எவ்.ஏ.கிண்ண முன்னோடி கால் இறுதிகளில் முதல் தடவையாக யாழ்., மன்னார் அணிகள்

கார்கில்ஸ் ஃபுட் சிட்டி எவ். ஏ. கிண்ண கால்­பந்­தாட்டப் போட்­டி­களின் முன்­னோடி கால் இறு­தி­களில் விளை­யா­டு­வ­தற்கு யாழ்ப்­பாணம் சிங்கிங் ஃபிஷ் கழ­கமும் மன்னார் புனித சூசை­யப்பர் கழ­கமும் தகு­தி­பெற்­றுள்­ளன.


எவ். ஏ. கிண்ண கால்­பந்­தாட்ட வர­லாற்றில் இந்த மாவட்­டங்­க­ளி­லி­ருந்து இரண்டு கழ­கங்கள் முன்­னோடி கால் இறு­திக்கு முன்­னே­றி­யி­ருப்­பது இதுவே முதல் தட­வை­யாகும்.

ப்றீமியர் லீக் முதலாம் பிரிவு போட்­டி­களில் விளை­யா­டி­வரும் நியூ ஸ்டார் கழ­கத்தை சிங்கிங் ஃபிஷ் கழ­கமும் பலம்­வாய்ந்­ததும் கடந்த வருடம் கால் இறு­தி­வரை முன்­னே­றிய இலங்கை போக்­கு­வ­ரத்துச் சபை விளை­யாட்டுக் கழ­கத்தை பிர­பல்யம் குன்­றிய மன்னார் புனித சூசை­யப்பர் கழ­கமும் வெற்­றி­கொண்­டன.

களனி மைதா­னத்தில் நடை­பெற்ற ஏழாம் சுற்றில் நியூ ஸ்டார் கழ­கத்தை 4 க்கு 2 என்ற பெனல்டி அடிப்­ப­டையில் சிங்கிங் பிஷ் வெற்­றி­கொண்­டது.

இந்த இரண்டு அணி­க­ளுக்கும் இடை­யி­லான போட்டி முழு ஆட்­ட­நேர முடி­வின்­போது 2 க்கு 2 என வெற்­றி­தோல்­வி­யின்றி முடி­வ­டைந்­தி­ருந்­தது.

நியூ ஸ்டார் சார்­பாக எம். அனாஸ் (44 நி.), எம். எஸ். எம். ரியாஸ் ஆகி­யோரும் சிங்கிங் ஃபிஷ் சார்­பாக ஜே. ரொக்சன் (56 நி.),பி. ரீ. கெட்ல்கி (88 நி.) ஆகி­யோரும் கோல்­களைப் போட்­டனர். மற்­றொரு ஏழாம் சுற்று ஆட்­டத்தில் இலங்கை போக்­கு­வ­ரத்துச் சபை அணியை அதன் சொந்த மைதா­ன­மான ஷாலிக்கா மைதா­னத்தில் 3 க்கு 2 என்ற கோல்கள் கணக்கில் மன்னார் புனித சூசை­யப்பர் கழகம் வெற்­றி­கொண்­டது.

புனித சூசை­யப்பர் சார்­பாக எவ். க்யூ. ரெக்சன் (17 நி.,31 நி.) இரண்டு கோல்­க­ளையும் எம். கே. ஆர். குறூஸ் (67 நி.) ஒரு கோலையும் போட்­டனர். இலங்கை போக்­கு­வ­ரத்துச் சபை சார்­பாக எல். டினார (39 நி.)இ எல். ஏ. கிரேரோ (46 நி.) ஆகியோர் கோல்­களைப் போட்­டனர்.

வார இறு­தியில் நடை­பெற்ற மற்­றைய போட்டி முடி­வுகள் வரு­மாறு,

கலம்போ எவ். சி. 1 - கெட்­டே­ரியன்ஸ் 0, டொன் பொஸ்கோ 7 - பொலன்­ன­றுவை நந்­தி­மித்ர 0, ஹைலண்டர்ஸ் 4 - களுத்­துறை பார்க் 2, புளூ ஸ்டார் 2 - பெலிக்கன்ஸ் 1, பொலிஸ் 4 - மொரகஸ்முல்லை 0, மாத்தறை சிட்டி 4 - திஹாரிய யூத் 1, சொலிட் 4 - மாவனெல்லை யுனைட்டட் 2 (பெனல்டி முறை).