சுற்றுலா பேருந்து விபத்தில் 16பேர் காயம்!

யாழ்ப்பாணத்திற்கு சுற்றுலா சென்ற பஸ் டிப்பர் லொறியுடன் மோதி விபத்து! 16 பேர் காயம்! 3 பேர் கவலைக்கிடமாகியுள்ளார்கள். யாழ்ப்பாணத்திற்கு சுற்றுலா சென்ற ரோஸா பஸ் வண்டியுடன் மணல் ஏற்றி வந்த டிப்பர் லொறி நேருக்கு நேர் மோதியதனால் பஸ் வண்டியில் பயணித்த 16 பேர் காயங்களுடன் தொம்பே மாவட்ட ஆஸ்பத்திரியில் அனுமதிக்கப்பட்டுள்ளனர்

இவர்களில் 6 பேர் பலத்த காயங்களுக்கு உள்ளாகினர். 4 பேர் கொழும்பு பெரியாஸ்பத்திரிக்கு மேலதிக சிகிச்சைகளுக்காக கொண்டு செல்லப்பட்டுள்ளனர்.பஸ்ஸின் சாரதி மற்றும் 3 பேரின் நிலை கவலைக்கிடமாக உள்ளதாக தெரிவிக்கப்பட்டுள்ளது.

இச்சம்பவம் பூகொட பிரதேசத்தில் நேற்று வெள்ளிக்கிழமை மாலை 3.00 மணியளவில் இடம்பெற்றுள்ளது. மாத்தறைப் பிரதேசத்திலிருந்து யாழ்ப்பாணம் நோக்கி சுற்றுலா மேற்கொண்ட தனியார் வகுப்பொன்றின் மாணவ மாணவிகளும் ஆசிரியர்களுமே பஸ்ஸில் பயணித்துள்ளனர்.