உலகக்கோப்பையை வென்ற வங்கதேசம்! வெற்றிக்கு காரணமாக இருக்கும் இலங்கை வீரர்.....

19 வயதுக்கு உட்பட்டோருக்கான உலகக்கோப்பையை வங்கதேசம் வென்ற நிலையில் அதற்கு பின்னணியின் இலங்கை வீரரின் உழைப்பு இருப்பது தெரியவந்துள்ளது.
19 வயதுக்கு உட்பட்டோருக்கான உலகக்கோப்பை இறுதிப்போட்டியில் இந்தியா - வங்கதேசம் அணிகள் நேற்று மோதியது.
இப்போட்டியில் வங்கதேசம் அணி 3 விக்கெட்கள் வித்தியாசத்தில் இந்தியாவை வீழ்த்தி உலகக்கோப்பையை வென்று வரலாற்று சாதனை படைத்தது.
ஐசிசி நடந்தும் கிரிக்கெட் தொடர்களில் வங்கதேச அணி இறுதிப்போட்டிக்கு சென்று கோப்பையையும் வென்றது இதுவே முதல் முறையாகும்.

வங்கதேச அணியின் வெற்றிக்கு பின்னால் இருப்பது அந்த அணியின் பயிற்சியாளரான நவீத் நவாஸ் தான்.
இவர் இலங்கை சர்வதேச கிரிக்கெட் அணியின் முன்னாள் வீரர் ஆவார்.
கடந்த 2018ஆம் ஆண்டு ஜூலை மாதம் 19 வயதுக்கு உட்பட்ட வங்கதேச அணியின் பயிற்சியாளராக நவீத் நியமிக்கப்பட்டார்.
நவீத் இலங்கை சர்வதேச கிரிக்கெட் அணிக்காக ஒரு டெஸ்ட் போட்டி மற்றும் 3 ஒரு நாள் போட்டிகளில் பங்கேற்று விளையாடியுள்ளார்.
இவர் 19 வயதுக்கு உட்பட்டோருக்கான இலங்கை அணியின் முன்னாள் தலைமை பயிற்சியாளராக இருந்தது குறிப்பிடத்தக்கது.