வவுனியாவில் திடீரெனத் தீப்பற்றிக் கொண்ட ஆட்டோ

வவுனியா ஹொறவபொத்தான சந்திக்கு அருகில் இன்று(13) மதியம் நிறுத்தி வைக்கப்பட்டிருந்த ஆட்டோ ஒன்று திடீரெனத் தீப்பற்றிக் கொண்டது.

முச்சக்கர வண்டியினை நிறுத்தி விட்டு வியாபார நிலையத்திற்கு வண்டியின் சாரதி சென்றிருந்த போது திடீரென முச்சக்கர வண்டி தீப்பற்றிக் கொண்ட போதும் எவருக்கும் எவ்வித பாதிப்பும் ஏற்படவில்லை.

தீயினைக் கட்டுப்பாட்டுக்குள் கொண்டு வர முயற்சி செய்தும் முடியாமல் போனதால் ஆட்டோ முற்றாக எரிந்து நாசமடைந்துள்ளது.

இதையடுத்து சம்பவ இடத்திற்குச் சென்ற பொலிசார் மேலதிக விசாரணைகளை மேற்கொண்டு வருகின்றனர்.