பல்கலைக்கழக விருப்பத்தெரிவுகளுக்கான முடிவு திகதி அறிவிப்பு..!

பல்கலைக்கழக விண்ணப்பதாரிகளின் 2016-2017 கல்வியாண்டுக்கான, பாடவிதானம் மற்றும் பல்கலைக்கழகம் தொடர்பான விருப்பத் தெரிவுகளுக்கான முடிவுத் திகதி எதிர்வரும் திங்கட்கிழமையுடன் (20.3.2017) நிறைவடைவதாக பல்கலைக்கழக மானியங்கள் ஆணைக்குழு அறிவித்துள்ளது.

பல்கலைக்கழக மானியங்கள் ஆணைக்குழுவின் தலைவர் பேராசிரியர் மொஹான் சில்வா, பல்கலைக்கழக விண்ணப்பதாரிகளின் 2016-2017 கல்வியாண்டுக்கான, பாடவிதானம் மற்றும் பல்கலைக்கழகத் தெரிவு தொடர்பாக வெளியிட்டுள்ள அறிக்கையிலேயே இதனை தெரிவித்துள்ளார்.

மேலும் பல்கலைக்கழக விண்ணப்பதாரிகளுக்கு தாம் கற்கவிரும்பும் பாட விடயங்கள் மற்றும் பல்கலைக்கழகங்கள் தொடர்பில் விருப்பத் தெரிவுகளை மேற்கொள்ள சந்தர்ப்பம் வழங்கப்பட்டுள்ளது . இச்சந்தர்ப்பம் எதிர்வரும் திங்கட்கிழமைக்குப் (20.3.2017) பின்னர் மாற்றப்பட முடியாதென அவர் அறிவிடுகுள்ளமை குறிப்பிடத்தக்கது.

இந்நிலையில் இம்முறை சுமார் 71 ஆயிரம் மாணவர்கள் 2016-2017 கல்வியாண்டுக்கென விண்ணப்பித்துள்ளதாகவும், குறித்த மாணவர்களின் விண்ணப்பங்கள் தற்சமயம் பரிசீலிக்கப்பட்டு வருவதோடு, மாணவர்களின் விண்ணப்பங்கள் கிடைக்கப் பெற்றதும், அதனை உறுதிப்படுத்தும் குறுஞ்செய்தி ஒன்று மாணவர்களின் தொலைபேசிகளுக்கு அனுப்பி வைக்கப்படுவதாக பல்கலைக்கழக மானியங்கள் ஆணைக்குழு தெரிவித்துள்ளமை குறிப்பிடத்தக்கது.