அவுஸ்ரேலியர்களை ஆச்சரியப்படுத்திய இலங்கை வம்சாவளியைச் சேர்ந்த 11 வயது சிறுமி

இலங்கை வம்சாவளியைச் சேர்ந்த 11 வயது சிறுமியான ஜார்ஜியா, அவுஸ்ரேலியாவில் நடைபெற்ற ‘ஜூனியர் மாஸ்டர் செஃப் 2020’ போட்டியில் வெற்றியடைந்துள்ளார். குறித்த போட்டியின் ஆரம்பத்தில் இருந்தே ஜார்ஜியா, தனது பாட்டியிடமிருந்து கற்றுக்கொண்ட சமையல் மூலம் நடுவர் மன்றத்தையை ஆச்சரியப்படுத்தி வந்தார் இந்த நிகழ்வு அவுஸ்ரேவியாவில் மிகவும் பிரபலமானதுடன் சமூக வலைத்தளங்களிலும் வைரலாகி வருகின்றது. மேலும் இந்த இறுதி சமையல் போட்டியில் ஜார்ஜியா, ஏனைய இரண்டு போட்டியாளர்களுடன் போட்டியிட்டு வெற்றியடைந்துள்ளார்.

 குறித்த 11 வயது சிறுமி, எப்படி இத்தகைய சுவையான உணவை தயாரிக்கின்றார் என நடுவர் மன்றத்தினர் ஒவ்வொரு முறையும் மிகவும் ஆச்சரியத்துடன் கருத்துக்களை வெளியிட்டு இருக்கின்றார்கள். மேலும், அவரது தனித்துவமான திறன் அவுஸ்ரேலியா மற்றும் பிற வெளிநாடுகளையும் இலங்கையின் உணவு மற்றும் பானங்கள் மீது அதிக ஆர்வத்தை தற்போது ஏற்படுத்தியுள்ளது. கொரோனா வைரஸ் தொற்று அச்சுறுத்தல் நிலைமை மாறிய பின்னர் இலங்கை சுற்றுலாத்துறைக்கு இந்த நிகழ்வு நல்ல ஆதரவாக அமையும் என பெரும்பாலான ரசிகர்கள் தெரிவித்துள்ளனர்.