Slider

காணொளிகள்

மன்னார் செய்திகள்

விம்பம்

உள்நாட்டு செய்திகள்

சர்வதேச செய்திகள்

பல்சுவை

School events

மருத்துவம்

புகைப்படத்தளம்

கட்டுரைகள்

சினிமா

-

புலிகள் அமைப்பில் இருந்தமைக்காக 8 ஆண்டுகள் சிறை : நகங்களும் பிடுங்கப்பட்டன.! இலங்கை அகதிகளின் சோகம்...


இந்தோனேசியாவில் இருந்து நாடு கடத்தப்படும் அபாயத்தில் 22 இலங்கை அகதிகள் இருப்பதாக தெரிவிக்கப்பட்டுள்ளது.

கடந்தாண்டு இந்தோனேசிய கடலில் தத்தளித்த 44 இலங்கை தமிழ் அகதிகள் பல்வேறு அழுத்தங்களுக்கு பின்னர் அந்நாட்டில் தற்காலிகமாக அனுமதிக்கப்பட்டனர்.

குறித்த அனைவரும் தமிழகத்திலிருந்து அவுஸ்திரேலியாவுக்கு செல்ல முயற்சித்ததாக தெரிவிக்கப்படுகின்றது.
இந்நிலையில், குறித்த 44 அகதிகளில் ஐந்து பேருக்கு அகதி அந்துஸ்து வழங்கப்பட்டுள்ளதாகவும் 17 அகதிகள் திருப்பி அனுப்பப்பட்டுள்ளதாகவும், மீதமுள்ள 22 அகதிகளும் நாடுகடத்தப்படக்கூடிய ஆபத்தில் இருப்பதாக தெரிவிக்கப்பட்டுள்ளது.

குறித்த அகதிகளில் ஒருவரான சிவரஞ்சனி இந்தோனேசியாவின் Lhokseumawe என்ற அகதிகள் மையத்தில் வசித்து வருகிறார்.

சிவரஞ்சனிக்கு அறுவைச் சிகிச்சை வழியே ஆண்குழந்தை பிறந்துள்ள நிலையில், மூன்றே நாட்களில் அகதிகள் மையத்திற்கு மீண்டும் அவர் வலுக்கட்டாயமாக அழைத்துச் செல்லப்பட்டுள்ளதாக தெரிவிக்கப்பட்டுள்ளது.

இது குறித்து சிவரஞ்சனியின் கணவர் பகிதரம் கந்தசாமி தங்கள் சூழ்நிலை பற்றி நியூசிலாந்து ஊடகம் ஒன்றிடம் கருத்து தெரிவித்துள்ளார்.


இந்நிலையில், "கடந்த வருடம் ஜூன் மாதம் இந்தோனேசிய கடலில் தத்தளித்த அவர்கள் நியூசிலாந்து செல்ல முயற்சித்தாக கூறியுள்ளனர்.

ஆனால், ஐ.நா அகதிகள் முகமை தங்களிடம் கருத்து கேட்ட போது நாங்கள் அவுஸ்திரேலியா செல்ல முயற்சித்ததாக தவறாக பதியப்பட்டுள்ளதாக தெரிவித்துள்ளனர்.

அத்துடன் அகதிகள் படகுகளை அவுஸ்திரேலியா திருப்பி அனுப்பிவரும் செய்தியினை நாங்கள் அறிந்திருந்ததால் நியூசிலாந்து செல்லவே முயற்சித்தோம் என்கின்றனர்.

விடுதலைப் புலிகள் அமைப்பிலிருந்ததற்காக தாம் எட்டு ஆண்டுகள் இலங்கைச் சிறையில் இருந்ததாகவும், நகங்கள் பிடுங்கப்பட்டு சி.ஐ.டியினரால் தொடர்ந்து சித்ரவதைக்கு உள்ளனாதாகவும் அவர்கள் குறிப்பிட்டுள்ளனர்.

44 அகதிகளும் தலா ஒன்றரை லட்சம் ரூபாய் (இந்திய மதிப்பு) கொடுத்து வேதாரண்யத்திலிருந்து படகில் வந்ததாகவும் தெரிவித்துள்ளனர்.

நியூசிலாந்தில் கரை சேர்ப்பதாக சொன்ன ஆட்கடத்தல்காரர்கள், எரிப்பொருள் தீர்ந்ததும் வேறு படகில் தப்பிவிட்டதாகவும் தெரிவித்துள்ளனர்.

அறுவைச் சிகிச்சை செய்யப்பட்டுள்ள நிலையில், தன்னால் உட்கார, நிற்கக்கூட முடியவில்லை என கலங்கியுள்ளார் சிவரஞ்சனி.

கெளரவமான வாழ்க்கையை எதிர்ப்பார்த்துள்ள இந்த அகதிகள், இலங்கைக்கே மீண்டும் திருப்பி அனுப்பப்பட்டால் கடும் அச்சுறுத்தல்களுக்கு உள்ளாக்கப்படுவோம் என அஞ்சுவதாக" என அவர் குறிப்பிட்டுள்ளார்.


தமிழர் தாயகப்பிரதேசங்கள் எங்கும் நடைபெற்று வரும் மக்கள் போராட்டம் ஒரே பார்வையில் -.27-03-2017.

மன்னார் 
மன்னார் முள்ளிக்குள மக்களால்  நில மீட்புக்காக ஆரம்பிக்கப்பட்ட போராட்டம் 5வது நாளாக இன்றும் அமைதியான முறையில் தொடர்கிறது.

கிளிநொச்சி
 கிளிநொச்சியில் காணாமல் ஆக்கப்பட்டவர்களின் உறவினர்களால் மேற்கொள்ளப்பட்டு வரும் போராட்டம் இன்று 36 ஆவது நாளாகவும் தொடர்கிறது.

கிளிநொச்சியில் காணி உரிமம் கோரி பன்னங்கண்டி  பகுதி மக்களால் மேற்கொள்ளப்பட்டு வரும் போராட்டம் ஆறாவது  நாளாகவும் இன்று தொடர்கிறது.

வவுனியா 
 வவுனியாவில் கையளிக்கப்பட்டு காணாமல் ஆக்கப்பட்டவர்களின் உறவினர்கள் மேற்கொண்டு வரும் சுழற்சி முறையிலான உணவு தவிர்ப்பு போராட்டம் 32ஆவது நாளாக இன்றும் தொடர்கின்றது.

முல்லைத்தீவு 
கேப்பாப்புலவு மக்கள் முன்னெடுத்துள்ள தொடர் போராட்டம் இன்றுடன் 27 ஆவது நாளை எட்டியுள்ளது.

வேலைகோரும்பட்டதாரிகளின் போராட்டம்
திருகோணமலை -இன்றுடன் 27ம்  நாள்
அம்பாறை- இன்றுடன் 29ம்  நாள்
மட்டக்களப்பு -இன்றுடன் 35ம்  நாள்
யாழ்பாணம்-இன்றுடன் 29ம்,நாள்





க.பொ.த (சா/த) பரீட்சை பெறுபேறுகள் நாளை

2016ஆம் ஆண்டு டிசெம் பர் மாதம் நடைபெற்ற கல்விப் பொதுத் தராதர சாதாரணதரப் பரீட்சையின் பெறுபேறு கள் நாளை 28ஆம் திகதி செவ்வாய்க்கிழமை வெளியிடப்படும் என கல்வி அமைச்சு அறிவித்துள்ளது. அன்றைய தினத்தில் பரீட்சார்த்திகள், இணையத்தின் மூலம் தங் களது பெறுபேறுகளை அறிந்து கொள்ளலாம் என்றும் கல்வி அமைச்சு தெரிவித்துள்ளது.

கடந்த ஆண்டு, 5,669 பரீட்சை மத்திய நிலையங்களில் இடம்பெற்ற கல்விப் பொதுத் தராதர சாதாரண தரப் பரீட்சையில், சுமார் 7 இலட்சம் பரீட்சார்த்திகள் தோற்றியிருந்த னர். இதேவேளை, 2017ஆம் ஆண்டுக்கான கல்விப் பொதுத் தராதரப் சாதாரண தரப் பரீட்சை, எதிர்வரும் டிசம்பர் மாதம் 12ஆம் திகதி ஆரம்பமாகி டிசம்பர் 21ஆம் திகதி முடி வடையவுள்ளது.

இவ்வாண்டின் கல்விப் பொதுத் தராதர உயர் தரப் பரீட்சை, ஓகஸ்ட் மாதம் 8 ஆம் திகதி ஆரம்பமாகி செப்டெம்பர் 02ஆம் திகதி முடிவடையும். இதேவேளை, இவ்வாண்டுக்கான ஐந்தாம் தர புலமைப் பரிசில் பரீட்சை, எதிர்வரும் ஓகஸ்ட் மாதம் 20ஆம் திகதி நடைபெறவுள்ளது என்றும் கல்வி அமைச்சு அறிவித்துள்ளது.

த.தே.கூட்டமைப்புக்கு 7 நாட்கள் அவகாசம்

கேப்பாப்பிலவு மக்களின் தொடர் போராட்டம் நேற்று 26 நாளாகவும் தொடர்ந்து முன்னெடுக்கப்படுகிறது. சொந்த நிலத்திற்கு செல்வதற்காக வீதிகளில் முதியவர்கள், பெண்கள், சிறுவர்கள் எனப் பலரும் ஒன்றிணைந்து தொடர் போராட்டத்தை முன்னெடுத்துள்ளனர்.எனினும் 26 நாட்களாக தொடரும் போராட்டத்திற்கு இதுவரை எந்தவாரு தீர்வும் முன்வைக்கப்படவில்லை.

தமது சொந்த நிலங்களை இராணுவம் கையகப்படுத்தியுள்ள நிலையில் பொருளாதார ரீதியாக பல்வேறு பிரச்சினைகளை எதிர் நோக்கியுள்ளதாகவும் மக்கள் கவலை வெளியிட்டுள்ளனர்
இந்நிலையில் நேற்றையதினம் தமது போராட்ட இடத்துக்கு த.தே. கூட்டமைப்பின் பிரதிநிதிகளை அழைத்து அவர்களுக்கு தங்களுடைய நிலைப்பாடுகளை தெளிவு படுத்தியதோடு ஏழு நாள் கால அவ காசத்தையும் வழங்கினர். அனைவருமாக கலந்துரையாடி எமது பிரச்சினைகளை உரிய இடத்துக்கு கொண்டுசென்று தமக்கான நல்ல தீர்வை பெற்றுத் தருமாரும் தாம் எதிர்நோக்கும் பல்வேறு துன் பங்களையும் எடுத்துரைத்தனர்.

இதன்போது மக்கள் பிரதிநிதிகள் உரிய தீர்வு பெற்றுத்தராத பட்சத்தில் போராட்ட வடிவங்களை மாற்றி போராடுவோம் எனவும் உயிரிழப்புக்கள் நிகழ்ந்து காணிக்கு செல்ல வேண்டியநிலை ஏற்படலாம் எனவும் குறிப்பிட்டனர்.

இந்த சந்திப்பில் வன்னி பாராளுமன்ற உறுப்பினர்களான சிவசக்தி ஆனந்தன், சிவப்பிரகாசம் சிவமோகன், சாந்தி சிறீஸ்கந்தராஜா, வடமாகாண சபை பிரதி அவைத்தலைவர் வ. கமலேஸ்வரன், வட மாகாண போக்குவரத்து அமைச்சர் பா. டெனீஸ் வரன் மற்றும் வடமாகாண சபை உறுப்பினர்களான து. ரவிகரன், க.சிவநேசன் ஆ,புவனேஸ்வரன் ஆகியோர் கலந்து கொண்டிருந்தனர்.

காணாமல் ஆக்கப்பட்டோர்; அடுத்த கட்ட நிலை என்ன? வடக்கு முதல்வருடன் ஆராய முடிவு

முல்லைத்தீவு மாவட்டத்தில் போராட்டத்திலீடுபடும் வலிந்து காணாமல் ஆக்கப்பட்டவர்களின் உறவுகள் வட மாகாண முதலமைச்சருடன் சந்திப்பொன்றை ஏற்படுத்தி அடுத்த கட்ட முடிவுகள் எடுக்கப்பட வேண்டும் என வன்னி மாவட்ட நாடாளுமன்ற உறுப்பினர் சிவசக்தி ஆனந்தன் தெரிவித்தார்.

முல்லைத்தீவு மாவட்டச் செயலகத்திற்கு முன்னால் 19வது நாளாக தொடர் போராட் டத்தை மேற்கொண்டுவரும் காணாமல் ஆக்கப்பட்டவர்களின் உறவுகளை நேற்றைய தினம் 2 மணியளவில் வன்னிமாவட்ட நாடாளுமன்ற உறுப்பினர்களான சிவசக்தி ஆனந்தன் மற்றும் திருமதி சாந்தி சிறிஸ்கந்தராஜா மற்றும் வடமாகாண சபை அமைச்சர் ப.டெனீ ஸ்வரன், வடமாகாண சபை உறுப்பினர் து. ரவிகரன் ஆகியோர் நேரில் சென்று சந்தித்து கலந்துரையாடினார்கள்.


முல்லைத்தீவு மாவட்டத்தில் யுத்த காலத்திலும் அதற்கு முன்னரும் இராணுவத்தால் விசாரணைகளுக்கு அழைத்துச் சென்றதன் பின்னர் காணாமல் ஆக்கப்பட்ட உறவுகள் மற்றும் யுத்தம் நிறைவடைந்து பிள்ளைகளை இராணுவத்திடம் கையளித்து சரணடைந்து பின்னர் காணாமல் ஆக்கப்பட்ட உறவுகள் தமது உறவுகளுக்கு நடந்தது என்ன என பதில் வழங்குமாறு கோரி அமைதிவழிப் போராட்டத்தில் ஈடுபட்டு வருகின்றனர்.

காணாமல் ஆக்கப்பட்டவர்களின் உறவினர்கள் கடந்த சில நாட்களாக வடகிழக்கு மாகாணங்களில் அமைதிவழிப்போராட்டங்களை முன்னெடுத்து வரும் நிலையில் எட்டு மாவட்டத்தில் உள்ள காணாமல் ஆக்கப்ப ட்ட உறவுகளின் பிரதிநிதிகள் சிலர் வட மாகாண முதலமைச்சருடன் இவ்விடயம் தொடர்பாக கலந்துரையாடி அடுத்த கட்டமாக ஜனாதிபதியை சந்தித்து இதற்கு ஒரு முடிவு எடுக்கப்பட வேண்டும் என வன்னி மாவட்ட நாடாளுமன்ற உறுப்பினர் சிவசக்தி ஆனந்தன் தெரிவித்தார்.

இக்கலந்துரையாடலில் கலந்து கொண்ட வட மாகாண அமைச்சர் ப. டெனீஸ்வரன், து. ரவிகரன் ஆகியோர் முதலமைச்சருக்கு இவ்விடயம் தொடர்பாக தெரியப்படுத்தி கலந்துரையாடுவதற்கு நேரத்தை பெற்றுத் தருவதாகவும் உறுதியளித்துள்ளனர்.

சிங்களவர் என்றால் குற்றமில்லை தமிழர் என்றால் குற்றம்

இலங்கையில் இப்போது முக்கூட்டுத் தலைவர்களின் திட்டமிடலில் இன விவகாரம் கையாளப்படுகிறது.
இந்த நாட்டின் ஜனாதிபதி மைத்திரிபால சிறிசேன, பிரதமர் ரணில் விக்கிரமசிங்க, முன்னாள் ஜனாதிபதி சந்திரிகா குமாரதுங்க இவர்களே முக்கூட்டுத் தலைவர்கள்.

மகிந்த ராஜபக்­வை தேர்தலில் வீழ்த்துவது; அவருக்கு நிகராக மைத்திரிபால சிறிசேனவை தேர்தல் களத்தில் இறக்குவது; மைத்திரி - ரணில் இணைந்த கூட்டு அரசை நிறுவுவது; இரா.சம்பந்தருக்கு எதிர்க்கட்சித் தலைவர் பதவியை வழங்குவது என்ற நடவடிக்கைகள் அனைத்துக்கும் பின்னணியாக இருந்து செயற்பட்டவர் முன்னாள் ஜனாதிபதி சந்திரிகா குமாரதுங்க என்பது மறுக்க முடியாத உண்மை.

என்னுடன் போட்டியிடும் அந்த வீரன் யார்? அவரை அறிய விரும்புகிறேன் என்று மகிந்த ராஜபக்ச கர்ச்சித்த போது; மைத்திரிபால சிறிசேனவை ஜனாதிபதி வேட்பாளராக நிறுத்துவது என்ற தீர்மானம் சந்திரிகா குமாரதுங்கவால் எடுக்கப்பட்டிருந்தது. இதற்குப் பின்னணியாக சில வெளிநாடுகளும் இருந்தன என்பது வேறு கதை.

மைத்திரிபால - ரணில் - சந்திரிகா என்ற முக்கூட்டுத் தலைவர்களின் திட்டமிடலில் மகிந்த ராஜபக்சவுக்கான அரசியல் தோல்வி நிறைவேற்றப்பட்டது.

இந்த வெற்றியை அடுத்து போர்க்குற்ற விசாரணையில் இருந்து முன்னாள் ஜனாதிபதி மகிந்த ராஜபக்ச தரப்பையும் படைத்தரப்பையும் காப்பாற்றுவது என்ற விடயத்தை முக்கூட்டுத் தலைவர்களும் மிகச்சிறப்பாகக் கையாண்டனர்.

இதற்கு இரா. சம்பந்தருக்கு வழங்கப்பட்ட எதிர்க்கட்சித் தலைவர் பதவி மிகுந்த உதவி புரிந்தது.
ஐ.நா மனித உரிமைகள் ஆணையத்தின் இரண்டு வருட கால அவகாசம் எல்லாப் பிரச்சினையில் இருந்தும் தப்புவதற்கான வழியாயிற்று.

இவை நடந்து முடிய முன்னாள் ஜனாதிபதி சந்திரிகா அம்மையர் தனது தாளத்தை மாற்றத் தொடங்கி விட்டார்.

ஆம், போர்க்குற்றம் தொடர்பில் படையினர் மீது விசாரணை நடத்த முடியாது. அவர்களுக்குத் தண்டனை வழங்க முடியாது என்பதாக சந்திரிகாவின் கதை உள்ளது.

வன்னிப் பெரு நிலப்பரப்பில் நடந்த தமிழின அழிப்புத் தொடர்பில் எந்தப் பேச்சுக்கும் இடமில்லாமல் அதனை அப்படியே தாட்டுவிடுவதுதான் முக்கூட்டுத் தலைவர்களின் திட்டம். இது சந்திரிகாவூடாக வெளிப்பட்டுள்ளது.

போர்க்குற்றம் தொடர்பில் படையினருக்கு எதிராக அரசு எந்த நடவடிக்கையும் எடுக்காது என்று கூறும் சந்திரிகா அம்மையார்,

அதேநேரம் சிறைகளில் வாடும் தமிழ் அரசியல் கைதிகள் தொடர்பில் கருத்துக் கூறுகையில், அவர்கள் குற்றம் செய்ததனாலேயே தண்டனை அனுபவிக்கின்றனர் என்கிறார்.

ஆக, ஐ.நா மனித உரிமைகள் ஆணையம் வழங்கிய இரண்டு வருட கால அவகாசத்தை தமிழ் மக்களுக்கு எதிராக பயன்படுத்துவதேயன்றி வேறு எதுவும் நடக்காதென்பது தெட்டத் தெளிவாகிறது.

அதாவது சிறைகளில் வாடும் தமிழ் அரசியல் கைதிகள் தொடர்பில் விசாரணை நடக்கும். அவர்கள் குற்றவாளிகளாக அறிக்கையிடப்படும். இந்த வேலையை இலங்கை அரசு நியமிக்கின்ற விசாரணைக் குழு செய்து முடிக்கும்.

அதேசமயம் படையினர் எந்தக் குற்றமும் இழைக்கவில்லை. அவர்கள் வன்னி யுத்தத்தில் எவரையும் சுட்டுக்கொல்லவில்லை என்பதாக முடிவு இருக்கும். இதுவே இரண்டு வருட கால அவகாசத்தில் நடக்கும்.

ஆம், சிங்களவர்கள் தமிழர்களுக்கு எதிராக எது செய்தாலும் அது குற்றமில்லை.
ஆனால் சிங்களவர்கள் எந்தக் குற்றத்தை தமிழர்கள் மீது சுமத்தினாலும் குற்றம் சுமத்தப்பட்டவருக்குத் தண்டனை கிடைக்கும். இதுவே நடக்கப் போகிறது.

அட, பரவாயில்லை. தமிழர்கள் எதை இழந்தாலும் எதிர்க்கட்சித் தலைவர் பதவியை தமக்காக்கி இருக்கிறார்களே! அது போதாதா என்ன?

வலம்புரி 

மூன்றாவது தரப்பால் பிரச்சினைகள் தீராது அரசுடன் பேசியே தீர்வைப் பெறலாம் -தமிழரசுக் கட்சியின் பொதுச் செயலர்

மூன்றாவது தரப்பு வந்து தமிழ் மக்களின் பிரச்சினையை தீர்க்கப்போவதில்லை. இலங்கை அரசாங்கத்துடன் பேசுவதன் மூலமே தமிழ் மக்களுக்கான நீடித்து நிலைத்து நிற்கும் தீர்வினைப் பெற்றுக் கொள்ள முடியும் என கிழக்கு மாகாண விவசாய அமைச்சரும் தமிழரசுக்கட்சியின் பொதுச் செயலாளருமான கே.துரைராஜசிங்கம் தெரிவித்தார்.

மட்டக்களப்பில் மீனவர்களு க்கு உபகரணங்கள் வழங்கும் நிகழ்வு அண்மையில் சத்துருக்கொண்டான் மீன்பிடி நிலையத்தில் நடைபெற்ற போது கலந்து கொண்டு உரையாற்றும்போதே அவர் இதனை தெரிவித்தார்.
இங்கு தொடர்ந்து உரையாற்றிய அவர்,

இன்று சிலர், தமிழ் தேசியக் கூட்டமைப்பின் தலைவரையும் மிகச்சிறந்த சட்டவாதியான சுமந்திரனையும் தும்படித்துக் கொண்டிருக்கின்றனர். எங்களுடைய சகோதரர்களே இதனைச் செய்கின்றனர். எங்களை கூடுதலாக விமர்சிப்பவர்கள் எங்களுடன் இருந்தவர்கள்தான். அவர்கள் உடனடியான ஒரு தீர்வுவரும் என நினைக்கின்றனர்.

தமிழ் தேசியக் கூட்டமைப்பின் தலைவர் மிகவும் அனுபவம் வாய்ந்தவர். பல நூல்களை வாசித்துள்ளார். அதன் மூலமும் பல அனுபவங்களைப் பெற்றுள்ளார். அதிகமான இராஜதந்திரிகளையும் சந்தித்துக் கொண்டிருக்கின்றார். அதன் மூலமும் அனுபவங்களைப் பெற்றுள்ளார். இவற்றைக் கொண்டு பிரச்சினையினை எப்படி தீர்ப்பது என்பது தொடர்பில் நட வடிக்கை எடுத்து வருகின்றார்.

பிரச்சினையை தீர்ப்பது என்பது ஒருவருக்கு தோல்வியேற்பட்டு ஒருவர் வெற்றிபெறும்போது ஏற்படாது. எவருக்கும் தோல்வி ஏற்படக்கூடாது. போர் வெற்றியை இறுமாப்புடன் கொண்டாடியவர்கள் அழுத்தம் காரணமாக போர்க் குற்றம் தொடர்பில் விசாரணை செய்வதற்கு இணக்கம் தெரிவித்தனர்.

போர் வெற்றியை கொண்டாடியவர்கள் பான் கீ மூன் வந்த போது சிலவற்றை செய்தனர். பின்னர் இலங்கை அரசாங்கம் செய்யாத தன் காரணமாக நிபுணர் குழுவொன்றை ஐ.நா உருவாக்கியது. அது வந்தபோது இலங்கையில் கற்றறிந்த பாடங்கள் ஆணைக்குழு உருவாக்கப்பட்டது.

இவ்வாறுதான் விடயங்கள் நடைபெற்று வருகின்றன. இவ்வளவு விடயங்களும் நடைபெறுவதற்கு வெறுமனே சர்வதேச நாடுகள் மட்டும் காரணமல்ல. இந்த சர்வதேச நாடுகளில் மிக முக்கியமான நாடான அமெரிக்காவினை எங்களது தலைவர்கள் சந்தித்து என்ன பொறிமுறையை கையாள்வதன் மூலம் எங்களது மக்களுக்கு நிவாரணங்களை பெற்றுக்கொடுக்கலாம்.

மகிந்த ராஜபக்ஷ, சிங்கள மக்களிடம் சென்று என்னை மின்சார கதிரையில் ஏற்றப்போகின்றார்கள், அதற்காகத்தான் ஜெனிவா தீர்மானம் கொண்டு வரப்படுகின்றது என சிங்கள மக்கள் மத்தியில் பிரசாரம் செய்துவந்தார்.

அவரை மின்சாரக் கதிரையில் ஏற்றுவதா இல்லையா என்பதை பிறகு பார்க்கலாம்; முதலில் எங்க ளுக்குரிய நிவாரணத்தை வழங்கு வதற்கான பொறிமுறையை உருவாக்க வேண்டும் என்று கூறினோம்.
இன்று பயங்கரவாத தடைச்சட்டத்தின் கீழ் கைது செய்யப்பட்டாலும் அதன்கீழ் விசாரணை செய்வதும் இல்லை, அதன் கீழ் வழக்கு தாக்கல் செய்வதும் இல்லை. ஒவ்வொரு பொறிமுறையினையும் நாங்கள் கையாள கையாள அரசாங்கம் எங்களுக்கு எதிரான விடயங்களை கைவிட்டேயாக வேண்டிய நிலைக்கு சென்றுள்ளது.

இன்று எதுவும் நடைபெறவில்லையென்று நாங்கள் கூறிவிட முடியாது. பல விடயங்கள் 18 மாத அவகாசத்திற்குள் நடைபெற்றுள்ளன. சில இடங்களில் இருந்து இராணுவம் நகர்ந்துள்ளது, பல போராளிகள் விடுதலை செய்யப்பட்டுள்ளனர்.

மீள்நிர்மாணம் என்ற தொனியில் சில நடவடிக்கைகள் முன்னெடுக்கப்பட்டுள்ளன. நாங்கள் நினைத்த வேகத்தில் சர்வதேசம் நினைத்த வேகத்தில் நடைபெறவில்லையென்பது உண்மையாகும். ஆனால் அரசாங்கம் ஒன்றும் செய்யவில்லையென சொல்ல முடியாது என துரைசிங்கம் மேலும் தெரிவித்தார்.

மீன்பிடி அமைச்சர் உத்தரவை நடைமுறைப்படுத்துவதில் அதிகாரிகள் அசமந்தம் - முல்லைத்தீவு சமாசத் தலைவர் குற்றச்சாட்டு

மீன்பிடி அமைச்சர் உத்தரவை நடைமுறைப்படுத்துவதில் அதிகாரிகள் அசமந்தம் - முல்லைத்தீவு சமாசத் தலைவர் குற்றச்சாட்டு
நாயாறு களப்­பில் தொழில் செய்­யும் 23 பட­கு­க­ளின் அனு­ம­தி­யைத் தடை செய்­யு­மாறு பணிப்­பா­ளர் நாய­கத்­தால் மாவட்­டப் பிர­திப் பணிப்­பா­ள­ருக்கு எழுத்­தில் அறி­விக்­கப்­பட்­டது. இருந்­தும் அந்­தப் பகு­தி­யில் இயந்­தி­ரப் படகு மூல­மான தொழில் தற்­போ­து­வரை நடக்­கின்­றது. இவ்­வாறு முல்­லைத்­தீவு மாவட்ட கடற்­றொ­ழி­லா­ளர் சமா­சத் தலை­வர் அந்­தோ­னிப்­பிள்ளை மரி­ய­ராசா குற்­றஞ்­ சாட்­டி­னார்.அவர் தெரி­வித்­த­தா­வது,

இந்த ஆண்டு மாவட்ட நிர்­வா­ கங்­க­ளுக்­குத் தெரி­யாது திணைக்­களத்­தால் நாயாறு களப்­பில் தொழில் செய்ய தென்­னி­லங்கை மீன­வர்­கள் 23 பேருக்கு அனு­மதி வழங்­கப்­பட்­டது. அவற்றை உட­ன­டி­யாக நிறுத்­துங் கள் என்று மீன்­பிடி அமைச்­சர் அம­ர­ வீர கடந்த புதன்­கி­ழமை உத்­த­ர­விட்­டார். அதற்­க­மைய அனு­ம­தி­களை உடன் இரத்­துச் செய்­யுங்­கள் என்று பணிப்­பா­ளர் நாய­கம் மாவட்ட பிர­திப் பணிப்­பா­ள­ருக்­குக் கடந்த வியா­ழக்­கி­ழமை எழுத்­தில் உத்­த­ர­விட்­டார்.

அது நடை­மு­றைப்­ப­டுத்­தப்­ப­டாத நிலை­யில் 23 பட­கு­க­ளும் இன்­று­வரை அந்­தப் பகு­தி­யில் தொழில் செய்­கின்­றன. செம்­மலை, அலம்­பில், நாயாறு பிர­தே­சங்­க­ளைச் சேர்ந்த சுமார் 800 மீனவ குடும்­பங்­கள் இத­னால் பெரும் பாதிப்­பு­களை எதிர்­கொள்­கின்­ற­னர்.

இந்­தப் பிரச்­சி­னைக்கு நாடா­ளு­மன்ற உறுப்­பி­னர் சாள்ஸ் நிர்மல­நா­தன் உத­வி­யு­டன் மீனவ பிர­தி­நி­தி­கள் கொழும்பு சென்று மேற்­படி தீர்­வைப் பெற்­றோம். அமைச்­சர் மூலம் பணிப்­பா­ளர் நாய­கத்­தின் உத்­த­ர­வு­களை நடை­மு­றைப்­ப­டுத்த மாவட்ட திணைக்­க­ளம் முன்­வர வேண்­டும்.- என்­றார்.

“கடந்த வியா­ழக்­கி­ழமை இந்த உத்­த­ரவு எமக்­குக் கிடைத்­தது. உட­ன­டி­யாக நாயாறு களப்­புக்­குச் சென்­றோம். அங்கு 23 பட­கு­க­ளின் உரி­மை­யா­ளர்­க­ளும் இருக்­க­வில்லை. தொழி­லுக்­குச் சென்­றி­ருந்­த­னர். எனி­னும் அவர்­க­ளுக்கு உத்­த­ரவு தொடர்­பா­கத் தெரி­யப்­ப­டுத்­தித் திரும்­பி­னோம். தற்­போ­தும் அங்கு தொழில் செய்­யப்­ப­டு­கின்­றது என்று கூறப்­ப­டு­வது தொடர்­பாக இன்று நேரில் சென்று உரிய நட­வ­டிக்கை எடுக்­கப்­ப­டும்.”- என்று நீரி­யல் வளத் திணைக்­கள அதி­கா­ரி­கள் தெரி­வித்­த­னர்.

Photos