800 திரைப்படத்தில் இருந்து விஜய் சேதுபதி விலகவேண்டும் – காணாமலாக்கப்பட்டோரின் உறவுகள்

இலங்கையின் நட்சத்திர சுழற்பந்து வீச்சாளர் முத்தையா முரளிதரனின் வாழ்க்கை வரலாற்றை வெளிப்படுத்தும் 800 திரைப்படத்தில் இருந்து நடிகர் விஜய் சேதுபதி விலகவேண்டும் என காணாமல் ஆக்கப்பட்டோரின் உறவுகள் வலியுறுத்தியுள்ளனர்.

 கடுமையான சர்ச்சைகளுக்கு உள்ளாகியுள்ள 800 திரைப்படம் தொடர்பாக ஊடகங்களுக்கு கருத்து வெளியிடும்போதே உறவுகள் சங்க செயலாளர் லீலாதேவி ஆனந்த நடராஜா இவ்வாறு கருத்து வெளியிட்டிருந்தார். இதுன்போது மேலும் தெரிவித்த அவர், முரளிதரன் குறித்து விஜய் சேதுபதிக்கு தெரியாமல் இருக்கலாம் என்றும் ஆனால், அவர் குறித்து சமூக ஊடகங்களில் பல விமர்சனங்கள் முன்வைக்கப்பட்டுள்ளதாக தெரிவித்தார். எனவே 800 திரைப்படத்தில் விஜய் சேதுபதி நடிக்கக் கூடாது என்றும் உடனே அவர் அந்தப் படத்தில் இருந்து விலக வேண்டும் எனவும் அவர் வலியுறுத்தினார்.