்தாம் கட்டத்துடன் இதுவரையில் முந்நூற்று முப்பத்தொன்பதின்மரை (339) உள்ளீர்த்திருப்பதாக ரவிகரன் தெரிவித்துள்ளார்.
இக்கட்டத்திற்கான பங்களிப்பானது கனடாவில் புலம்பெயர்ந்து வாழும் இரண்டு பிள்ளையரின் பிறந்தநாளை முன்னிட்டு வழங்கப்பட்டது. திருநிறை இணையர் தர்மராசா செல்வவதனி ஆகியோரின் மகன் செல்வன் மிலன் அவர்களின் இருபத்தோராம் பிறந்தநாளை முன்னிட்டும் திருநிறை இணையர் இராசகுலேந்திரன் - தர்சினி ஆகியோரின் மகன் செல்வன் துளசிராம் அவர்களின் நான்காம் பிறந்தநாளை முன்னிட்டும் வழங்கப்பட்ட பங்களிப்பில் வாழ்வோம் வளம்பெறுவோம் செயற்றிட்டத்தின் பத்தாங்கட்டத்தில் பதினெட்டு ஈழத்தமிழ் உறவுகட்கான குறுங்கால வாழ்வுடைமை ஊக்குவிப்பினை வழங்கியுள்ளதாக அவர் மேலும் தெரிவித்தார்.




Photos