கணவா வறுவல்

என்னென்ன தேவை?

கணவா மீன் - 10 முதல் 12
இஞ்சி பூண்டு விழுது - 1 டேபிள் ஸ்பூன்
மிளகாய் தூள் - 2 தேக்கரண்டி
மிளகு தூள் - 1 தேக்கரண்டி
மஞ்சள் தூள் - 1 தேக்கரண்டி
கரம் மசாலா தூள் - 1 தேக்கரண்டி
எலுமிச்சை சாறு - 1 டேபிள் ஸ்பூன்
உப்பு - சிறிது
எண்ணெய் - 3 டேபிள் ஸ்பூன்
கறிவேப்பிலை - சிறிது


எப்படி செய்வது?

முதலில் மீனை எடுத்து நன்றாக கழுவி, சுத்தம் செய்து சிறு துண்டுகளாக வெட்டி வைக்கவும். பின் அவற்றில் இஞ்சி பூண்டு விழுது, மிளகாய் தூள், மிளகு தூள், மஞ்சள் தூள், கரம் மசாலா தூள், எலுமிச்சை சாறு, கறிவேப்பிலை, உப்பு சேர்த்து பிசறி வைக்கவும். வெறும் கடாயில் இந்த மீன் கலவையை சேர்த்து வதக்கவும். இவை வேக 5 முதல் 6 நிமிடங்கள் ஆகும். பின்னர் எண்ணெய் விட்டு அடுப்பின் தணலை ஏற்றி நன்கு பொன்னிறமாக வறுக்கவும். சுவையான கனவா மீன் வறுவல் தயார்!!!