ஐக்கிய அரபு அமீரகத்தில் குடும்ப நிகழ்ச்சிகளில் 10 பேருக்கு மேல் பங்கேற்கத் தடை!

ஐக்கிய அரபு அமீரகத்தில் கொரோனாத் தொற்றுப் பரவல் காரணமாக, திருமணம் உள்ளிட்ட குடும்ப நிகழ்ச்சிகளில் 10 பேருக்கு மேற்பட்டோர் கலந்து கொள்ளத் தடைவிதிக்கப்பட்டுள்ளது.

 இவ் விடயம் குறித்து அந்நாட்டு பேரிடர் மேலாண்மை துறை வெளியிட்டுள்ள அறிவிப்பில், பொதுமக்கள், நிகழ்ச்சிகளில் கலந்து கொள்வதற்கு 24 மணி நேரத்திற்கு முன்பாக, கொரோனாத் தொற்றுப் பரிசோதனை மேற்கொள்வது கட்டாயமாக்கப்பட்டுள்ளது.

 மேலும் குறித்த நோய்த்தொற்றுப் பரவலைத் தடுக்கும் வகையில் முகக்கவசம் அணிதல், தனிமனித இடைவெளியைக் கடைபிடித்தல் மற்றும் கிருமிநாசினிகளை பயன்படுத்தல் ஆகியன கடைபிடிக்கப்பட வேண்டுமெனவும் அறிவுறுத்தப்பட்டுள்ளமை குறிப்பிடத்தக்கது.