சுற்றிச் சுற்றி வட்டமிடும் ஹெலிகொப்டர்கள்! பீதியில் கொழும்பு வாழ் மக்கள்

கொழும்பின் சில பகுதிகளில் தொடர்ச்சியாக ஹெலிகொப்டர்கள் பயணிப்பதை அடுத்து பிரதேச மக்கள் அச்சமடைந்துள்ளனர். இதுகுறித்து விமானப்படை பிரிவைத் தொடர்பு கொண்டு வினவியபோது, அதன் ஊடகப் பேச்சாளர் இவ்வாறு பதிலளித்தார். 

 தனிமைப்படுத்தல் பகுதிகளில் சட்டவிரோத நடவடிக்கைகள் மற்றும் தனிமைப்படுத்தல் சட்டங்களை மீறிய செயற்பாடுகள் முன்னெடுக்கப்பட்டு வருவதாக கிடைக்கப் பெற்ற தகவலை அடுத்தே அது தொடர்பில் ஆராய்வதற்காக ஹெலிகொப்டர்கள் சேவையில் ஈடுபடுத்தப்பட்டுள்ளது. ஏதேனும், சட்டவிரோத செயற்பாடுகள் முன்னெடுக்கப்படுமாயின், அது தொடர்பில் உரிய தரப்பிற்கு அறிவிக்க விமானப்படை நடவடிக்கை எடுக்கும்.