இலங்கையில் குடும்பமொன்றின் மாதாந்தச் செலவு 59001 ரூபா? – அரசாங்கம்

இலங்கையில் குடும்பமொன்றின் சராசரி மாதாந்தச் செலவு 59001 ரூபா என அரசாங்கம் நாடாளுமன்றில் அறிவித்துள்ளது. நகர்ப்புறங்களைச் சேர்ந்த குடும்பமொன்றின் மாதாந்தச் செலவு இவ்வாறு மதிப்பீடு செய்யப்பட்டுள்ளதாக பிரதி நிதி அமைச்சர் சரத் அமுனுகம தெரிவித்துள்ளார்.

 நான்கு பேரைக் கொண்ட நகரத்தைச் சேர்ந்த குடும்பமொன்றின் சராசரி மாதச் செலவு 59001 ரூபாவாகும். கிராம பகுதிகளைச் சேர்ந்த குடும்பம் ஒன்றின் சராசரி மதாந்தச் செலவு 37561 ரூபாவாகும். பெருந்தோட்ட பகுதிகளைச் சேர்ந்த குடும்பம் ஒன்றின் சராசரி மதாந்தச் செலவு 29799 ரூபாவாகும். நகரத்தில் ஓர் குடும்பத்தின் உணவுத் தேவைக்காக 18513 ரூபாவும்ஏனைய தேவைகளுக்காக 40487 ரூபாவும் செலவாகின்றது. 

 கிராமத்தில் ஓர் குடும்பத்தின் உணவுத் தேவைக்காக 13704 ரூபாவும், ஏனைய தேவைகளுக்காக 22857 ரூபாவும் செலவாகின்றது. பெருந்தோட்டப் பகுதியில் ஓர் குடும்பத்தின் உணவுத் தேவைக்காக 14799 ரூபாவும், ஏனைய தேவைகளுக்காக 15000 ரூபாவும் செலவாகின்றது. குடும்பமொன்றுக்கு அதிகளவில் செலவு ஏற்படும் மாவட்டமாக கொழும்பு காணப்படுகின்றது என அமைச்சர் சரத் அமுனுகம நாடாளுமன்றில் தெரிவித்துள்ளார்.