கிளிநொச்சியில் பஸ் விபத்து; 11 பேர் காயம்

கிளிநொச்சி இரணைமடு சந்தியில் நேற்றிரவு இடம்பெற்ற பஸ் விபத்தில் 11 பேர் காயமடைந்துள்ளனர். யாழ்ப்பாணத்திலிருந்து கொழும்பு நோக்கி பயணித்துக்கொண்டிருந்த பஸ், கட்டுப்பாட்டை இழந்து, வீதியின் அருகிலிருந்து மரமொன்றில் மோதியுள்ளது.

 நேற்றிரவு 10.30 அளவில் இந்த விபத்து இடம்பெற்றுள்ளது. விபத்தில் காயமடைந்த 11 பேர் கிளிநொச்சி வைத்தியசாலையில் சிகிச்சை பெற்று வருகின்றனர். 

 படுகாயமடைந்த பஸ்ஸின் சாரதி அவசர சிகிச்சைப் பிரிவில் அனுமதிக்கப்பட்டுள்ளதாக எமது பிராந்தியச் செய்தியாளர் தெரிவித்தார். இந்த விபத்து தொடர்பான மேலதிக விசாரணைகளை மாங்குளம் பொலிஸார் மேற்கொண்டு வருகின்றனர்.