கற்பிட்டி மீனவர் சிலாபத்துறையில் சடலமாக மீட்பு.

மன்னார் மாவட்டம் முசலி பிரதேச செயலாளர் பிரிவுக்குற்பட்ட சிலாபத்துறை கடற்கரையில் கரை ஒதுங்கிய நிலையில் இளைஞர் ஒருவருடைய சடலத்தை பொலிஸார் மீட்டு நேற்று(17-04-2015)வெள்ளிக்கிழமை இரவு மன்னார் பொது வைத்தியசாலையில் ஒப்படைத்துள்ளனர்.

சடலமாக மீட்கப்பட்டவர் கற்பிட்டியச் சேர்ந்த சஞ்சீவ குமார பெர்ணாண்டோ (வயது-21) என அடையாளம் காணப்பட்டுள்ளதாக மன்னார் வைத்தியசாலை தரப்பினர் தெரிவித்துள்ளனர்.

கற்பிட்டியைச் சேர்ந்த 4 மீனவர்கள் முசலி பிரதேசச் செயலாளர் பிரிவுக்குற்பட்ட சிலாபத்துறை கடற்கரை பகுதியில் வாடி அமைத்து தங்கி இருந்து மீன்பிடியில் ஈடுபட்டு வந்துள்ளனர்.

குறித்த 4 மீனவர்களும் வாடியில் இருந்த போது உயிரிழந்த குறித்த சஞ்சீவ குமார பெர்ணாண்டோ(வயது-21) என்ற மீனவர் நேற்று வெள்ளிக்கிழமை(17-04-2015)காலை 5 மணியளவில் வாடியில் இருந்து காலைக்கடன் கழிப்பதற்காக வெளியில் சென்றுள்ளார்.

எனினும் நீண்ட நேரமாகியும் அவர் திரும்பி வராத நிலையில் ஏனை மீனவர்கள் அவரை தேடியுள்ளனர்.

இந்த நிலையில் காணாமல் போன மீனவர் நேற்று வெள்ளிக்கிழமை மாலை 7 மணியளவில் சிலாபத்துறை கடற்கரையில் சடலமாக கரை ஒதுங்கியுள்ளார்.என தெரிய வந்துள்ளது.

\

இந்த நிலையில் சிலாபத்துறை பொலிஸாருக்கு தகவல் வழங்கப்பட்ட நிலையில்; சிலாபத்துறை பொலிஸார் சம்பவ இடத்திற்கு வந்து சடலத்தை மீட்டு மன்னார் பொது வைத்தியசாலையில் ஒப்படைத்துள்ளனர்.

சடலத்தில் காயங்கள் காணப்படுகின்ற நிலையில் பொலிஸார் விசரணைகளை மேற்கொண்டு வருகின்றனர்.

தற்போது சடலம் மன்னார் பொது வைத்தியசாலையின் பிரேத அரையில் வைக்கப்பட்டுள்ளது.