Slider

காணொளிகள்

மன்னார் செய்திகள்

விம்பம்

உள்நாட்டு செய்திகள்

சர்வதேச செய்திகள்

பல்சுவை

School events

மருத்துவம்

புகைப்படத்தளம்

கட்டுரைகள்

சினிமா

-

36 ஆண்டுகளாக காதல்: ரயில் நிலையத்தை திருமணம் செய்த பெண்...


அமெரிக்காவில் ஒரு பெண் தான் நேசித்த ரயில் நிலையத்தை காதலித்து திருமணம் செய்து கொண்ட சம்பவம் சுவாரஸ்யத்தை ஏற்படுத்தியுள்ளது.

அமெரிக்காவின் காலிபோர்னியா மாகாணத்தைச் சேர்ந்தவர் கரோல் சான்டே பி (45). தன்னார்வ தொண்டு செய்வதில் அதிக ஈடுபாடு கொண்டவர் என்று கூறப்படுகிறது.

இவரது வீட்டில் இருந்து 45 நிமிட பஸ் போக்குவரத்து தூரத்தில் ஒரு ரயில் நிலையம் ஒன்று உள்ளது. அதன் மீது கரோலுக்கு 9 வயதில் இருந்தே தனி அன்பும் ஈர்ப்பும் ஏற்பட்டது.


அதுவே பின்னர் காதலாக மாறியது. எனவே தினமும் 45 நிமிடம் பஸ்சில் பயணம் செய்து அந்த ரெயில் நிலையத்துக்கு சென்று அங்கு சிறிது நேரம் அமர்ந்து வருவதை வழக்கமாக கொண்டுள்ளார்.

இந்த நிலையில் கடந்த 2015-ம் ஆண்டு கிறிஸ்துமஸ் தினத்தன்று அந்த ரெயில் நிலையத்தை மனதளவில் திருமணம் செய்து கொண்டார்.

கடந்த ஆண்டு கிறிஸ்துமஸ் பண்டிகை அன்று தனது முதல் திருமண நினைவு நாளைக் கொண்டாடி மகிழ்ந்தார்.

1,000 இந்தியர்களுக்கு ஒவ்வொரு நாளும் விசா வழங்கும் சுவிஸ் அரசு.....


சுவிட்சர்லாந்து நாட்டில் கோடை விடுமுறையை கழிக்க ஒவ்வொரு நாளும் 1,000 இந்தியர்களுக்கு சுவிஸ் அரசு விசா வழங்கி வருவதாக தகவல்கள் வெளியாகியுள்ளன.

இந்திய தலைநகரமான டில்லியில் உள்ள சுவிஸ் தூதரகம் தான் இந்த விசா அனுமதியை அளித்து வருகிறது.

இந்தியாவில் ஏப்ரல் முதல் யூன் வரை கோடை காலம் என்பதால் வெளிநாடுகளுக்கு சுற்றுப்பயணம் மேற்கொள்ள இந்தியர்கள் பெருதும் விரும்புகின்றனர்.

குறிப்பாக, சுவிட்சர்லாந்து நாட்டிற்கு சுற்றுப்பயணம் மேற்கொள்ள அதிகளவில் இந்தியர்கள் விண்ணப்பம் செய்துள்ளனர்.

சுவிஸ் தூதரகத்தில் விசா கோரிய இந்தியர்களின் விண்ணப்பம் அதிகரித்ததால் கூடுதலாக 36 ஊழியர்களை நியமனம் செய்து விசா வழங்கும் பணியை வேகப்படுத்தியுள்ளனர்.

இதன் மூலம் ஒவ்வொரு நாளும் 1,000 இந்தியர்களுக்கு சுவிஸ் விசா வழங்கப்பட்டுள்ளது. அதிகபட்சமாக ஒரே நாளில் 1780 இந்தியர்களுக்கும் விசா வழங்கப்பட்டது.

சுவிஸ் விசா பெற்றவர்களில் 80 சதவிகிதத்தினர் அந்நாட்டில் விடுமுறையை கழிக்க மட்டுமே விரும்பியுள்ளனர்.

மேலும், கடந்த இரண்டு மாதங்களில் மட்டும் எந்த நாட்டிற்கும் இல்லாத வகையில் இந்தியாவுக்கு மட்டும் சுவிஸ் தூதரகம் அதிகளவில் விசா வழங்கியுள்ளது.

மேலும், கடந்த 2016-ம் ஆண்டில் மட்டும் 1,07,000 இந்தியர்களுக்கு சுவிஸ் அரசு விசா வழங்கியுள்ளது குறிப்பிடத்தக்கது.



ஒசாமா பின்லேடனின் கடைசி நிமிடங்கள்: மனம் திறந்த மனைவி...


அமெரிக்க ராணுவத்தின் சிறப்புப்படை, அல் கொய்தா தீவிரவாத அமைப்பின் தலைவர் ஒசாமா பின்லேடனை சுட்டுக் கொன்ற இரவில் என்ன நடந்தது என்பது குறித்து அவரது மனைவி முதன் முறையாக மனம் திறந்துள்ளார்.

அல் கொய்தா தீவிரவாத அமைப்பின் தலைவர் ஒசாமா பின்லேடன் பாகிஸ்தானில் பதுங்கியிருந்தபோது, கடந்த 2011 ஆம் ஆண்டு அமெரிக்க ராணுவத்தின் சிறப்புப்படையினரால் சுட்டுக் கொல்லப்பட்டார்.

சுட்டுக் கொல்லப்பட்ட அந்த இரவில் என்ன நடந்தது என்பது குறித்து ஒசாமாவின் நான்காவது மனைவி அமால் முதன் முறையாக தகவல்களை பகிர்ந்துள்ளார்.

2011, மே மாதம் முதல் திகதியன்று இரவு உணவு முடித்து, தொழுகைக்கு பின்னர் பின்லேடனும், அமாலும் படுக்கையறைக்கு சென்றுள்ளனர்.

திடீரென்று ஒசாமா ரகசியமாக மறைந்து வாழ்ந்து வந்த வீட்டில் மின்சாரம் தடைபட்டு, வீடு முழுவதும் இருளில் மூழ்கியுள்ளது. பாகிஸ்தானில் மின்சாரத் தடை ஏற்படுவது வழக்கமானது என்பதால், யாரும் அதை பெரிதாக எடுத்துக் கொள்ளவில்லை.

காரணமே இல்லாமல் கலக்கம் ஏற்பட்டு தூக்கம் கலைந்து விழித்துக்கொண்ட அமாலுக்கு, மாடியில் யாரோ ஏறுவது போல தோன்றியதால் கவலை ஏற்பட்டுள்ளது.

இதற்கிடையில் "தூக்கத்தில் இருந்த பின்லேடனும் திடுக்கிட்டு எழுந்து உட்கார்ந்தார். அவர் முகத்தில் அச்சம் நிலவியது அப்பட்டமாக தெரிந்தது".



அப்போது "அமெரிக்காவின் பிளாக் ஹாக் ஹெலிகாப்டர் வீட்டின் அருகே இருந்தது. சில நிமிடங்களில் மற்றொரு ஹெலிகாப்டரும் வந்துவிட்டது. அத்துடன், அமெரிக்க ராணுவத்தின் சிறப்பு குழுவும் அவர்களுடன் இணைந்து கொண்டது'', என்று தெரிவித்துள்ளார் அமால்.

குடும்பத்தினரிடம் பேசிய ஒபாமா, ''அவர்கள் கொல்ல விரும்புவது என்னைத்தான் உங்களை அல்ல'' என்று சொன்னதுடன், மனைவிகளையும், குழந்தைகளையும் வீட்டின் கீழ்தளத்திற்கு செல்லுமாறு கூறியுள்ளார்.

இருந்தபோதிலும், தனது மகன் ஹுசைனுடன் ஒசாமாவின் அருகிலேயே இருக்க அமால் முடிவு செய்திருக்கிறார்.

தங்கள் இருப்பிடத்தைப் பற்றிய முழுத் தகவல்களையும் யாரோ அமெரிக்காவிற்கு தெரிவித்துவிட்டார்கள், இல்லையென்றால் இது என்றுமே சாத்தியமாகியிருக்காது என்று கூறியுள்ளார் அமால்.

அப்போது அமெரிக்கா ராணுவத்தினர் மேல் மாடிக்கு வந்துவிட்டனர். அதன்பிறகு அனைத்தும் சில நிமிடங்களில் முடிந்துவிட்டது. மட்டுமின்றி பல ஆண்டுகளாக ரகசியமாகவும், பாதுகாப்பாகவும் இருந்த அந்த வீடே தங்களுக்கு மரணப்பொறியாக மாறிவிட்டது என முடித்துள்ளார் அமால்.

ஜேர்மனியில் ஒபாமா: அகதிகள் குறித்து உருக்கமான பேச்சு....


ஜேர்மனி நாட்டிற்கு சென்றுள்ள அமெரிக்க முன்னாள் ஜனாதிபதியான ஒபாமா அகதிகள் குறித்து உருக்கமாக பேசியுள்ளது பெரும் வரவேற்பை பெற்றுள்ளது.

இன்று காலை ஜேர்மனிக்கு வந்த ஒபாமாவை அந்நாட்டு சான்சலரான ஏஞ்சலா மெர்க்கல் மற்றும் ஆயிரக்கணக்கான பொதுமக்கள் உற்சாகமாக வரவேற்றனர்.
தலைநகர் பெர்லினில் உள்ள Brandenburg Gate என்ற பகுதியில் அமைக்கப்பட்ட பிரமாண்ட மேடையில் ஒபாமா மற்றும் ஏஞ்சலா மெர்க்கல் உரையாடலில் ஈடுப்பட்டுள்ளனர்.

அப்போது, ‘அமெரிக்க ஜனாதிபதியாக இருந்தபோது எனக்கு மிகவும் பிடித்த தலைவர்களில் ஒருவராக ஏஞ்சலா மெர்க்கல் பணியாற்றியுள்ளார்.

ஜேர்மனியில் அகதிகளுக்கு புகலிடம் அளிப்பதில் அவர் காட்டி வரும் ஆர்வம் பாராட்டத்தக்கது’ என ஏஞ்சலா மெர்க்கலை புகழ்ந்து பேசியுள்ளார்.

பின்னர், அமெரிக்கா-மெக்ஸிகோ எல்லையில் டொனால்ட் டிரம்ப் சுவர் எழுப்புவதை ஒபாமா கடுமையாக விமர்சனம் செய்துள்ளார்.

‘கடவுளின் பார்வையில் அனைவரும் சமமானவர்கள் தான். எல்லை சுவற்றிற்கு அப்பால் உள்ள குழந்தையுடனும் என்னுடைய குழந்தையுடனும் ஒரே அன்பை தான் காட்ட வேண்டும்’ என அகதிகளுக்கு தனது ஆதரவு குரலை ஒபாமா தெரிவித்துள்ளார்.

மேலும், சொந்த நாட்டை விட்டு அகதிகளாக குடிமக்கள் பிற நாடுகளுக்கு செல்லாதவாறு அரசாங்க தலைவர்கள் திறமையாக செயல்பட வேண்டும் எனவும் ஒபாமா வேண்டுகோள் விடுத்துள்ளார்.

இந்நிகழ்ச்சியில், மான்செஸ்டர் நகரில் நிகழ்ந்த தீவிரவாத தாக்குதலுக்கு கடும் கண்டனத்தையும் உயிரிழந்த குடும்பத்தினருக்கு ஆறுதலையும் ஒபாமா தெரிவித்துள்ளது குறிப்பிடத்தக்கது.

தீவிரவாத தாக்குதல்களால் மிகவும் பாதிக்கப்படும் 10 நாடுகள்....


சர்வதேச அளவில் தீவிரவாத தாக்குதல்களால் உயிரிழப்பு மற்றும் பொருளாதார நெருக்கடிகளுக்கு உள்ளாகும் முதல் 10 நாடுகளின் பட்டியல் தற்போது வெளியாகியுள்ளது.

சர்வதேச நாடுகளுடன் ஒப்பிடுகையில் இஸ்லாமிய நாடுகளில் ஒன்றான ஈராக்கில் தான் அதிகளவில் தீவிரவாத தாக்குதல்களும் உயிரிழப்புகளும் ஏற்பட்டு வருவதாக ஆய்வில் தெரியவந்துள்ளது.

2015-ம் ஆண்டு புள்ளிவிபரத்தின் அடிப்படையில் தீவிரவாத தாக்குதல்களால் பாதிப்பிற்கு உள்ளான முதல் 10 நாடுகளின் பட்டியல் இதோ

ஈராக்

2015-ம் ஆண்டில் மட்டும் ஈராக் நாட்டில் 2,415 தீவிரவாத தாக்குதல்கள் நிகழ்ந்துள்ளன. இத்தாக்குதலில் 6,960 பேர் கொல்லப்பட்டதுடன் 11,900 பேர் படுகாயம் அடைந்தனர்.

2003-ம் ஆண்டு அமெரிக்கா ஈராக் நாட்டின் மீது போர் தொடுக்க தொடங்கியது முதல் தற்போது வரை 40 தீவிரவாத மற்றும் கிளர்ச்சியாளர்கள் அமைப்பு ஈராக் மீது தாக்குதல் நடத்தியுள்ளனர்.

ஆப்கானிஸ்தான்

அண்டை நாடான பாகிஸ்தானில் தீவிரவாதம் ஓரளவிற்கு கட்டுக்குள் வந்துள்ள நிலையில், ஆப்கானிஸ்தான் நாட்டில் தீவிரவாதம் தலைவிரித்து ஆடுகிறது.

2015-ம் ஆண்டில் மட்டும் 1,715 தீவிரவாத தாக்குதல்கள் நிகழ்ந்துள்ளன. 5,312 பேர் கொல்லப்பட்டனர். 6,249 பேர் படுகாயம் அடைந்தனர்.

நைஜீரியா

நைஜீரியாவில் போகோ ஹாரம் என்ற தீவிரவாத அமைப்பும் ஐ.எஸ் தீவிரவாத அமைப்பும் தாக்குதலுக்கு காரணமாக இருந்து வருகின்றன.

2015-ம் ஆண்டில் இந்நாட்டில் நிகழ்ந்த 588 தாக்குதல்களில் 4,950 பேர் கொல்லப்பட்டனர். மேலும் 2,786 படுகாயம் அடைந்தனர்.

பாகிஸ்தான்

2006-ம் ஆண்டிற்கு பிறகு பாகிஸ்தான் நாட்டில் தீவிரவாத தாக்குதல்கள் என்பது வெகுவாக குறைந்து வருகிறது. எனினும், கடந்த 2015-ம் ஆண்டில் 45 சதவிகித தாக்குதல்களும் 38 சதவிகித உயிரிழப்புகளும் நிகழ்ந்துள்ளன.

சிரியா

தீவிரவாத தாக்குதல்களை தவிர்த்து விட்டு உள்நாட்டு யுத்தத்தால் இந்நாட்டில் இதுவரை 4,00,000 பேர் பலியாகியுள்ளனர்.

எனினும் தீவிரவாத தாக்குதல்களுடன் ஒப்பிடுகையில் இந்நாட்டில் 384 தாக்குதல் நிகழ்ந்துள்ளன. இவற்றில் 2,761 பேர் உயிரிழந்தனர் மற்றும் 2,830 காயம் அடைந்தனர்.

ஏமன்

சிரியாவை போல் ஏமன் நாட்டிலும் ஹவுதி போராளிகளுக்கும் அந்நாட்டு அதிபருக்கும் இடையில் உள்நாட்டு யுத்தம் நடைபெற்று வருகிறது.

தீவிரவாத தாக்குதல்களுடன் ஒப்பிடுகையில் 467 சம்பவங்கள் நிகழ்ந்துள்ளன. இவற்றில் 1,519 பேர் கொல்லப்பட்டனர் மற்றும் 2,599 பேர் காயம் அடைந்தனர்.

இந்தியா

இந்தியாவில் பெரும்பாலும் அரசியல் உள்நோக்கம் காரணமாக தீவிரவாத தாக்குதல் நடைபெறும் என்பதால் அதன் உயிரிழப்புகள் குறைவாக இருக்கும்.

எனினும் 2015-ம் ஆண்டு நிகழ்ந்த 797 சம்பவங்களில் 289 பேர் உயிரிழந்து 501 பேர் காயமடைந்துள்ளனர்.

சோமாலியா

சோமாலியாவில் ஐ.எஸ் தீவிரவாதிகளின் நடமாட்டம் அதிகமானதாக இருந்தாலும் அவர்களின் தாக்குதல் மிகவும் குறைந்துள்ளது.

2015-ம் ஆண்டில் மட்டும் 241 தாக்குதல்கள் நிகழ்ந்துள்ளன. இவற்றில் 659 பேர் கொல்லப்பட்டனர் மற்றும் 463 பேர் காயம் அடைந்துள்ளனர்.

எகிப்து

ஆப்பிரிக்க நாடுகளில் ஒன்றான எகிப்தில் தீவிரவாத தாக்குதல்கள் அண்மை காலமாக குறைந்து அந்நாட்டின் பொருளாதாரம் சீரடைந்து வருகிறது.

எனினும் நாடு முழுவதும் நிகழ்த்தப்பட்ட 493 தாக்குதல்களில் 662 பேர் உயிரிழந்தனர், 835 பேர் படுகாயம் அடைந்தனர்.

லிபியா

லிபியா அதிபரான கடாபியை கொன்ற நாள் முதல் லிபியாவில் உள்நாட்டு யுத்தம் தொடங்கியது. இந்த உள்நாட்டு யுத்தம் தான் இன்று சிரியா வரை பரவியுள்ளது.

2015-ம் ஆண்டில் லிபியாவில் நிகழ்ந்த 432 தாக்குதல்களில் 454 பேர் கொல்லப்பட்டதுடன் 660 பேர் படுகாயம் அடைந்தனர் என்பது குறிப்பிடத்தக்கது.

கடவுள்களின் மர்மம்! மனிதர்களை அவதானிக்கும் இருண்ட கிரகம்.. இரகசியம்!


பூமியில் வேற்றுக்கிரகவாசிகள் என்ற பதிவின் மூலம் வேற்றுக் கிரகங்களுக்கும் பூமிக்கும், பூமிவாசிகளுக்கும் உள்ள தொடர்புகள் பற்றி தொடராக பார்த்துக் கொண்டு வருகின்றோம்.

அந்த வகையில் சென்ற பதிவுகளில் வேற்றுக்கிரகத்தவர் ஏன் பூமிக்கு வந்தார்கள்? அவர்களுக்கு தேவைப்பட்டது என்ன? என்பதோடு பல விடயங்களை பற்றி பார்த்திருந்தோம். பாகம் 01, பாகம் 02

அதனைத் தொடர்ந்து வேற்றுக்கிரகவாசிகளுக்கும், கடவுள்களுக்கும் உள்ள தொடர்பினையும் பற்றி ஆராயலாம்.

இது முற்று முழுதான அறிவியல், விஞ்ஞானம் தொடர்பானதும், ஆய்வாளர்கள் ஆய்வின் மூலம் கூறும் விடயங்களின் அடிப்படையில் எழுதப்பட்டது மாத்திரமே. மதக் கோட்பாடுகளையும், நம்பிக்கைகளையும் சுட்டிக்காட்டுவது அல்ல.

இப்போது பூமியில் பல்வேறு கடவுள்கள் காணப்படுகின்றனர், அவர்கள் அனைவருமே ஒரு காலத்தில் மனிதர்களுக்கு ஆணையிட்ட தலைவர்களே என ஆய்வாளர்கள் கூறியுள்ளனர்.

Zecharia Sitchin இது குறித்து பல வருடங்கள் ஆய்வு செய்து ஒரு புத்தகத்தினையும் வெளியிட்டார். அதனை பல ஆய்வாளர்களும் ஏற்றுக் கொள்கின்றனர்.

மேலும் சுமேரிய பதிவுகள், மற்றும் தொல்பொருள் ஆய்வுகள் ஊடாக கிடைக்கப்பெற்ற சான்றுகளுடன் மதங்களையும், வேதங்களையும் இணைத்து ஆராய்ந்தனர்.


இதன் ஊடாக ஓர் மிகப்பெரிய இரகசியம் வெளிப்பட்டதாக தெரிவித்துள்ளனர். அதாவது ஒட்டு மொத்த உலக மதங்களும் ஒரு இடத்தில் இருந்து ஆரம்பமானதே என்ற உண்மையே அது.

அதன் அடிப்படையில் முதலாவதாக வேதங்களையும், இந்துக் கடவுள்களையும் - வேற்றுக்கிரக சான்றுகளோடும், சுமேரியர்களின் குறிப்புகளோடும் ஆய்வு நடத்தப்பட்டுள்ளது.

அதன் மூலம் இந்துக் கடவுள்களான பிரம்மா, விஷ்ணு, சிவன், காளி போன்றோர் வேற்றுக்கிரகத்தில் இருந்து வந்து மனிதர்களுக்கு தலைவர்களாக இருந்தவர்களே என ஆய்வாளர்கள் கூறியுள்ளனர்.

இதில் பிரம்மா - அனு எனவும், விஷ்ணு - என்கி எனவும், சிவன் - என்லின் எனவும் சுமேரியர்கள் வணங்கியதாகவும், அவர்கள் நட்சத்திரத்தில் இருந்து வந்தவர்கள் எனவும் குறிப்புகள் கூறுகின்றன. (ANU, ENKI, ENLIL)


மேலும் வேற்றுக்கிரகம் தொடர்பாக ஆய்வு செய்த போது கிடைத்த சான்றுகளையும், பண்டைய குகை ஓவியங்களையும் ஆய்வு செய்து இந்துக் கடவுள்களுக்கும், நட்சத்திரங்களில் இருந்து வந்ததாக சுமேரியர்கள் கூறும் தலைவர்களுக்கும் இடையேயான ஒற்றுமைகள் கண்டுபிடிக்கப்பட்டுள்ளன.

 சங்கு போன்ற வடிவத்தை கையில் ஏந்தியிருக்கும் என்கி ENKI எனப்படுகின்றவர், இந்துக்கள் வழிபடும், காத்தல் தொழில் செய்யும் விஷ்ணுவின் உருவ அமைப்புகளுடன் ஒத்துப் போகின்றது.


அதேபோல் அனு (ANU) எனப்படும் ஆதி கால மனிதர்களின் வேற்றுக்கிரக தலைவர் இந்துக்களின் பிரம்மன் எனும் கடவுளுடன் ஒத்துப் போவதாகவும், அனு படைக்கும் தொழிலைச் செய்து வந்ததாகவும் சுமேரியப் பதிவுகள் கூறுகின்றன.


அடுத்தது அழிக்கும் தொழிலைச் செய்ததாக சுமேரியக் குறிப்புகள் கூறும் என்லின் (ENLIL) இந்துக்களின் கடவுள் சிவன், உருத்திரன் என்ற கடவுளுடன் மிகச்சரியாக ஒத்துப்போவதாகவும் கூறுகின்றனர் ஆய்வாளர்கள்.


அதேபோன்று சிங்கத்துடன் வரும் காளிக்கும், அப்போதைய சுமேரியர்களின் தலைவி இண்ணாவிற்கும் முழு ஒற்றுமைகள் காணப்படுவதாகவும் ஆய்வாளர்கள் அடித்துக் கூறுகின்றனர்.


இதே போன்று பல இந்துக் கடவுள்கள், அப்போது வேற்றுக்கிரகங்களில் இருந்து வந்தவர்களினால் மாற்றம் அடைந்து வந்ததே எனவும் கூறப்படுகின்றது.

அதேபோன்று கடவுள்களின் இருப்பிடங்களாக கூறப்படும் அனைத்து மதங்களின் வழிபாட்டுத்தலங்களுக்கும் ஒரே வகை ஒற்றுமையே காணப்பட்டு வருகின்றது.
இவற்றின் மூலம் நட்சத்திரங்களில் இருந்து வந்ததாக கூறப்படும் அல்லது ஒளியைப் பிரதிநிதித்துவப்படுத்தி கடவுள்களைக் கூறுவதற்கும் வேற்றுக்கிரகவாசிகளின் தொடர்பே காரணம் என ஆய்வாளர்கள் கூறுகின்றனர்.

மேலும் வேற்றுக்கிரகவாசிகள் தலைவர்களாக செயற்பட்டு மனிதர்களுக்கு நாகரீகத்தையும், வாழ்க்கை முறையையும் கற்றுக் கொடுத்து வந்துள்ளனர். அதன் பின்னர் காலப்போக்கில் அவர்களையே கடவுள்களாக மனிதர்கள் மாற்றியுள்ளனர் (பின்பற்றியுள்ளனர்) எனவும் தெரிவிக்கப்படுகின்றது.

மதங்களின் நம்பிக்கையும் சரி, புராணங்களும் சரி அனைத்தும் கூறுவது வானத்தில் இருந்தே தமது கடவுள்கள் வருகைத் தந்ததாகவே.

இது தவிர புராணங்களும், சுமேரியப் பதிவுகளும் ஓர் இருண்ட கிரகம் பூமியை அவதானித்துக் கொண்டே இருக்கும் என கூறியுள்ளன.

வேற்றுக்கிரகங்கள் தொடர்பில் ஆய்வு செய்கின்றவர்கள், அது வேற்றுக் கிரகவாசிகளின் இருப்பிடமாக இருக்கக் கூடும் எனவும் ஓர் கருத்தினை தெரிவித்துள்ளனர்.

குறித்த கிரகம் ஒளியை பிரதிபளிக்காத காரணத்தினால் இலகுவாக தெரிவதில்லை எனவும் கூறியுள்ளனர். இதனை விண்வெளி தொடர்பில் ஆய்வு செய்கின்றவர்களும் ஏற்றுக் கொண்டுள்ளார்கள்.

இது பற்றி விரிவாக பார்ப்பதோடு, இன்னும் பல வகையிலும் வேற்றுக்கிரகங்களுக்கும் மனிதர்களுக்கும் உள்ள தொடர்பினை ஆராய்வோம் அடுத்த பதிவில்..,









ஓரினச் சேர்க்கையில் ஈடுபட்ட இளைஞர்கள்:1000 பேருக்கு மத்தியில் 82 பிரம்படிகள்....


இந்தோனிசியாவில் இரண்டு இளைஞர்கள் ஓரினச் சேர்க்கையில் ஈடுபட்டதாக பொதுமக்கள் மத்தியில் வைத்து காவல்துறையினர் பிரம்படி கொடுத்துள்ளனர்.

இந்தோனேசியாவின் பாண்டா ஏசே நகரில் இந்தச் சம்பவம் நடந்தது. இஸ்லாமிய நீதிமன்றத்தின் உத்தரவுப்படி இருவருக்கும் தலா 82 பிரம்படிகள் கொடுக்கப்பட்டன. இந்தக் காட்சியை அங்கிருந்த ஆயிரத்துக்கும் மேற்பட்டோர் நேரில் பார்த்தனர்.

பேஸ்புக் உள்ளிட்ட சமூக வலைத்தளங்களில் நேரடியாகவும் ஒளிபரப்பினர். பிரம்படி கொடுப்பதற்காகவே ஒரு மேடை அமைக்கப்பட்டிருந்தது. பிரம்படிக்குப் பிறகு தண்டனை பெற்ற இருவரும் அவர்களது குடும்பங்களிடம் ஒப்படைக்கப்பட்டனர். ஓரினச் சேர்க்கைக்கு எதிரான சட்டம் கடந்த 2014-ஆம் ஆண்டு ஏசே மாகாணத்தில் கொண்டுவரப்பட்டது.

அதன்படி நிறைவேற்றப்பட்ட முதல் தண்டனை இதுவாகும். இந்த மாகாணத்தில் மட்டுமே ஓரினச் சேர்க்கையில் ஈடுபடுவது மதச் சட்டப்படி குற்றமாகக் கருதப்படுகிறது.

எவரெஸ்ட் சிகரத்தின் உச்சி அழிந்துவிட்டது: உறுதி செய்த பிரித்தானிய வீரர்....


உலகின் மிக உயரமான சிகரமான எவரெஸ்ட் சிகரத்தின் உச்சியில் இருந்த ஹிலாரி முனை அழிந்துவிட்டதாக பிரித்தானியா மலையேற்ற வீரர் உறுதியாகத் தெரிவித்துள்ளார்.

பிரித்தானியாவை சேர்ந்த மலையேற்ற வீரர் டிம் மோஸ்டைல் என்பவரே இதை உறுதி செய்துள்ளார்.

1953ம் ஆண்டு, முதன்முறையாக நேபாளத்தில் உள்ள எவரெஸ்ட் சிகரத்தில் ஏறிய சர் எட்மண்ட் ஹிலாரி என்பவரின் நினைவாக எவரெஸ்ட் சிகரத்தின் உச்சியில் உள்ள பாறைகள் நிறைந்த பகுதிக்கு ’Hillary Step’ என்று பெயர் சூட்டப்பட்டது.

இந்த நிலையில் , டிம் மோஸ்டைல் தனது சமூக வலைதள பக்கங்களில் வெளியிட்டுள்ள பதவில், ஹிலாரி முனை சரிந்துவிட்டதாக தெரிவித்துள்ள டிம், 2015ஆம் ஆண்டு நேபாளத்தில் ஏற்பட்ட நிலநடுக்கம்தான் இதற்கு முக்கியக் காரணம் என்று குறிப்பிட்டுள்ளார்.

பாறை நிறைந்த ஹிலாரி முனை, மலையேறுபவர்களுக்கு ஒரு அரண்போலத் திகழ்ந்தது. தற்போது, இந்தப் பகுதி சரிந்துவிட்டதால், இனி வரும் காலங்களில் மலை ஏறுபவர்கள், பல ஆபத்துகளைச் சந்திக்கவேண்டியிருக்கும் என வல்லுநர்கள் எச்சரித்துள்ளனர்.

பிரித்தானியாவில் போட்டியிட்டு வெற்றி பெற்ற தமிழ் பெண்....


பிரித்தானியாவில் உள்ள லண்டன் மாநகராட்சி கவுன்சிலராக தமிழகத்தில் பிறந்து வளர்ந்த தொழில் அதிபர் ரெஹானா அமீர் தெரிவுசெய்யப்பட்டுள்ளார்.

பிரித்தானியா நாட்டின் லண்டன் மாநகரில் உள்ள 25 வார்டுகளுக்கான உள்ளாட்சி தேர்தல் சமீபத்தில் நடைபெற்றது.

இதில் வின்ட்ரை வார்டின் கவுன்சிலர் பதவிக்கு இந்தியாவை சேர்ந்த பெண் தொழில் அதிபர் ரெஹானா அமீர் (43) போட்டியிட்டார். இவர் தமிழகத்தின் சென்னையில் பிறந்து, வளர்ந்தவர்.

இந்த உள்ளாட்சி தேர்தலில் அவர் சுயேச்சை வேட்பாளராக போட்டியிட்டு வெற்றி பெற்றதை தொடர்ந்து வின்ட்ரை வார்டின் கவுன்சிலராக தெரிவு செய்யப்பட்டார். இதன் மூலம் லண்டன் மாநகராட்சியில் கவுன்சிலரான முதல் இந்திய பெண் என்ற பெருமையை அவர் தட்டிச்சென்று உள்ளார்.

இது குறித்து கருத்து தெரிவித்த ரெஹானா அமீர், கவுன்சிலராக தேர்வு செய்யப்பட்டிருக்கும் நான், சாலை பாதுகாப்பு, காற்றை தூய்மைபடுத்துதல், மன ஆரோக்கியம் உள்ளிட்ட விஷயங்களில் முக்கிய கவனம் செலுத்துவேன். மேலும் அனைத்து வகையான தொழில்களுக்கும் சிறந்த பிரதிநிதித்துவம் அளிப்பேன் என கூறியுள்ளார்.

திருமுகம் கின்னஸ் சாதனை புத்தகத்தில் இடம்பெற்றது. இது குறித்த ஓர் சிறப்பு பதிவு!


சத்குருவால் பிரதிஷ்டை செய்யப்பட்டுள்ள 112 அடி உயர ஆதியோகி திருமுகம் கின்னஸ் சாதனை புத்தகத்தில் இடம்பெற்றது. இது குறித்த ஓர் சிறப்பு பதிவு!


கின்னஸை தாண்டிய ஆதியோகியின் உயரம்! 2017 பிப்ரவரி 24, மஹாசிவராத்திரியன்று உலகிலேயே உயரமான முகமாக, ஆதியோகியின் 112 அடி உயர திருமுகம் சத்குரு அவர்களால் கோவை ஈஷா யோகா மையத்தில் பிரதிஷ்டை செய்யப்பட்டது! பாரத பிரதமர் மோடி அவர்களால் திறந்து வைக்கப்பட்ட ஆதியோகி திருமுகம், தற்போது கின்னஸ் புத்தகத்தில் இடம்பெற்று பாரதத்தின் மற்றுமொரு பெருமைமிகு அடையாளமாய் திகழ்கிறது. கின்னஸ் இணையதளத்தில் ஆதியோகி திருவுருவ சிலையின் சாதனை பற்றிய விபரங்கள் வெளியிடப்பட்டுள்ளது. அதன் லிங்க் இங்கே. இதை பற்றி கின்னஸ் உலக சாதனை புத்தகம் கூறுவதாவது:

“உலகிலேயே மிகப்பெரிய மார்பளவுச் சிலையின் அளவு – உயரம் 34.24 மீட்டர் 112 அடி 4 அங்குலம். அகலம் 24.99 மீட்டர் 81 அடி 11.8 அங்குலம். நீளம் 44.9 மீட்டர் 147 அடி 3.7 அங்குலம். இந்தச் சாதனையை தமிழ்நாட்டின் ஈஷா அறக்கட்டளை செய்ததாக 11 மார்ச் 2017 அன்று உறுதி செய்கிறோம்.” இந்த சாதனை ஈஷாவுக்குக் கிடைத்துள்ள இரண்டாவது கின்னஸ் சாதனை விருதாகும். ஏற்கெனவே ஈஷா அறக்கட்டளை அக்டோபர் 17, 2006 அன்று 852,587 மரக்கன்றுகளை, தமிழ்நாட்டில் நட்டதற்காக கின்னஸ் சாதனை அங்கீகாரம் பெற்றுள்ளது குறிப்பிடத்தக்கது.


 ஆதியோகியின் உயரம் ஏன் 112 அடி?
மார்பளவு திருவுருவ சிலைகளில் உலகிலேயே மிகப்பெரியது என கின்னஸ் சாதனை புத்தகத்தில் இடம்பெற்றுள்ள ஆதியோகி திருமுகம், உண்மையில் கின்னஸையும் தாண்டிய ஒன்று என்றே சொல்ல வேண்டும். 112 அடி என்ற இந்த உயர அளவீடு ஒரு சாதனைக்காகவோ அல்லது பிரம்மாண்டத்தை காட்டுவதற்காகவோ நிர்ணயிக்கப்படவில்லை என்பதே உண்மை! நம் உடலில் 114 சக்கரங்கள் உள்ளன. இவற்றை நாம் சக்தி ஸ்தானங்கள் என அழைக்கலாம். இந்த 114 இல் இரண்டு நம் பொருள் உடலைத் தாண்டி அமைந்துள்ளது. அதனால் இவையிரண்டிற்கும் நாம் செய்ய வேண்டியது என எதுவுமில்லை. இவை இரண்டையும் கழித்தால் மொத்தம் 112 சக்கரங்கள். இந்த 112 சக்கரங்களுக்கு, சக்கரத்திற்கு ஒரு முறை என்ற விகிதத்தில் 112 வழிமுறைகளை உருவாக்கினார் சிவன். சப்தரிஷிகளுக்கு 112 முறைகளைச் சொல்லிக் கொடுத்தார். சிவனிடமிருந்து சிரமேற்கொண்டு அவர்கள் அத்தனை வித்தைகளையும் கற்றறிந்தனர்.

 உலகம் முழுவதும் இதனை நீங்கள் எடுத்துச் செல்ல வேண்டும் என்று சொன்னார் சிவன். யோகாவை 112 வழிமுறைகளில் சப்தரிஷிகளுக்கு வழங்கிய ஆதியோகிக்கு 112 அடி உயரத்தில் உலகிலேயே பெரிய முகத்தை நிறுவுவதன் மூலம், ஆதியோகிக்கு நன்றியை வெளிப்படுத்துவதோடு, அவர் வழங்கிய விலைமதிப்பில்லா கொடைக்கு ஓர் அங்கீகாரத்தை வழங்குவதே சத்குருவின் நோக்கம்!

மேலும், ஆதியோகி திருமுகம் ஒரு வடிவியல் அற்புதம் என்றால் அது மிகையாகாது! இதனை 8 மாத காலங்கள் முழுமூச்சாய் செயலில் ஈடுபட்டு உருவாக்கிய பெருமை ஈஷாவின் நூற்றுக்கணக்கான தன்னார்வத் தொண்டர்களையும் தொழிற்முறை கலைஞர்களையும் சேவாதார்களையுமே சாரும்.

ஒரு குழந்தையை உருவாக்க ஒரு தாய் 9 மாதங்கள் எடுத்துக்கொள்கிறாள், ஆனால், நமது தன்னார்வத் தொண்டர்கள் இதனை 8 மாதங்களில் பூர்த்திசெய்து வியக்க வைத்துள்ளனர் என்று சத்குரு ஆதியோகி உருவாக்கம் குறித்து பேசும்போது குறிப்பிட்டார். அருளை வாரிவழங்கக் கூடியதாக திகழும் ஆதியோகி அருள்முகம், குறிப்பாக முக்தியை மக்களுக்கு வழங்கும் என்பதை அரிதியிட்டு கூறுகிறார் சத்குரு. “நோய்களை நீக்கி, அசௌகரியங்களை அகற்றி, தனிமையை தகர்த்து, வறுமையை விலக்கி, பிறப்பு இறப்பிலிருந்து விடுவித்து, முக்தி அருள… ஆதியோகி எழுந்தருள்கிறார்!” -சத்குரு-



ஆப்கானிஸ்தானில் முழுவதும் பெண்களுக்காக நடத்தப்படும் முதல் சேனல் உதயம்


ஆப்கானிஸ்தான் நாட்டில் முழுவதும் பெண்களால் நடத்தப்படும் பெண்கள் சார்ந்த நிகழ்ச்சிகள் கொண்ட சேனல் புதிதாக தொடங்கப்பட்டுள்ளது.

கடந்த 2001-ம் ஆண்டு வரை தாலிபான்களில் ஆதிக்கத்தின் கீழ் இருந்த ஆப்கானிஸ்தான் நாட்டில், அப்போது பெண் குழந்தைகள் கல்வி கற்கவும், பெண்கள் வேலைக்கு செல்லவும் தடை இருந்தது. பின்னர் ஜனநாயகப் பாதைக்கு திரும்பிய அந்நாட்டில் கொஞ்சம் கொஞ்சமாக பெண்கள் தங்களது உரிமைகளை பெற்று வருகின்றனர்.

இந்நிலையில், அந்நாட்டில் முற்றிலும் பெண்களுக்காகவே நடத்தப்படும் தொலைக்காட்சி சேனல் ஒன்று உதயமாகிறது. ஸான் டி.வி. என்று பெயரிடப்பட்டிருக்கும் இந்தத் தொலைக்காட்சியில் தொகுப்பாளர்கள் அனைவரும் பெண்களாகவே இருப்பார்கள். ஆப்கானிஸ்தானைப் பொறுத்தவரை தொலைக்காட்சிகளில் பெண்கள் பணியாற்றுவதற்கு பண்பாட்டு முட்டுக்கட்டைகள் இருக்கின்றன. அவற்றை உடைப்பதற்காகவே இந்த முயற்சி எடுக்கப்பட்டிருப்பதாகக் கூறப்படுகிறது.

”முழுவதும் பெண்களால் நடத்தப்படும் இந்த தொலைக்காட்சி தொடங்கியிருப்பதில் மகிழ்ச்சி, இந்த சேனல் பெண்களுக்கான உரிமைகளை பறை சாற்றி அவர்கள் இழந்த உரிமைகளை மீண்டும் பெற்று தரும்” என 20 வயது நிகழ்ச்சி தயாரிப்பாளர் காதிரா அஹமதி தெரிவித்துள்ளார்.


கனடா நாட்டு சிறுமிக்கு உயரிய விருது வழங்கிய பிரித்தானிய இளவரசர்கள்...


கனடா நாட்டை சேர்ந்த சிறுமி ஒருவரின் சமூக சேவைகளை பாராட்டி அவருக்கு உயரிய விருதை வழங்கி பிரித்தானிய இளவரசர்களான வில்லியம் மற்றும் ஹரி கெளரவித்துள்ளனர்.

ஓண்டாரியோ மாகாணத்தில் உள்ள Peterborough நகரில் Faith Dickinson(14) என்ற சிறுமி வசித்து வருகிறார்.

சிறுமிக்கு 9 வயதாக இருந்தபோது அவரது உறவினர் ஒருவருக்கு மார்பக புற்றுநோய் தாக்கியுள்ளது.

இந்நோயால் அவர் துன்பப்படுவதை பார்த்து இதேபோல் நோயால் அவதிப்படுபவர்களுக்கு உதவ வேண்டும் என சிறுமி தீர்மானித்துள்ளார்.

இதனை தொடர்ந்து தொண்டு மையம் ஒன்றை தொடங்கி கடுமையான நோய்களால் பாதிக்கப்பட்டுள்ளவர்களின் முகவரிகளை சேகரித்து அவர்களுக்கு தேவையான பொருட்களை வழங்கி வந்துள்ளார்.

குறிப்பாக, இன்று வரை 3,500 நபர்களுக்கு குளிருக்கு அணியும் உடுப்புகளை பிரத்யேகமாக வடிவமைத்து அனுப்பி வைத்துள்ளார்.

சிறுமியின் சமூக சேவை பொதுமக்கள் மத்தியில் பெரும் பாராட்டை குவித்துள்ளது.

இந்நிலையில், பிரித்தானிய முன்னாள் இளவரசியான டயானாவின் நினைவில் வழங்கப்படும் Diana Legacy Award என்ற விருதுக்கு கனடா சிறுமியும் தெரிவு செய்யப்பட்டுள்ளார்.

உலகம் முழுவதிலும் இருந்து 20 பேர் தெரிவு செய்யப்பட்ட இந்நிகழ்வு லண்டன் நகரில் நேற்று நடைபெற்றுள்ளது.

இந்நிகழ்ச்சியில் பங்கேற்ற இளவரசர்களான வில்லியம் மற்றும் ஹரி விருதுகளை வழங்கி அனைவரையும் பாராட்டியுள்ளனர்.

நிகழ்ச்சியில் இளவரசர் வில்லியம் பேசியபோது, இதுபோன்ற உதவும் மனப்பான்மை கொண்ட நபர்களின் அன்பு மற்றும் கருணையில் நமது தாயார் இன்னும் வாழ்ந்துக்கொண்டு இருப்பதாக உணர்கிறேன்’ என நெகிழ்ச்சியுடன் பேசியுள்ளார்.

57 மில்லியன் டொலருக்கு விற்பனையான வைர நகை: சுவிஸ் ஏலத்தில் சாதனை....


சுவிட்சர்லாந்து நாட்டில் நடத்தப்பட்ட ஏலத்தில் இரண்டு வைர நகைகள் 57.4 மில்லியன் டொலருக்கு விற்பனையாகி சாதனை படைத்துள்ளதாக தகவல்கள் வெளியாகியுள்ளன.

சுவிஸில் உள்ள ஜெனிவா நகரில் நேற்று முன் தினம் இந்த ஏலம் நடத்தப்பட்டது. உலகம் முழுவதில் இருந்து விலைமதிப்பற்ற நகைகள் இந்த ஏலத்தில் பங்கு பெற்றுள்ளன.

இந்நிலையில், The Apollo Blue என்ற பெயரிடப்பட்ட வைர நகை 42.087 டொலருக்கும், The Artemis Pink என்ற பெயரிடப்பட்ட வைர நகை 15.33 டொலருக்கும் விற்பனை ஆகி சாதனை படைத்துள்ளது.

இரண்டு வைர நகைகளையும் ஆசியாவை சேர்ந்த ஒரு தொழிலதிபர் வாங்கியுள்ளார். ஆனால், அவர் யார் என்ற தகவல்கள் வெளியிடப்படவில்லை.

கிரேக்க கடவுள் என்ற புணைப்பெயருடன் அழைக்கப்படும் நீலக்கலர் வைர நகை 14.54 கேரட்டும், இளஞ்சிவப்பு நிறத்தில் உள்ள வைர நகை 16 கேரட்டும் உடையது.

எதிர்பார்த்த விலையை விட மிக அதிகளவி விற்பனை ஆகியுள்ளதால் முந்திய வைர நகைகளின் விற்பனை சாதனையை இந்த இரண்டு வைரங்களும் முறியடித்துள்ளது குறிப்பிடத்தக்கது.

101 வயதில் ஸ்கைடைவ் அடித்து உலகசாதனை படைத்த பிரித்தானியர்....


பிரித்தானியாவைச் சேர்ந்த 101 வயதான முதியவர் ஒருவர் 15 ஆயிரம் அடி உயரத்தில் இருந்து ஸ்கைடைவ் அடித்து உலக சாதனை படைத்துள்ள சம்பவம் பரபரப்பை ஏற்படுத்தியுள்ளது.

இரண்டாம் உலகப்போரில் பிரித்தானியா சார்பாக கலந்துகொண்டவரும் தற்போது 101 வயது நிரம்பியவருமான எர்டோகன் பல வருடங்களாக ஆர்வத்துடன் ஸ்கை டைவிங்கில் ஈடுபட்டுவருகிறார்.

இந்நிலையில் தன்னுடைய 101 வயதில் 15 ஆயிரம் அடி உயரத்தில் இருந்து பாராஷூட் துணையுடன் குதித்து தற்போது உலக சாதனை படைத்துள்ளார்.


இதன்மூலம் 2014ம் ஆண்டு அர்மந்த் என்பவர் நிகழ்த்திய கின்னஸ் சாதனையை எர்டோகன் முறியடித்துள்ளார்.

எர்டோகன் ஏற்கனவே இங்கிலாந்து அளவில் அதிக வயதில் ஸ்கைடைவ் அடித்து சாதனை படைத்துள்ளார் என்பது குறிப்பிடத்தக்கது.

இதுகுறித்து பேசிய அவர், ஸ்கைடைவ் அடிப்பது எனக்கு மிகவும் பிடித்த சாகச விளையாட்டு. இப்படியொரு உலக சாதனையை நிகழ்த்த வேண்டும் என முன்பே நினைத்திருந்தேன்,

ஆனால் என் வயதை காரணம் காட்டி என் மனைவி அனுமதிக்க மறுத்துவிட்டாள். இருப்பினும் அவளை சமாதானாம் செய்துவிட்டு, இந்த சாதனையை நிகழ்த்தியுள்ளேன். தற்போது மிகுந்த மனநிறைவாக உணர்கிறேன் என தெரிவித்துள்ளார்.

குப்பை தொட்டியில் இருந்து கிடைத்த 25 கிலோ தங்கம்...


சுவிட்சர்லாந்து நாட்டில் குப்பைகளை சேகரித்து மறுசுழர்ச்சி செய்தபோது 25 கிலோ எடையுள்ள தங்கம் கிடைத்துள்ளதாக தகவல்கள் வெளியாகியுள்ளன.

சுவிஸில் உள்ள சூரிச் மாகாணத்தில் தான் இந்நடவடிக்கை மேற்கொள்ளப்பட்டு வருகிறது. சூரிச் மாகாணம் முழுவதும் குப்பைகள் சேகரிக்கப்பட்டு அதிநவீன தொழில்நுட்பத்தில் மறுசுழர்ச்சி செய்யப்பட்டு வருகிறது.

குப்பைகளை பிரித்தெடுக்க நவீன இயந்திரங்களும் பயன்படுத்தப்பட்டு வருகின்றன.

சூரிச் மாகாணத்தில் மட்டும் கடந்த 2016-ம் ஆண்டில் ஆயிரக்கணக்கான டன் எடையுள்ள குப்பை சேகரிக்கப்பட்டுள்ளது. இந்த குப்பைகள் மீண்டும் ஆராய்ப்பட்டு இதிலிருந்து 43,000 டன் எடையுள்ள உலோகங்கள் பிரித்தெடுக்கப்பட்டன.

பின்னர், இந்த உலோகங்கள் Hinwil நகருக்கு கொண்டு செல்லப்பட்டு அங்குள்ள ஆலையில் மீண்டும் தனித்தனி உலோகங்களாக பிரிக்கப்பட்டுள்ளன.

இவ்வாறு பிரித்தபோது 4,000 டன் எடையுள்ள இரும்பு, அலுமினியம், வெங்கலம், வெள்ளி உள்ளிட்ட உலோகங்கள் சேகரிக்கப்பட்டன.

இதே வழிமுறையை பின்பற்றி இந்த உலோகங்களில் சேர்ந்திருந்த தங்கத்தை அதிநவீன இயந்திரம் பிரித்தெடுத்துள்ளது. இவ்வாறு தனித்தனியாக பிரித்தபோது இறுதியில் 25 கிலோ எடையுள்ள தங்கம் கிடைத்துள்ளதாக துப்புரவு பணியை மேற்கொள்ளும் அதிகாரிகள் தெரிவித்துள்ளனர்.

குப்பைகளில் இருந்து கிடைத்த இரும்பு, வெள்ளி, தங்கம் உள்ளிட்ட உலோகங்களை சந்தை விலைக்கு விற்பனை செய்து நலத்திட்ட பணிகளுக்கு பயன்படுத்தப்படும் என அதிகாரிகள் தெரிவித்துள்ளனர்.


சீனாவில் சாதித்த தமிழர்: சிறந்த ஆசிரியராக தேர்ந்தெடுக்கப்பட்டு அசத்தல்....


தமிழகத்தைச் சேர்ந்த ஐசக் தேவக்குமார் சீன பள்ளியில் 2016-ஆம் ஆண்டிற்கான சிறந்த வெளிநாட்டு ஆசிரியர் என்ற விருதைப் பெற்றுள்ளார்.

தமிழகத்தின் ஈரோடு மாவட்டம் கருங்கல் பாளையம் அடுத்து உள்ள கிருஷ்ணாம் பாளையத்தைச் சேர்ந்தவர் ஐசக் தேவகுமார்.

இவர் சீனாவில் உள்ள பள்ளி ஒன்றில் இரண்டு ஆண்டுகளாக கணித ஆசிரியராக பணியாற்றி வருகிறார்.

இவரது சிறப்பான பணியை பாராட்டி சீன அரசு 2016-ஆம் ஆண்டிற்கான சிறந்த வெளிநாட்டு ஆசிரியர் என்ற விருதை வழங்கி கௌரவித்துள்ளது.
 



ஏமனில் பரவும் காலராவுக்கு 115 பேர் பலி: 8,500 பேர் பாதிப்பு...


ஏமனில் காலரா நோய் பரவி வருவதையடுத்து சுமார் 115 பேர் இதற்கு பரிதாபகமாக பலியாகியுள்ளனர் என்ற அதிர்ச்சி தகவல் வெளியாகியுள்ளது.

ஏமனில் பரவி வரும் காலரா நோயால் பாதிக்கப்பட்டு சிகிச்சை தேடி வரும் நோயாளிகளை கவனிக்க முடியாமல் மருத்துவமனைகள் திணறி வருகின்றன என்று செஞ்சிலுவைச் சங்கம் தெரிவித்துள்ளது.

ஏப்ரல் 27-ம் திகதி முதல் இன்று வரை 115 பேர் காலராவுக்கு பலியாகியுள்ளனர். மேலும் 8,500 பேர் காலரா நோயால் பாதிக்கப்பட்டுள்ளதாகவும் தெரிய வந்துள்ளது.

ஏமனில் சவுதி ஆதரவு அரசுக்கும் இரான் ஆதரவு ஹுதி போராளிகளுக்குமிடையே கடும் சண்டை நடைபெற்று வருவதால் மருத்துவமனைகள் முழுதும் இயங்க முடியாமல் பாதிக்கப்பட்டுள்ளன.

மட்டுமின்றி சவுதி ஆதரவு அரசுக்கும் இரான் ஆதரவு ஹுதி போராளிகளுக்குமிடையே கடந்த 2015 ஆம் ஆண்டு முதல் நடைபெற்று வரும் சண்டையில் இதுவரை 8,000 பேர் கொல்லப்பட்டுள்ளதாகவும் தகவல் வெளியாகியுள்ளது.

இதனால் குறிப்பிட்ட மருத்துவமனைகளில் காலரா நோயாளிகள் வரத்து நெரிசலாகியுள்ளது. ஒரே படுக்கையில் 4 காலரா நோயாளிகளை வைத்துப் பராமரிக்க வேண்டிய நிலை ஏற்பட்டுள்ளதாக பெரும்பாலான மருத்துவமனைகள் புகார் தெரிவித்துள்ளன.

தெற்கு சூடான், நைஜீரியா, சிரியா ஆகிய நாடுகளுடன் மனிதார்த்த நெருக்கடி மிகுந்த பட்டியலில் உலகச் சுகாதார அமைப்பு ஏமனையும் சேர்த்துள்ளது.

மட்டுமின்றி ஏமனில் உள்ள 17 மில்லியன் மக்கள், அதாவது அங்குள்ள மக்கள் தொகையில் மூன்றில் இரண்டு பங்கு மக்களுக்கு காலரா தொற்று அச்சுறுத்தல் இருப்பதாக ஐக்கிய நாடுகள் மன்றம் எச்சரிக்கை விடுத்துள்ளது.

மட்டுமின்றி ஏமனில் ஓராண்டுக்குள் இது இரண்டாவது முறையாக காலரா நோய் பரவியுள்ளது குறிப்பிடத்தக்கது.

5 பேர் உயிரிழப்பு....நடுவானில் விமானத்தில் ஏற்பட்ட தீ விபத்து


போஸ்னியாவின் மோஸ்டார் நகரில் சிறிய ரக விமானத்தில் தீ விபத்து ஏற்பட்டதை தொடர்ந்து அதில் பயணம் செய்த ஐந்து பேர் பரிதாபமாக உயிரிழந்துள்ளனர்.

போஸ்னியாவின் தெற்கு பகுதியில் அமைந்துள்ள மோஸ்டர் நகரில் சிறிய ரக விமானத்தில் திடீரென தீ பிடித்தது.

நடுவானில் பறந்து கொண்டிருந்த விமானத்தில் ஏற்பட்ட தீ விபத்தைத் தொடர்ந்து அதில் பயணம் செய்த ஐந்து பேர் பரிதாபமாக உயிரிழந்துள்ளனர்.

விமான விபத்து ஏற்பட்டதை தொடர்ந்து அப்பகுதியில் தீயணைப்பு துறையினர் மற்றும் மீட்பு குழுவினர் விரைந்து மீட்பு நடவடிக்கையில் ஈடுபட்டனர்.

முதற்கட்ட விசாரணையில் குறித்த விமானத்தில் பயணம் செய்த மூன்று குழந்தைகள் உட்பட மொத்தம் ஐந்து பேர் உயிரிழந்துள்ளனர் என பொலிஸ் அதிகாரி ஒருவர் தெரிவித்துள்ளார்.

விமானத்தில் திடீரென தீப்பிடித்தது என்றும் பாதிக்கப்பட்டவர் குறித்து எவ்வித தகவலும் இல்லை எனவும் பொலிஸ் தரப்பில் தெரிவிக்கப்பட்டுள்ளது.

மோஸ்டர் விமான நிலையத்தில் ஓபன் டோர் டே எனப்படும் விழாவுக்கு ஏற்பாடு செய்யப்பட்டிருந்ததாக உள்ளூர் தகவல்கள் தெரிவிக்கின்றன.

கனடா பிரதமருக்கு இந்தியா கடும் கண்டனம்....


கனடாவில் கல்சா விழாவில் கலந்து கொண்ட அந்நாட்டு பிரதமருக்கு இந்தியா கண்டனம் தெரிவித்துள்ளது.

கனடாவில் சீக்கிய மதத்தினர் பெருமளவில் வசித்து வருகிறார்கள். இவர்களில் பலர் இந்தியாவின் பஞ்சாப் மாநிலத்தை தனிநாடாக கோரி போராடி வந்த காலிஸ்தான் இயக்கத்தைச் சேர்ந்தவர்கள் ஆவார்கள்.

இந்நிலையில், கனடாவின் டோரோண்டோவில் கல்சா தினம் கொண்டாடப்பட்டது.

இந்த விழாவில் கனடிய பிரதமர் ஜஸ்டின் ட்ரூடோ சிறப்பு விருந்தினராக கலந்து கொண்டார்.

இதற்கு கண்டனம் தெரிவித்துள்ள இந்தியா, பிரிவினைவாதிகளுக்கு கனடிய பிரதமர் ஆதரவு தெரிவிப்பது இந்தியாவுடனான உறவை பாதிப்பது போல உள்ளது என கூறியுள்ளது.

உலக மக்களை வியக்க வைத்த இலங்கையர்! அவுஸ்திரேலியாவில் செய்த சாதனை...


இலங்கையில் வாழ்ந்த ஒருவர் அவுஸ்திரேலியாவில் பிரபலமடைந்துள்ளதுடன் அனைவராலும் கவரப்பட்டுள்ள சம்பவம் தொடர்பில் செய்தி ஒன்று பதிவாகியுள்ளது.

சிக்காகோவில் பிறந்து, இலங்கையில் வளர்ந்து அவுஸ்திரேலியாவில் வாழும் சமயல் நிபுணரான ரேய் சில்வாவே இவ்வாறு பிரபலமடைந்துள்ளார்.

நிகரில்லா அழகு மற்றும் இயல்பான தன்மை காரணமாவே குறித்த நபர் பிரபலமடைந்துள்ளார்.

சில்வா தனது சமையல் நடவடிக்கையில் மட்டும் ஈடுபடாமல், வேறொரு செயலிலும் தன்னை ஈடுபடுத்தியுள்ளார்.

அழகான இளமை தோற்றம் கொண்ட இவர் சமையல் நிபுணருக்கு மேலதிகமாக வைத்தியராகவும் செயற்படுகின்றார். தற்போது அவருடைய வயது 42.

கடந்த வாரம் நிகழ்ச்சி ஒன்றில் இருந்து வெளியேற்றபடும் போது அவர் இரண்டு பிள்ளைகளின் தந்தை எனவும், 42 வயதுடையவர் என்ற உண்மையும் தெரியவந்துள்ளது.

அவருடைய வயது 42 என தெரியவந்தவுடன் அவரது ரசிகர்கள் குழப்பமடைந்ததுடன் டுவிட்டர் தளத்தில் அவரது வயது 24 அல்லது 15 என்றே எண்ணினோம் என தெரிவித்துள்ளனர்.

ரேய் சில்வா அவுஸ்திரேலியா செல்வதற்கு முன்னர் சிக்காகோ மற்றும் இலங்கையில் வாழ்ந்துள்ளார் என தெரியவந்துள்ளது.

சமையலில் ஆர்வம் கொண்டவர் மருத்துவ கல்லூரி ஒன்றில் இணைந்து மருத்துவ கற்கைநெறிகளை மேற்கொண்டுள்ளார். பின்னர் சமையல் கல்வியை தொடர்ந்துள்ளார் என தெரிவிக்கப்படுகின்றது.

Photos