வடமாகாண சபை உறுப்பினர்களுக்கு 'சொகுசு வாகன இறக்குமதி தீர்வை விலக்கு அனுமத்திப்பத்திரம்' வழங்களில் வைத்தியர்களாக மாகாண சபை உறுப்பினர்கள் இருவர் புறக்கணிப்பு-(படம்)

வடமாகாண சபை உறுப்பினர்களுக்கு வழங்கப்பட்டுள்ள 'சொகுசு வாகன இறக்குமதி தீர்வை விலக்கு அனுமத்திப்பத்திரம்' வடமாகாண அமைச்சர் ஒருவருக்கும், மாகாண சபை உறுப்பினர் ஒருவருக்கும் வழங்கப்படவில்லை என தகவல்கள் வெளியாகியுள்ளது.

-வடமாகாண சபையை பிரதி நிதித்துவப்படுத்துகின்ற 38 பேரில் வடமாகாண முதலமைச்சர், மாகாண அமைச்சர்கள்,வடமாகாண அவைத்தலைவர்,எதிர்க்கட்சி தலைவர்,பிரதி அவைத் தலைவர்,மாகாண சபை உறுப்பினர்கள் உள்ளடங்களாக 36 பேரூக்கு கடந்த 28 ஆம் திகதி ஞாயிற்றுக்கிழமை வடமாகாண சபையில் வைத்து 'சொகுசு வாகன இறக்குமதி தீர்வை விலக்கு அனுமத்திப்பத்திரம்' வைபவ ரீதியாக வழங்கப்பட்டுள்ளது.

எனினும் வடமாகாண சபை உறுப்பினர் வைத்திய கலாநிதி ஜீ.குணசீலன் மற்றும் வடமாகாண சுகாதார அமைச்சர் வைத்திய கலாநிதி பா.சத்தியலிங்கம் ஆகிய இருவருக்கும் குறித்த 'சொகுசு வாகன இறக்குமதி தீர்வை விலக்கு அனுமத்திப்பத்திரம்' வழங்கப்படவில்லை என தெரிய வருகின்றது.

இவ்விடையம் தொடர்பாக மாகாண அமைச்சர் சுகாதார அமைச்சர் பா.சத்தியலிங்கத்தை தொடர்பு கொண்ட போதும் தொடர்பு செயலிழந்துள்ளது.மாகாண சபை உறுப்பினர் வைத்திய கலாநிதி ஜீ.குணசீலனை தொடர்பு கொண்டு வினவிய போது 'சொகுசு வாகன இறக்குமதி தீர்வை விளக்கு அனுமத்திப்பத்திரம்' வழங்கப்படவில்லை என்பதை உறுதிப்படுத்தியுள்ளார்.