Slider

காணொளிகள்

மன்னார் செய்திகள்

விம்பம்

உள்நாட்டு செய்திகள்

சர்வதேச செய்திகள்

பல்சுவை

School events

மருத்துவம்

புகைப்படத்தளம்

கட்டுரைகள்

சினிமா

-

விமானத்தில் உயிருக்கு போராடிய 262 பயணிகள்....


பிரித்தானியாவின் லண்டனில் இருந்து புறப்பட்ட விமானத்தில் திடீரென்று ஏற்பட்ட தொழில் நுட்ப பிரச்சனை காரணமாக விமானத்தில் இருந்த பயணிகள் எந்த ஒரு விபரீதமும் நடந்துவிடக் கூடாது என்பதற்காக பிரார்த்தனை செய்துள்ளனர்.

பிரித்தானியாவின் தலைநகரான லண்டன் ஸ்டான்ஸ்டெட் விமானநிலையத்தில் இருந்து போலாந்தின் ரிஷிசவ் பகுதிக்கு போயிங் 767 என்ற விமானம் சென்றுள்ளது.

இந்த விமானத்தில் சுமார் 262 பயணிகள் மற்றும் 10 விமான பணியாட்கள் இருந்ததாக கூறப்படுகிறது.


இந்நிலையில் விமான புறப்பட்டுச் சென்ற போது திடீரென்று தொழில் நுட்ப கோளாறு ஏற்பட்டுள்ளது. அதாவது விமானத்தில் இருக்கும் ஆக்ஸிஜன் தரும் கருவி செயல் இழந்துவிட்டதால், விமானத்தில் ஆக்ஸிஜனின் அளவு குறைந்துள்ளது.

இதனால் பயணிகள் அனைவரும் அதிர்ச்சியடைந்துள்ளனர். உடனடியாக அவர்களுக்கு விமானத்தில் அவசர கால கட்டத்தில் பயன்படுத்தப்படும் ஆக்ஸிஜன் மாஸ்க் கொடுக்கப்பட்டுள்ளது. இதனால் உயிருக்கு பயந்த அவர்கள் எப்படியாவது நல்ல நிலையில், விமான தரையிரங்கிவிட வேண்டும் என்றும் யாருக்கும் எந்த ஒரு பாதிப்பும் ஏற்பட்டு விடக்கூடாது என்பதற்கு தொடர்ந்து பிரார்த்தனை செய்த படியே இருந்துள்ளனர்.

அதன் பின்னர் விமானம் பத்திரமாக நெதர்லாந்தில் உள்ள அம்ஸிடர்ம் விமானநிலையத்தில் அவசரமாக தரையிரக்கப்பட்டது. இதில் பயணிகள் அனைவருக்கும் எந்த காயங்கள் ஏற்படவில்லை என்று கூறப்படுகிறது.

தமிழர் உரிமைக்காக போராடும் அமைப்புக்களுக்கான கோரிக்கை.....


தமிழ் மக்களின் உரிமைகளுக்காக போராடும் அமைப்புக்கள் தனித்து 2009 இனப்படுகொலையை மட்டும் முன்வைக்காது இன்றும் தமிழ் மக்களுக்கு எதிராக தொடரும் மனித உரிமைகள் மீறல்கள் தொடர்பாகவும் முன்நிறுத்தி அரசியல் நகர்வுகளை மேற்கொள்ள வேண்டும் என மனித உரிமைகள் வழக்கறிஞர் குலசேகரம் கீதார்த்தனன் தொரிவித்துள்ளார்.

பிரித்தானியாவில் நேற்று நடைபெற்ற அகதித்தஞ்சக் கோரிக்கையாளர்கள் தற்போது எதிர்நோக்கிவரும் பிரச்சினைகளும் மற்றும் அது தொடர்பிலான தீர்வுகள் பற்றியான கலந்துரையாடலின் போதே அவர் இதனை கூறியுள்ளார்.

தொடர்ந்தும் இது தொடர்பில் கருத்து வெளியிட்டுள்ள அவர்,


இதற்கு அரசியல் தஞ்சக் கோரிக்கை தரவுகளே சிறந்த ஆதாரமானவை. ஏற்றுக்கொள்ளப்பட்ட கோரிக்கைகளின் எண்ணிக்கையே அங்கு மனித உரிமைகள் சித்திரவதைகள் நடந்தேறியமைக்கான சிறந்த சான்று எனவும் குறிப்பிட்டுள்ளார்.

பிரித்தானியா அரசாங்கம் அகதித்தஞ்சம் வழங்குதல் தொடர்பான சட்டங்களில் காலத்துக்குக்காலம் பல்வேறு வகையான மாற்றங்களை அமுல்படுத்தி வருகின்றது.


இந்த வகையில் அகதித்தஞ்சக் கோரிக்கையாளர்கள் பிரித்தானியாவில் எதிர்நோக்கும் பிரச்சினைகளும் அதற்குரிய தீர்வுகளும் அது தொடர்பில் புலம்பெயர் தமிழ் அரசியல் மற்றும் மனித உரிமை அமைப்புக்கள் வழங்கக்கூடிய பங்களிப்புக்கள் பற்றி தெளிவுபடுத்தும் கலந்துரையாடல் வெஸ்ட்மினிஸ்டர் பல்கலைக்கழகத்தின் கேட்போர் கூடத்தில் நேற்று மாலை நடைபெற்றது.


பிரித்தானியா தமிழ் தகவல் நடுவம் (TIC) ஏற்பாடு செய்த மேற்படி பயன்தரு கலந்துரையாடலில் மஞ்ஜித் எஸ் கில் ((Head of the International Human Rights Law Group at No5 Chambers) ஜோன் ரொத்வெல் (Senior Barrister & Head of the Immigration, Asylum and Nationality Group at No5 Chambers) (அருண்கணநாதன் (Barrister, Birmberg, Peirce & Partners) மற்றும் குலசேகரம் கீதார்த்தனன் (Human Rights Lawyer) ஆகிய சட்ட நிபுணர்கள் கலந்து கொண்டு விளக்கங்களை வழங்கியுள்ளனர்.


மாலை 4.30 மணியளவில் ஆரம்பமான இந்த நிகழ்வில் தமிழ் தகவல் நடுவத்தின் ரதகுமார் தலைமையுரையினை வழங்கினார்.

இதில் தமிழ் தகவல் நடுவத்தின் ஆரம்பம் மற்றும் செயற்பாடுகள் பற்றி விளக்கிய அவர் நேற்றைய நிகழ்விற்கு காரணகர்த்தாவாகிய குலசேகரம் கீதரதனனுக்கும் தனது நன்றிகளை தொரிவித்துள்ளார்.

மேலும் இலங்கைத்தமிழர்கள் தொடர்ந்தும் தமது சுயநிர்ணய உரிமைக்காக போராடி வருகிறார்கள். அவர்களது மனித உரிமைகள் அரசியல் நிலைப்பாடுகள் பலவகைகளில்

முடக்கப்பட்டு வருகின்றன எனவும் அவர் தனது தலைமையுரையில் குறிப்பிட்டுள்ளார்.

இதனைய அடுத்து உரையாற்றிய மனித உரிமைகள் வழக்கறிஞர் குலசேகரம் கீதரதனன் தமிழ் மக்களின் உரிமைகளுக்காக போராடும் அமைப்புக்கள் அகதித் தஞ்சக் கோரிக்கை புள்ளி

விபரங்களையும் கருத்தில் கொள்ள வேண்டும் என கூறியுள்ளார்.

மேலும் அகதித்தஞ்சம் தொடர்பில் ஒருவர் அறிந்திருக்க வேண்டிய அடிப்படை விடயங்கள் அது தொடர்பிலான சட்ட விளக்கங்கள் மற்றும் அவைகள் தொடர்பில் அமைப்புக்களின் பங்களிப்புக்கள்

பற்றிய விரிவான விளக்கவுரையினை வழங்கியுள்ளார்.

அதில் அவர் அரசியல் தஞ்சம் என்பது ஐக்கியநாடுகள் சபையால் உருவாக்கப்பட்ட 1951 ஆவது சட்ட ப்பிரகாரம் இனம் மதம் தேசியம் குழுவின் அங்கத்துவம் மற்றும் அரசியல்

ஈடுபாடு ஆகிய 5 அடிப்படை அம்சங்களுக்குள் ஒன்றினில் உட்பட்டால் மாத்திரமே கோரமுடியும் எனவும் கூறியுள்ளார்.

மேலும் பிரித்தானியாவில் அகதித்தஞ்சக்கோரிக்கையில் 36 வீதமானவையே நேரடியாக உள்நாட்டு அலுவலகத்தால் ஏற்றுக்கொள்ளப்படுவதாகவும் 54 வீதாமன கோரிக்கைகள் நிராகரிக்கப்படுவதோடு மீதம் 10 வீதமானவை தாமாக முன்வந்து விலகி சென்றவையாகவும், அத்தோடு மேன்முறையீட்டுக்கு செல்லும், வழக்குகளில் 31 வீதமானவையே நீதிமன்றங்கள்ளால் ஏற்றுக்கொள்ளப்படுகின்றன.

இறுதியில் அகதித்தஞ்சக் கோரிக்கைகளில் 49 வீதமானவை ஏற்றுக்கொள்ளப்படுவதாகவும் மீதம் 51 வீதமானவை நிராகரிக்கப்படுவதாகவும் புள்ளிவிபரம் தொடர்பில் அவர் விளக்கினார்.

மேலும் 5 வருடகால அகதி அந்தஸ்து கிடைத்தவர்கள் குற்றச்செயல்களில் நாட்டின் சட்டதிட்டங்களை மீறாதவகையில் மிகவும் அவதானமாக நடந்துகொள்ள வேண்டும்.

அவர் அவ்வாறு ஒருவர் செய்யும் தவறு ஏனைய அகதித்தஞ்சக் கோரிக்கையாளர்களையும் பாதிக்கும் என குறிப்பிட்டர்.

இறுதியாக அகதித்தஞ்சக் கோரிக்கையாளர்கள் தங்களிடம் உள்ள தாழ்வுமனப்பாண்மையிலிருந்து விடுபட்டு சிறப்பான உயர்வுகளை எட்டவேண்டும் என கோரிய அவர் கல்வி உரிமைக்காக போராடி

சிறுவயதிலேயே நோபல் பரிசு பெற்ற பாகிஸ்தானின் மலாலா யூசுப்சாய் பிரித்தானியா மகாராணியை சந்தித்த போது எடுக்கப்பட்ட புகைப்படத்தை உதாரணம் காட்டி தனது உரையினை நிறைவு செய்துள்ளார்.

இதனையடுத்து உரையாற்றிய ஜோன் ரொத்வெல் தற்போது உள்ள உள்நாட்டு அலுவலக அறிக்கையின் பிரகாரம் இலங்கை அரசுக்கு எதிராக செயற்படுபவர்கள் அந்த நாட்டிற்கு செல்வதில் அச்சுறுத்தல் உள்ளதாக தெளிவாக குறிப்பிடப்பட்டுள்ளதாக தெரிவித்துள்ளார்.

மேலும் அகதித்தஞ்ச நேர்முகத்தின் போது கோரிக்கையாளர் இலங்கை தமிழா அல்லது இந்தியா மற்றும் ஏனைய நாட்டு தமிழா என்பதை உறுதிப்படுத்த சில நேரங்களில் நேர்முகையாளரினால் அவரது நாட்டில் உள்ள அடயாளங்கள் அல்லது நாணய வடிவங்கள் ஊடகங்களின் பெயர்கள் தொடர்பிலும் வினவப்படும்.

அத்தோடு அகதித் தஞ்சக்கோரிக்கை என்பது முற்றிலுமாக நம்பகத்தன்மையிலேயே தங்கியுள்ளது எனவும் அவர் குறிப்பிட்டுள்ளார்.

தொடர்ந்து ஒருவர் பல சிரமங்களுக்கு மத்தியில் அகதி அந்தஸ்தை பெற்றாலும் அதனை நிரந்தரமாக கொள்ளமுடியாது மஞ்ஜித் எஸ் கில் கூறியுள்ளார்.


மேலும் சில சர்ந்தப்பங்களில் மிக இலகுவாக அதனை இழக்கின்ற சர்ந்தப்பங்களும் உண்டு என குறிப்பிட்டுள்ளார்.

அவர் அகதி தஞ்சத்தை முடிவுக்கு கொண்டுவருதல் அல்லது விலக்கி வைத்தல் ஆகிய இரு முறைமைகளும் உண்டு என்பதை கவனத்தில் கொள்ள வேண்டுமென வலியுறுத்தினார்.


தற்போதைய அரசாங்கங்கள் மனித உரிமைகள் சம்பந்தமாக பாதுகாப்பு தேடிவருவோருக்கு மட்டுப்படுத்தப்பட்ட தங்குமிட அனுமமதியைத்தான் வழங்க வேண்டுமென்ற புதிய நடைமுறையை கடைப்பிடிப்பதாக தெரிவித்த அவர் இதன் விளைவாகவே குறிப்பிட்ட காலத்தின் பின்னர் ஒருவரின் அகதி அந்தஸ்தை மீளாய்வு செய்யவேண்டும் என்ற நடைமுறைகளை கொண்டுவருவதாக குறிப்பிட்டார்.

இதனையடுத்து இறுதியாக உரையாற்றிய அருண்கணநாதன் தற்போது உலக மயம் என்பது மாறி குறுந்தேசிய மயம் என்ற நிலை உருவாகி விட்டது. குறுந்தேசிய வாதிகளின் கைகளிலேயே ஆட்சிகள் போய்க்கொண்டிருக்கின்றன.

ஆதன் ஒரு விளைவாகவே ஐரோப்பிய யூனியனிலிருந்து பிரித்தானியா வெளியேற வேண்டுமென்ற ஒரு தீர்மானம் வந்தது என அவர் தெரிவித்துள்ளார்.


மேலும் இலங்கையில் தற்போது ஆட்சி மாற்றம் இருக்கின்றது. இதனால் அங்கு பிரச்சினைகள் இல்லை என்று கூறுகிறார்களார்.

ஆனால் இலங்கையிலிருந்து வரும் மனித உரிமை அறிக்கைகள் தற்போதும் அங்கு தமிழர்கள் பயங்கரவாதிகள் என்ற அடிப்படையில் கைதுசெய்யப்பட்டு வருவதாக பரவலாகவும் திட்டமிடப்பட்டும் தமிழர்களுக்கு எதிராக

சித்திரவதைகள் நடைபெற்று வருவதாக குறிப்பிடுகின்றன என சுட்டிக்காட்டினார்.

அத்துடன் அகதி அந்தஸ்து விண்ணப்பிப்பவர்கள் தொடர்பில் Country Guidance ( CG ) என்ற வழக்கே இன்றும் முதன்மை வழக்காக உள்ளது என குறிப்பிட்டார்.

இதேவேளை, கடந்த 2013 இல் நீதிமனற்றம், இங்கை மனித உரிமை தொடர்பில் மிகவும் ஆழமாக ஆராய்ந்து 100 க்கு மேற்பட்ட பக்கங்களில் மேற்படி தீர்ப்பை வெளியிட்டிருந்தமை குறிப்பிடத்தக்கது.


தமிழர்களின் பிரச்சினையை மூன்றாவது நாடு தீர்க்கப்போவதில்லை.....!


இலங்கை அரசாங்கத்துடன் பேசுவதன் மூலமே தமிழ் மக்களுக்கான நீடித்து நிலைத்து நிற்கும் தீர்வினைப்பெற்றுக்கொள்ள முடியும் என கிழக்கு மாகாண விவசாய அமைச்சரும் தமிழரசுக்கட்சியின் பொதுச்செயலாளருமான கி.துரைராஜசிங்கம் தெரிவித்துள்ளார்.

மட்டக்களப்பில் மீனவர்களுக்கு உபகரணங்கள் வழங்கும் நிகழ்வு சத்துருக்கொண்டான் மீன்பிடி நிலையத்தில் நடைபெற்றபோது கலந்துகொண்டு உரையாற்றும்போதே அவர் இதனை தெரிவித்துள்ளார்.

இங்கு தொடர்ந்து உரையாற்றிய அவர்,
தமிழ் தேசிய கூட்டமைப்பின் தலைவரையும் மிகச்சிறந்த சட்டவாதியான சுமந்திரனையும் இன்று தும்படித்துக்கொண்டிருக்கின்றனர். எங்களுடைய சகோதரர்களே இதனைச்செய்கின்றனர்.

எங்களை கூடுதலாக விமர்சிப்பவர்கள் எங்களுடன் இருந்தவர்கள்தான். அவர்கள் உடனடியான ஒரு தீர்வு வரும் என நினைக்கின்றனர். தமிழ் தேசிய கூட்டமைப்பின் தலைவர் மிகவும் அனுபவம் வாய்ந்தவர்.


பல நூல்களை வாசித்துள்ளார். அதன் மூலமும் பல அனுபவங்களைப்பெற்றுள்ளார். அதிகமான இராஜதந்திரிகளையும் சந்தித்துக்கொண்டிருக்கின்றார். அதன் மூலமும் அனுபவங்களைப்பெற்றுள்ளார்.

இவற்றினைக்கொண்டு பிரச்சினையினை எப்படி தீர்ப்பது என்பதுதொடர்பில் நடவடிக்கையெடுத்து வருகின்றனர்.

பிரச்சினையை தீர்ப்பது என்பது ஒருவருக்கு தோல்வியேற்பட்டு ஒருவர் வெற்றிபெறும்போது ஏற்படாது. எவருக்கும் தோல்வி ஏற்படக்கூடாது.


போர் வெற்றியை இறுமாப்புடன் கொண்டாடியவர்கள் அழுத்தம் காரணமாக போர்குற்றம் தொடர்பில் விசாரணைசெய்வதற்கு இணக்கம் தெரிவித்தனர்.

போர்வெற்றியை கொண்டாடியவர்கள் பான்கீன்மூன் வந்தபோது சிலவற்றை செய்தனர். பின்னர் இலங்கை அரசாங்கம் செய்யாததன் காரணமாக நிபுணர்குழுவொன்றை ஐ.நா.உருவாக்கியது. அதுவந்தபோது இலங்கையில் கற்றறிந்த பாடகங்கள் ஆணைக்குழு உருவாக்கப்பட்டது.

இவ்வாறுதான் விடயங்கள் நடைபெற்றுவருகின்றன. இவ்வளவு விடயங்களும் நடைபெறுதவற்கு வெறுமனே சர்வதேச நாடுகள் மட்டும் காரணமல்ல.


இந்த சர்வதேச நாடுகளில் மிக முக்கியமான நாடான அமெரிக்காவினை எங்களது தலைவர்கள் சந்தித்து என்ன பொறிமுறையை கையாள்வதன் மூலம் எங்களது மக்களுக்கு நிவாரணங்களை பெற்றுக்கொடுக்கலாம்.

மகிந்த ராஜபக்ஸ சிங்கள மக்களிடம் சென்ற என்னை மின்சார கதிரையில் ஏற்றப்போகின்றார்கள், அதற்காகத்தான் ஜெனிவா தீர்மானம்கொண்டுவரப்படுகின்றது என சிங்கள மக்கள் மத்தியில் பிரசாரம் செய்துவந்தார்.

அவரை மின்சாரக்கதிரையில் ஏற்றுவதா? இல்லையா? என்பதை பிறகுபார்க்கலாம்; முதலில் எங்களுக்குரிய நிவாரணத்தை வழங்குவதற்கான பொறிமுறையை உருவாக்கவேண்டும் என்று கூறினோம்.


இன்று பயங்கரவாத தடைச்சட்டத்தின் கீழ் கைதுசெய்யப்பட்டாலும் அதன்கீழ் விசாரணைசெய்வதும் இல்லை, அதன் கீழ் வழக்கு தாக்கல்செய்வதும் இல்லை.

ஒவ்வொரு பொறிமுறையினையும் நாங்கள் கையாள அரசாங்கம் எங்களுக்கு எதிரான விடயங்களை கைவிட்டேயாகவேண்டிய நிலைக்கு சென்றுள்ளது.

இன்று எதுவும் நடைபெறவில்லையென்று நாங்கள் கூறிவிடமுடியாது. பல விடயங்கள் 18மாத அவகாசத்திற்குள் நடைபெற்றுள்ளன. சில இடங்களில் இருந்து இராணுவம் நகர்ந்துள்ளது, பல போராளிகள் விடுதலை செய்யப்பட்டுள்ளனர்.

மீள்நிர்மாணம் என்ற தோனியில் சில நடவடிக்கைகள் முன்னெடுக்கப்பட்டுள்ளன. நாங்கள் நினைத்தவேகத்தில் சர்வதேசம் நினைத்தவேகத்தில் நடைபெறவில்லையென்பது உண்மையாகும். ஆனால் அரசாங்கம் ஒன்றும் செய்யவில்லையென சொல்லமுடியாது.


வழங்கப்பட்ட கால அவகாசத்தில் இலங்கை அரசாங்கம் என்ன செய்தது என்பது தொடர்பில் ஆராய்ந்து எதிர்வரும் 23ஆம் திகதி இறுதி தீர்மானத்தை வெளியிடவுள்ளது ஐ.நா.மனித உரிமைகள் ஆணைக்குழு. இன்று கால அவகாசம் வழங்குவதா இல்லையா என்ற கேள்வியெழுந்துள்ளது.

பாதிக்கப்பட்ட மக்களை பொறுத்தவரையில் அவர்களுக்கான நீதி நிவாரணங்கள் கிடைக்கவேண்டும். கால அவகாசம் வழங்குவதா இல்லையா என்பதை மக்கள் தீர்மானிக்கவேண்டும்.

இலங்கையினை அகற்றிவிட்டு இலங்கை வந்து ஐ.நா.சபை எதனையும் செய்யப்போவதில்லை. ஒரு நாட்டினை வைத்தே ஐ.நா.செயற்படுமே தவிர ஐ.நா.படையினைக்கொண்டுவந்து ஒரு நாட்டின் இறைமைக்கு எதிராக ஐ.நா.செயற்படாது.


அவ்வாறு செய்தாலும் எதுவும் நடக்கப்போவதில்லை. இந்திய படை வந்து இங்கு இறங்கியது. பல பிரச்சினைகள் எதிர்கொள்ளப்பட்ட மூன்றாவது நபர் வந்து எமது பிரச்சினையை தீர்க்கப்போவதில்லை.

எங்களது சமாதானத்தை ஐக்கிய நாடுகள் சபையோ வேறு எந்தசபையோ வந்து பறித்து எங்களிடம் தந்துவிட்டு காவல்பார்க்கமுடியாது. அரசாங்கத்திடம் அதன்பொறுப்புகளை கூறி அவர்களாகவே அதனைச்செய்யவேண்டும்.எங்களுக்கான தீர்வானது நின்று நிலைத்து நீடித்துநிற்ககூடியதாக இருக்கவேண்டும்.

சிங்கள மக்கள் மத்தியில் சென்று நாங்கள் ஐ.நா.விசாரணையை ஏற்றுக்கொள்கின்றோம் என்றால் சிங்கள மக்கள் மத்தியில் இன்று கூட்டு எதிர்க்கட்சி என்று கூறிக்கொள்பவர்கள் அதனை வேறுவிதமாக பயன்படுத்தும் நிலையேற்படும்.


பத்திரிகையில் வரும் செய்திகள் அனைத்தும் அரசாங்கத்தின் சரியான நிலைப்பாடு என்று எடுக்கமுடியாது.அவ்வப்போது அந்ததந்த மக்களை திருப்திப்படுத்தும் வகையில் சில விடயங்களை சொல்லவேண்டிய நிலையுள்ளது.

எமது உறவுகளிடம் ஒன்றை வினயமாக கேட்டுக்கொள்கின்றேன்.உங்களது உணர்வுகளை வெளிப்படுத்துவது ஓரளவுக்கு சரி.ஆனால் தலைமைத்துவத்தினை தேவையற்ற விதத்தில் விமர்சிக்காதீர்கள்.

இதனால் எங்களுக்கு எந்த இழப்பினையும் சந்திக்கப்போவதில்லை.நீங்கள்தான் உங்களது செல்வாக்கினை இழப்பீர்கள்.

ஜனாதிபதி,பிரதமரை தவிர எமது தலைவரை சம்பந்தன் என்று சொல்வதுகுறைவு.சம்பந்தன் ஐயா என்றுதான் கூறுவார்கள்.

ஆனால் எங்களோடு இருந்து பிரிந்துசென்ற சில சகோதரர்கள் வெறும் சம்பந்தன் என்று உறுத்தமாக சொல்கின்றனர்.

நீங்கள் சொல்வதுபோன்று சம்பந்தன் ஐயாவினையும் சுமந்திரனையும் தூக்கியெறிந்துவிட்டு நீங்கள் சொல்பவர்களை வைத்து நடாத்தினால் அவர்கள் எவ்வளவு தூரத்திற்கு கொண்டுசெல்லப்போவார்கள்.உங்களுககு; அந்த தகுதியில்லையென மக்கள் உங்களை நிராகரித்துள்ளனர்.

தந்தை செல்வாவினை ஜி.ஜி.பொன்னம்பலம் செவிடன் என்று ஏளனப்படுத்தியபோதும் தந்தை செல்வா அவரை இறுதி நேரத்தில் அழைத்துவந்தார், தமிழர் விடுதலைக்கூட்டணியை உருவாக்கி ஜி.ஜி.பொன்னம்பலம் உயிரிழந்தபோது முழு தமிழர்களும் அஞ்சலி செலுத்தும் நிலைமையினை தந்தை செல்வாவே ஏற்படுத்தினார்.

மன்னாா் மாவட்ட வேலையற்ற பட்டதாரிகளிற்கான.........அவசர_அறிவித்தல்


மன்னாா் மாவட்ட வேலையற்ற பட்டதாரிகளிற்கான பதிவுகள்  
மீண்டும் நாளை திங்கள் மற்றும் நாளை மறுதினம செவ்வாய் ஆகிய தினங்களில் (20,21) குறித்த இடத்தில் பதிவுகள் மேற் கொள்ளப்படும் .

தவறாது இப்பதிவுகளை மேற்கொள்ளாதவர்கள்  உடனடியாக தங்களை பதியுமாறு , வேலையில்லா பட்டதாரிகள் சங்கம் கேட்டு கொள்கிறது.

பதிவு_மேற்கொள்ளப்படும்_இடம்..


 1ம் குறுக்குத் ,
தெரு பெற்றா ,
சர்வோதயம்,
தொடர்புகளுக்கு-0763491629

வடமராட்சியில் தொடரும் போராட்டம்: அரசியல்வாதிகள் மீது குற்றச்சாட்டு....


யாழ். வடமராட்சி கிழக்கு மருதங்கேணிப் பிரதேச செயலகத்திற்கு அருகில் காணாமல் ஆக்கப்பட்டவர்களின் உறவினர்கள் போராட்டத்தில் ஈடுபட்டுள்ளனர்.

கடந்த 15ம் திகதி காலை ஆரம்பித்த கால வரையற்ற கவனயீர்ப்புப் போராட்டம் இன்று (19) ஐந்தாவது நாளாகவும் தொடர்ந்துள்ளது.

காணாமல் ஆக்கப்பட்ட தங்கள் பிள்ளைகள், உறவுகள் தொடர்பாக அரசாங்கம் உரிய பதில் வழங்க வேண்டும் என வலியுறுத்தியும், கிளிநொச்சி, வவுனியா ஆகிய மாவட்டங்களில் காணாமல் ஆக்கப்பட்டவர்களின் உறவுகள் முன்னெடுத்து வரும் தொடர் கவனயீர்ப்புப் போராட்டத்திற்கு ஆதரவாகவும் இந்தப் போராட்டம் நடைபெற்று வருகின்றது.


இன்றைய போராட்டத்தில் 25ற்கும் மேற்பட்ட காணாமல் ஆக்கப்பட்டவர்களின் உறவினர்கள் கலந்து கொண்டிருந்தனர்.

ஐந்தாவது நாளாகவும் எமது போராட்டத்தை முன்னெடுத்து வரும் நிலையில், தமிழ் அரசியல்வாதிகள் எங்களைத் திரும்பிக் கூடப் பார்க்காமல் பாராமுகமாகச் செயற்படுவதாகப் போராட்டத்தில் கலந்து கொண்டுள்ள காணாமல் ஆக்கப்பட்டவர்களின் உறவுகள் விசனம் தெரிவித்துள்ளனர்.



தாய்க்கு எச்.ஐ.வி : மகளை பாடசாலையில் இணைத்துக்கொள்ள பாடசாலை நிர்வாகம் மறுப்பு : இலங்கையில் மற்றுமொரு அதிர்ச்சி சம்பவம்

குளியாபிட்டிய பகுதில் தாயிக்கு எச்.ஐ.வி. தொற்று இருப்பதாக கூறி, சிறுவனை பாடசாலையில் இணைத்துக்கொள்ள மறுத்த சம்பவம் கடந்த காலங்களில் பெரும் பரபரப்பை ஏற்படுத்திருந்த நிலையில், அதே போன்றதொரு அதிர்ச்சி சம்பவம் மீண்டும் கனேமுல்ல பகுதியில் பதிவாகியுள்ளது.

கனேமுல்ல பகுதியைச் சேர்ந்த தாய் ஒருவருக்கு எச்.ஐ.வி. நோய் இருப்பதால் அவருடைய மகளை பாடசாலையில் இணைத்துக்கொள்ள பாடசாலை நிர்வாகம் மறுப்பு தெரிவித்துள்ளது. கனேமுல்ல குடாபொல்லத்த பாடசாலையிலேயே இந்த சம்பவம் பதிவாகியுள்ளது.

இந்த பாடசாலையில் கல்வி கற்ற மாணவியின் தாய் எய்ட்ஸ் நோயினால் பாதிக்கப்பட்டுள்ளார். இதனால் பாடசாலையின் ஆசிரியர், அதிபர் மற்றும் ஏனைய மாணவர்களின் பெற்றோர்கள், குறித்த மாணவிக்கு எதிராக கடுமையான எதிர்ப்பு வெளியிட்டுள்ளனர்.

இதன்காரணமாக குறித்த மாணவியை பாடசாலைக்கு வருவதனை தவிர்த்துக் கொள்ளுமாறு அதிபர் மற்றும் ஆசிரியர்கள் அறிவித்துள்ளனர்.

தனது மகளுக்கு இழைக்கப்பட்ட அநீதி தொடர்பில் ஆராய்வதற்காக அந்த மாணவியின் தாயார் ஊடகவியலாளர் குழுவொன்றை அழைத்துக் கொண்டு பாடசாலைக்கு சென்றுள்ளார்.

பாடசாலைக்கு சென்ற அவரால் அதிபரை சந்தித்து கலந்துரையாடல் மேற்கொள்ள இயலவில்லை.

ஊடகவியலாளர்களுக்கு எதிர்ப்பு வெளியிட்ட ஆசிரியர்கள், அதிபர் பாடசாலையில் இல்லை என தெரிவித்துள்ளனர்.

யாழ்ப்பாணத்தில் புதிய நோய் : எச்சரிக்கையாக இருக்க அறிவுரை

யாழ்ப்­பா­ணத்தில் ஒரு­மா­த­கா­ல­மாக புதியதொரு­ சு­வாசம் தொடர்­பு­பட்ட நோய் ­ப­ர­வி­வ­ரு­வ­தாக யாழ். போதனா வைத்திய­சா­லை­யின் ­வெ­ளி­நோ­யாளர் பிரி­வு ­பொ­றுப்­பு­ வைத்­திய அதி­காரி வைத்­தியர் ஜமு­னாநந்தா தெரி­வித்துள் ளார்.



அத்­துடன் இந்­நோ­யி­னால் ­ச­ரா­ச­ரி ­யாக­ நாௌான்றுக்கு 1000 பேர் வரை ­யில்­ சி­கிச்­சைக்­காக ­வந்­து­செல்­வ­தா­க­வும் ­தெ­ரி­வித்­துள்ளார்.

இந்­நி­லையில் இந்­நோயின் தாக்கம் தொடர்­பா­கவும்,

அதனை தவிர்ப்­ப­தற்­கா­ன­வ­ழி­மு­றை­கள்­தொ­டர்­பா­க­வும்­வைத்­தி­யர்­ஜ­மு­னாந்­தா­கே­ச­ரி­வா­ர­வெ­ளி­யீட்­டிற்­கு­தெ­ரி­வித்­த­தா­வது,

தற்­போது அண்­மை­யா­ன­ஒ­ரு­மா­த­கா­ல­மா­க­பு­தி­ய­ஒ­ரு­நோய்­ப­ர­வி­வ­ரு­கின்­றது. இந் நோயா­ன­து­இன்­பு­ளு­வன்­ஸா­வை­ர­ஸால்­ஏற்­ப­டு­கின்­றது. இதனால் சரா­ச­ரி­யா­கயாழ். போதனா வைத்­தி­ய­சா­லை­யின்­வெ­ளி­நோ­யா­ளர்­பி­ரிவில்400 பேர் வரை­யில்­சி­கிச்­சைக்­கா­க­வ­ரு­கை­த­ரும்­நி­லை­யில்­தற்­போ­து­இவ்­எண்­ணிக்­கை­ஆ­யி­ர­மாக அதி­க­ரித்­துள்­ளது.

இந் நோயின்­தாக்­க­மா­ன­து­வித்­தி­யா­ச­மா­ன­தா­க­உள்­ளது. குறிப்­பாக இந்­நோ­யின்­அ­றி­கு­றி­யா­க­தொ­டர்ச்­சி­யா­ன­காச்சல், உடல் வலி, சளி, தும்மல் காணப்­ப­டல்­போன்­ற­அ­றி­கு­றி­கள்­தென்­படும். குறிப்­பாக இந்­நோ­யின்­அ­றி­கு­றியும், டெங்கு நோயின்­அ­றி­கு­றி­யும்­ஒ­ரே­மா­தி­ரி­யா­க­இ­ருப்­ப­தால்­மக்­கள்­இந்­நோ­யை­டெங்­கு­நோ­யா­க­த­வ­றா­க­நி­னைக்­கும்­சந்­தர்ப்­பங்­க­ளும்­உண்டு.

ஒரு­வ­ருக்கு இந்­நோய்­கா­ணப்­ப­டும்­போ­து­அ­வ­ர­து­தும்­ம­லா­லே­யே­இந்­நோ­யாய்­மற்­றை­ய­வர்­க­ளுக்­கு­தொற்­று­கின்­றது. அதா­வது ஒரு­வர்­மற்­ற­வ­ருக்­கு­எ­தி­ரா­க­தும்­மும்­போ­து­அ­வ­ர­து­தும்­ம­லில்­இ­ருந்­து­மற்­ற­வ­ருக்­கு­சிந்­தும்­ச­ளி­யால்­இந்­நோய்­ப­ர­வு­கின்­றது.

இந் நோயா­ன­து­கு­ழுந்­தைகள் மற்­றும்­வ­ளர்ந்­த­வர்­க­ளில்­ச­ள­ரோ­க­நோ­யா­ளர்கள், கர்­ப­வ­திகள், அஸ்மா நோயா­ளிகள், போன்­ற­வர்­களை அதி­கம்­தாக்­கு­கின்­றது. இந்­நி­லையில் இந்­நோ­யால்­பா­திக்­கப்­பட்­ட­வர்­க­ளுக்­கு­நீர்­ரா­காரம், நீர்­சத்து நிறைந்­த­உ­ண­வு­கள்­கொ­டுக்­க­வேண்­டி­ய­து­டன்­வைத்­தி­ய­சா­லைக்­கு­வ­ரு­ப­வர்­க­ளுக்­கு­அ­வர்­க­ளின்­நோ­யின்­தாக்­க­அ­ள­வை­பொ­றுத்­து­சி­கிச்­சை­வ­ழங்­கப்­பட்­டு­வ­ரு­கின்­றது.

இவ்­வா­றான நிலை­யில்­இந்­நோ­யி­னை­த­விர்க்­க­வேண்­டு­மா­யின்­தற்­போ­தை­ய­சூழ்­நி­லை­யில்­அ­தி­க­ள­வா­ன­ச­ன­நெ­ருக்­கம்­நி­றைந்­த­இ­டத்­திற்­கு­செல்­வ­தை­த­விர்க்­க­வேண்டும். ஏனெ னில்­சு­வா­சம்­தொ­டர்­பா­ன­நோ­யா­த­தால்­அ­தி­க­ள­வா­ன­மக்­கள்­நெ­ரி­ச­லா­ன­இ­டத்­தில்­இந்­நோய்­ப­ர­வு­வ­து­இ­ல­கு­வா­ன­தா­க­இ­ருக்கும். மேலும் ஒரு­வர்­தும்­மும்­போ­து­மற்­றை­ய­வ­ருக்­கு­எ­தி­ரே­தும்­மா­து­இ­ருக்­க­வேண்டும். இந் நோயின்கிருமியானதுசுமார்ஒருமீற்றர்வரைதொற்றிக்கொள்ளும்தன்மையுடையதாகும்.

அத்துடன் ஒருவர்தும்மும்போதுகைக்குட்டைகளைபயன்படுத்துவதுடன்சளிஏற்படும்போதுஅதற்காகபயன்படுத்தப்படும்துண்டுகளைபின்னர்தீயிட்டுஎரிக்கவேண்டும். இதேபோன்று கைகளைநன்குசுத்தமானநீரில்சவர்காரம்இட்டுகழுவியபின்னரேஎந்தவிதமானவேலைகளையும்செய்யவேண்டும். இவற்றினூடாகவே இந்நோயின்தாக்கத்தைகட்டுப்படுத்தமுடியும். இவற்றைவிட இந்நோய்தொடர்பானஅறிகுறிகள்காணப்படுமாயின்உடனடியாகஅருகில்உள்ளவைத்தியசாலைகளுக்குசென்றுவைத்தியரின்ஆலோசனைகளைபெற்றுக்கொள்ளவேண்டும்எனவும்வைத்தியர்ஜமுனாந்தாமேலும்தெரிவித்திருந்தார்.





போராட்டத்தில் ஈடுபடும் கேப்பாபுலவு மக்களை சந்தித்தார் வடக்கு முதல்வர் .(படங்கள் )

முல்லைத்தீவில் கேப்பாபுலவு போராட்டத்தில் ஈடுப்பட்டு வரும் மக்களை வடக்கு மாகாண முதலமைச்சர் சீ.வி விக்னேஸ்வரன் இன்று சந்தித்தார்.

கேப்பாபுலவு மக்கள் இன்று 19வது நாளாகவும் போராட்டத்தில் ஈடுபட்டு வருகின்றனர்.
இன்று முற்பகல் வடக்கு முதலமைச்சர், மக்களை சந்தித்து கலந்துரையாடியுள்ளார்.


முதலமைச்சரின் காலில் விழுந்து கதறிய காணாமல் ஆக்கப்பட்டவர்களின் உறவினர்கள்.(படங்கள் )

கிளிநொச்சியில் தொடர் கவனயீர்ப்பு போராட்டத்தில் ஈடுப்பட்டு வரும் காணாமல் ஆக்கப்பட்டவர்களின் உறவினர்களை சந்தித்த வடக்கு மாகாண முதலமைச்சர் சி.வி.விக்கினேஸ்வரனின் காலில் விழுந்து தங்களின் உறவினர்களை மீட்டுத்தருமாறு கதறி அழுத சம்பவம் இன்று ஞாயிற்றுக்கிழமை இடம்பெற்றுள்ளது.
இன்று ஞாயிறு 28 நாளாக தொடர்ச்சியாக கவனயீர்ப்பு போராட்டத்தில் ஈடுப்பட்டு வரும் வலிந்து காணாமல் ஆக்கப்பட்டவர்களின் உறவினர்களை காலை ஏழு நாற்பதைந்து மணிக்கு சந்தித்த முதலமைச்சர், காணாமல் ஆக்கப்பட்டவர்களின் உறவினர்களின் உணர்வுகளை செவிமடுத்ததோடு, உறவினர்களால் சமர்பிக்கப்பட்ட கோரிக்கை கடிதத்தையும் பெற்றுக்கொண்டுள்ளார்.
இதன்போது முதலமைச்சரின் முன் கண்ணீர் விட்டு கதறி அழுத உறவினர்கள் தங்களின் காணாமல் ஆக்கப்பட்ட உறவினர்களின் விடுதலைக்கு தாங்கள் முயற்சி எடுக்க வேண்டும் தங்களுக்காக குரல் கொடுக்க வேண்டும் என்றும் வலியுறுத்தியதோடு, அவரின் காலில் விழுந்தும் கூம்பிட்டும் கதறி அழுதுள்ளனர்.
இதன்போது கருத்து தெரிவித்த முதலமைச்சர் தங்களின் போராட்டம் நியாயமானது காணாமல் ஆக்கப்ட்டவர்களின் விடயம் தொடர்பில் நான் பல மட்டங்களில் பேச்சுவார்த்தை நடத்தி வருகின்றேன். விரைவில் காணாமல் ஆக்கப்பட்டவவர்களின் விசாரணைக்குழு அறிக்கையையும் வெளிப்படுத்துமாறும் அரசுக்கு அழுத்தம் கொடுப்பேன் எனவும் குறிப்பிட்டார்.
இதன் போது வடமாகாண விவசாய அமைச்சர் பொ. ஜங்கரநேசன், வடக்கு மாகாண சபை உறுப்பினர்கள் ப.அரியரட்னம், பசுபதிபிள்ளை ஆகியோரும் கலந்துகொண்டனர்.



ஜநா இலங்கைக்கு கால அவகாசம் கொடுப்பது பிழையானது வடக்கு முதலமைச்சர்.

இந்த காணாமல் ஆக்கப்பட்டவர்களின் போராட்டத்தை இருபதெட்டு நாளாக தொடரவிட்டிருப்பது பிழையான ஒன்று. அரசாங்கம் இதைப்பற்றி எந்த நடவடிக்கையும் எடுக்காதது மிகவும் மனவருத்தத்தை தருகிறது. எங்களால் முடியுமானவரை இது சம்மந்தமாக நாங்கள் அரசாங்கத்துக்கு கூறி வருகின்றோம்.
முதலில் இதுவரை ஏன் காணாமல் ஆக்கப்பட்டவர்களின் விசாரணை அறிக்கையை வெளியிடவில்லை என்பது எது கேள்வி. அந்த அறிக்கையை வெளியிட்டிருந்தால் பொது மக்களின் உணமையான கஸ்ரங்களை ஓரளவுக்காகவது தெரிந்து வைத்திருக்க கூடிய நிலை ஏற்பட்டிருக்கும். அதனை செய்யாதது மிகப்பெரும் தவறு. என நினைக்கிறேன்.
அத்துடன் அரசாங்கம் காணாமல் ஆக்கப்பட்டவர்ளின் விடயத்தில் அக்கறையீனமாக இருப்பது அரசாங்கம் குற்றவாளிகளாக கணிக்கப்படும் இராணுவத்தோடு சம்மந்தப்பட்டவர்களை எப்படியாவது பாதுகாக்க வேண்டும் என்ற ஒரு பிழையான மனோநிலை அரசாங்கத்திற்கு இருக்கின்றது. இந்த மனோநிலை தொடர்ந்தும் இருந்தால் எங்களால் எந்தவிதமான ஒரு முன்னேற்றத்தையும் காணமுடியாது.
1956 ஆம் ஆண்டு இங்கினியாகலையில் முதன்முதலில் தமிழருக்கு எதிராக நடத்தப்பட்ட ஒரு வன்முறைச் செயல் சம்மந்தமாக அதில் ஈடுப்பட்டவர்களுக்கு எதிராக பொலீஸார் நடவடிக்கையை அன்று எடுத்திருந்தால் அதற்கு பின்னர் இவ்வாறான பிழைகளை நாங்கள் செய்யக் கூடாது என்று மக்கள் நினைத்திருப்பார்கள் அவற்றை விட்டுவைத்ததால்தான் தமிழர்களுக்கு எதிராக எங்களால் எதுவும் செய்ய முடியும் யாரும் எதையும் கேட்கமாட்டார்கள் என்றொரு நிலை ஏற்பட்டுள்ளது. இதை தவிர்க்க வேண்டும் நாங்கள். இதற்காகதான் நாங்கள் சர்வதேச சமூகங்களுடன் பேசி எங்களின் ஆதங்கங்களை தெரிவித்து வருகின்றோம் தொடர்ந்தும் அதை செய்வோம். எனத் தெரிவித்த முதலமைச்சர் அவர்கள்
இலங்கை அரசுக்கு நிபந்தனையடனான கால அவகாசம் வழங்க வேண்டும் என்று தமிழ்த்தேசியக் கூட்டமைப்பின் தலைமை வவுனியாவில் எடுத்த தீர்மானம் தொடர்பில் ஊடகவியலாளர்கள் எழுப்பிய கேள்விக்கு பதிலளித்த முதலமைச்சர்
அப்படிப்பட்ட ஒரு கருத்தை அமெரிக்க தூதுவரும் எனக்கு குறிப்பிட்டிருந்தார்.அதை பற்றி எனக்கு எதுவும் சொல்ல முடியாது. என்னைப்பொறுத்தவரை கால அவகாசம் கொடுப்பது பிழையானது ஏன்னென்றால் இதுவரை காலமும் செய்யப்பட்டதில்மக்களுக்கு என்னவிதமான நன்மையை கொடுத்தது என்று நாங்கள் அறிய வேண்டும். உதாரணமாக காணாமல் ஆக்கப்பட்டவர்களின் அலுவலகம் என்று ஒன்று இருக்கிறது. அந்த அலுவலகம் இந்தா வருகிறது எல்லாம் நடைபெறுகிறது என்று கூறினார்கள் ஆனால் எதுவுமே நடைபெறவில்லை. கடைசியாக அது கடதாசியில்தான் இருக்கிறதே தவிர மக்களுக்கு அது போய்சேரவில்லை.
இதுவரை காலமும் மக்களுக்கு போய் சேர்ந்த விடயங்கள் என்னென்ன? என்னென்ன நன்மைகளை அரசாங்கம் செய்திருக்கிறுது என்பதை முதலில் சர்வதேச நாடுகள் உணர்ந்துகொள்ள வேண்டும் ஆராய வேண்டும் அவ்வாறு செய்யாமல் ஏதோவொரு அரசியல் காரணங்களுக்காக இன்றும் இரண்டு வருடங்களுக்கு கால அவகாசம் வழங்க வேண்டும் என்று கூறுவது சரியாக எனக்குப்படவில்லை இது என்னுடைய கருத்து தலைமைத்துவம் வேறுவிதமான கருத்தை வைத்திருந்தாலும் ஆதாவது அவர்கள் குறிப்பிடுவது என்னவென்றால் அவ்வாறு கால அவகாசம் கொடுக்கும் காலத்தில் கண்காணிப்பு நடக்கவேண்டும் என்று கூறுகின்றார்கள் அதுவும் ஒரு முறை ஆனாலும் என்னால் அதை ஏற்றுக்கொள்ள முடியாது. என்றாலும் அதை தலைமைத்துவம் கூறிவைத்திருக்கிறது. எங்களை பொறுத்தவரை இதுவரை காலமும் நடைப்பெற்றதில் மக்களுக்கு என்னவிதமான நன்மையை கொடுத்திருக்கிறது என்றுதான் அதிலிருந்து முன்னேறிச் செல்ல வேண்டும். எனவும் தெரிவித்தார்

Photos