வவுனியாவில் தமிழரசுக்கட்சியின் மத்திய குழு கூட்டம்

 தமிழரசுகட்சியின் மத்திய செயற்குழு கூட்டம் வவுனியா புகையிரதநிலைய வீதியில் அமைந்துள்ள தனியார் விருந்தினர் விடுதியில் இன்று (05.11) நடைபெறுகிறது.    

தமிழரசுகட்சியின் தலைவர் மாவை சேனாதிராசா தலைமையில் இடம்பெற்று வரும் இக்கூட்டத்தில் செயலாளர் ப.சத்தியலிங்கம், பாராளுமன்ற உறுப்பினர்களான எம்.ஏ.சுமந்திரன், சி.சிறிதரன், இரா.சாணக்கியன், முன்னாள் பாராளுமன்ற உறுப்பினர் சாந்தி சிறிஸ்கந்தராசா, மற்றும் முக்கியஸ்தர்கள் கலந்து கொண்டனர்.  

இக்கூட்டத்தில் தமிழரசுக்கட்சியின் மாநாடு, சமகால அரசியல் நிலமைகள், திருகோணமலை மாவட்ட பாராளுமன்ற உறுப்பினர் விவகாரம், கூட்டமைப்பு தலைவர் இரா.சம்மந்தன் விவகாரம், காணி அபகரிப்பு உள்ளிட்ட பல விடயங்கள் கலந்துரையாடப்படவுள்ளதாக தெரிவிக்கப்பட்டுள்ளது.