மன்னாரில் கடல்தொழில் உபகரன நிலையத்தில் தீவிபத்து!-படங்கள் இணைப்பு

மன்னார் பஸார் பகுதியில் அமைந்துள்ள கடற்தொழில் உபகரணங்கள் விற்பனை செய்யும் நிலையம் ஒன்றில் நேற்று மாலை ஏற்பட்ட தீ விபத்தின் காரணமாக பல இலட்சம் ரூபா பெறுமதியான பொருட்கள் எரிந்து சாம்பலாகியுள்ளது.

.

குறித்த வர்த்தக நிலையம் அடுக்கு மாடித் தொடரில் 2 ஆவது மாடியில் அமைந்துள்ளது. உடனடியாகத் தீயைக் கட்டுப்படுத்த முடியாததன் காரணத்தினால் குறித்த வர்த்தக நிலையத்தில் இருந்த பல வகையான மீன்பிடி வலைகள் உள்ளிட்ட பெறுமதிவாய்ந்த கடற் தொழில் உபகரணங்கள் பல எரிந்து சாம்பலாகியுள்ளன.

எனினும் தீ ஏனைய கடைகளுக்குப் பரவாத வகையில் பொதுமக்களும் இராணுவத்தினரும் பொலிஸாரும் இணைந்து சுமார் ஒரு மணி நேர போராட்டத்தின் பின் குறித்த பகுதியில் ஏற்பட்ட தீயினைக் கட்டுப்பாட்டின் கீழ் கொண்டு வந்துள்ளனர்