முல்லைத்தீவில் 5ஆயிரம் ரூபா போலி நாணயத்தாள்களுடன் ஒருவர் கைது

முல்லைத்தீவு புதுக்குடியிருப்பு தேவபுர பிரதேசத்தில் 700 போலி ஐயாயிரம் ரூபா நாணயத்தாள்களுடன் ஒருவர் கைது செய்யப்பட்டுள்ளதாக பொலிஸ் விஷேட அதிரடிப்படையினர் தெரிவித்துள்ளனர். சந்தேக நபரின் வீட்டில் இருந்து போலி நாணயத்தாள்களை அச்சிடப் பயன்படுத்தப்பட்டதாக நம்பப்படும் கணினி மற்றும் சாதனங்களும் பொலிஸாரால் கைப்பற்றப்பட்டுள்ளன. பொலிஸ் விஷேட அதிரடிப்படை அதிகாரிகளுக்குக் கிடைத்த தகவலின் அடிப்படையில் இந்தச் சுற்றிவளைப்பு மேற்கொள்ளப்பட்டுள்ளது. கைது செய்யப்பட்ட சந்தேக நபர் 42 வயதுடையவராவார்.