மடு பிரதேசச் செயலாளர் பிரிவில் இலவச நடமாடும் மருத்துவ முகாம்.

மடு பிரதேசச் செயலாளர் பிரிவுக்குட்பட்ட பின் தங்கிய கிராமங்களில் இன்றைய தினம்
திங்கட்கிழமை நடமாடும் வைத்திய முகாம் இடம்பெற்றுள்ளது.

வட மாகாண முன்னாள் சுகாதார அமைச்சர் வைத்திய கலாநிதி வைத்தியர் ஜீ. குணசீலன் தலைமையில் குறித்த இலவச நடமாடும் வைத்திய முகாம் நடை பெற்றது.

குறித்த நடமாடும் வைத்திய முகமானது மடு பிரதேசச் செயலாளர் பிரிவுக்குட்பட்ட பாலம் பிட்டி ,முள்ளிக்குளம், கீரி சுட்டான் ஆகிய மூன்று கிராமங்களிலும்
முதற் கட்டமாக குறித்த நடமாடும் வைத்திய முகாம் நடை பெற்றது.

 இதன் போது குறித்த கிராமங்களைச் சேர்ந்த மக்கள் கலந்து கொண்டு மருத்துவ பரிசோதனைகளை பெற்றுக் கொண்டதோடு இலவசமாக மருந்துகளைப் பெற்றுக் கொண்டனர்.

மக்கள் சுகாதார முறைப்படி முகக் கவசங்கள் அணிந்து சமூக இடைவெளியில் வரிசையாக நின்று மருத்துவ முகாமில் கலந்து கொண்டமை குறிப்பிடத்தக்கது.