ஐரோப்பாவை வந்தடைந்துள்ள குடியேற்றவாசிகளான 3000 சிறுவர்களை ஏற்பதற்கு பிரித்தானிய பிரதமர் மறுப்பு

ஐரோப்­பா­வுக்கு பய­ணத்தை மேற்­கொண்டு வந்த குடி­யேற்­ற­வா­சி­க­ளான 3,000 சிறு­வர்­களை பிரித்­தா­னியா ஏற்றுக் கொள்ள வேண்டும் என முன்­வைக்­கப்­பட்­டி­ருந்த கோரிக்­கையை அந்­நாட்டுப் பிர­தமர் டேவிட் கமெரோன் புதன்­கி­ழமை நிரா­க­ரித்­துள்ளார்.

மேற்­படி சிறு­வர்­களை ஏற்றுக் கொள்ள நட­வ­டிக்கை எடுக்­கு­மாறு தொண்டு ஸ்தாப­னங்­களும் எதிர்க்­கட்சி பாரா­ளு­மன்ற உறுப்­பி­னர்­களும் பிர­த­ம­ருக்கு கடும் அழுத்­தத்தைக் கொடுத்து வந்த நிலை­யி­லேயே அவர் மேற்­படி நிரா­க­ரிப்பை வெளி­யிட்­டுள்ளார்.

அந்த சிறு­வர்­களை ஏற்றுக் கொள்­வது மேலும் பல்­லா­யி­ரக்­க­ணக்­கான சிறு­வர்கள் ஆபத்து மிக்க கடல் பய­ணத்தை மேற்­கொண்டு ஐரோப்­பா­வுக்கு பய­ணிப்­பதை ஊக்­கு­விப்­ப­தாக அமையும் என டேவிட் கமெரோன் தெரி­வித்­துள்ளார்.

சிரியா, துருக்கி, லெபனான் மற்றும் ஜோர்தான் ஆகிய நாடு­க­ளி­லுள்ள அகதி முகாம்­க­ளுக்கு ஐரோப்­பா­வி­லுள்ள எந்­த­வொரு நாட்­டையும் விடவும் அதி­க­ளவில் நிதி­யு­த­வியை பிரித்­தா­னியா வழங்­கி­யுள்­ள­தாக தெரி­வித்த கமெரோன், ஐரோப்­பிய பிர­தான நிலப் பகு­தியை வந்­த­டைந்­துள்ள குடி­யேற்­ற­வா­சி­களை ஏற்றுக் கொள்­வதை விடவும் நேர­டி­யாக போரால் பாதிக்­கப்­பட்ட நாடு­க­ளி­லுள்ள குடி­யேற்­ற­வா­சி­களை மீளக்­கு­டி­ய­மர்த்­து­வதில் ஐக்­கிய நாடுகள் சபை­யுடன் இணைந்து பிரித்­தா­னியா பணி­யாற்­ற­வுள்­ள­தாக கூறினார்.

பிரித்­தா­னிய தொழில் கட்­சி­யா­னது 3,000 குடி­யேற்­ற­வாசி சிறுவர்களை அந்நாடு ஏற்றுக் கொள்வதை நிர்ப்பந்திக்கும் வகையில் சட்டத்தில் மாற்றத்தைக் கொண்டு வருவதற்கு முயன்று வருகின்றமை குறிப்பிடத்தக்கது.