முல்லைத்தீவு தேவிபுரம் பகுதியில் பொதுநோக்கு மண்டபம் அமைக்க காவல்துறை தடை!

முல்லைத்தீவு–புதுக்குடியிருப்பு தேவிபுரம் பகுதியில் பொதுநோக்கு மண்டபம் அமைக்க காவல்துறையினர் தடைவிதித்துள்ளதுடன் கிராம அபிவிருத்திச் சங்கத்துக்கு எச்சரிக்கை விடுத்துள்ளார்கள். முல்­லைத்­தீவு மாவட்­டத்­தி­லுள்ள புதுக்­கு­டி­யி­ருப்பு தேவி­புரம் பகு­தியில் பொது­நோக்கு மண்­டபம் அமைப்­ப­தற்­கென பிர­தேச செய­ல­கத்­தினால் வழங்­கப்­பட்ட காணியில் காவல்துறையினர் உட்­பு­குந்து அடா­வ­டித்­த­னங்­களில் ஈடு­பட்­டுள்­ள­துடன் பொது­மண்­டபம் அமைக்கும் பணி­க­ளையும் தடுத்து நிறுத்தி கிராம அபி­வி­ருத்திச் சங்க நிர்­வா­கத்­தி­ன­ரையும் அச்­சு­றுத்­தி­யுள்­ள­தாக பிர­தேச மக்கள் விசனம் தெரி­விக்­கின்­றனர். 

 புதுக்­கு­டி­யி­ருப்பு பிர­தேச செயலர் பிரிவின் கீழுள்ள தேவி­புரம் கிராம அலு­வலர் பிரிவில் மக்கள் மீள்­கு­டி­யே­றி­யுள்ள நிலையில் குறித்த கிரா­மத்தின் உட்­கட்­டு­மான வேலைகள் பல்­வேறு அர­ச­சார்­பற்ற நிறு­வ­னங்­களால் முன்னெ­டுக்­கப்­பட்டு வரு­கின்­றன.இந்­நி­லையில் தேவி­புரம் கிரா­மத்தில் யு.என்.கபிராட் நிறு­வ­னத்­தினால் சுமார் இருபத்தி ஐந்து லட்சம் ரூபா செலவில் பொது­நோக்கு மண்­டபம் ஒன்று அமைப்­ப­தற்­கான நிதி கிடைக்கப் பெற்­றுள்ள நிலையில் அதற்­கான காணி­யினை கிராம அபி­வி­ருத்திச் சங்க நிர்­வாகம் பிர­தேச செய­ல­கத்­திடம் கோரி­யி­ருந்­தது. 

 கடந்த 29ஆம் திகதி ஞாயிற்­றுக்­கி­ழமை பிர­தேச செயலர் அபி­வி­ருத்திச் சங்­கத்­திற்கு அனுப்­பி­யி­ருந்த கடி­தத்தில் குறித்த காணியில் பொது­நோக்கு மண்­டபம் அமைப்­ப­தற்­கான அனு­ம­தி­யினை வழங்­கி­யுள்ளார்.இத­னை­ய­டுத்து கடந்த 30ஆம் திகதி பிற்­பகல் 4 மணிக்கு பொது­மண்­ட­பத்­துக்­கான அடிக்கல் நாட்டும் நிகழ்வு நடை­பெற்­றுள்­ளது. 

 இத­னை­ய­றிந்து அன்­றி­ரவு அக்­கா­ணிக்குள் நுழைந்த காவல்துறையினர் அக்­கா­ணிக்குள் இருந்த நிகழ்­வுக்குப் போடப்­பட்­டி­ருந்த தகரக் கொட்­டகை மற்றும் கட்­டடப் பொருட்­களை புதுக்­கு­டி­யி­ருப்பு பொலிஸ் நிலை­யத்­துக்கு ஏற்றிச் சென்­றுள்­ளனர். இத­னை­ய­டுத்து அப்­ப­குதி கிராம அபி­வி­ருத்திச் சங்க நிர்­வா­கத்­தி­ன­ரையும் அச்சுறுத்தி குறித்த காணிக்குள் அபிவிருத்திகள் மேற்கொண்டால் கைது செய்து அடைக்கப்போவதாகவும் எச்சரிக்கை விடுத்துள்ளனர் என கிராம அபிவிருத்திச் சங்கத்தினர் தெரிவித்துள்ளார்கள்.