முதலமைச்சர் விக்னேஸ்வரனை சந்திக்க பிரதமர் மோடி விருப்பம்

வடமாகாண முதலமைச்சர் சி.வி.விக்னேஸ்வரனை இந்திய பிரதமர் நரேந்திர மோடி சந்திக்க விருப்பம் தெரிவித்துள்ளார். தமிழ்த் தேசியக் கூட்டமைப்பு நேற்றைய தினம் பிரதமர் நரேந்திர மோடியை அவரது இல்லத்தில் சந்தித்து உரையாடிய போதே முதலமைச்சர் விக்னேஸ்வரனை சந்திக்க விரும்புவதாகவும் அதற்கான ஏற்பாடுகள் மேற்கொள்ளப்படும் எனவும் தெரிவித்துள்ளார். 

நரேந்திர மோடி பிரதமராக பதவியேற்ற சமயம் முதலமைச்சர் விக்னேஸ்வரன் அவருக்கு வாழ்த்து தெரிவித்து கடிதமொன்றை அனுப்பி வைத்திருந்தார். 

 இதேவேளை, பிரதமர் மோடியின் பதவியேற்பு விழாவில் கலந்துக்கொள்ள தம்முடன் வருமாறு ஜனாதிபதி மஹிந்த ராஜபக்ஷ வட மாகாண முதலமைச்சர் விக்னேஸ்வரனுக்கு அழைப்பு விடுத்திருந்த சமயம் அவர் அதனை நிராகரித்து இருந்தமை குறிப்பிடத்தக்கதாகும்.