ஒமிக்ரோன் பிறழ்வு டெல்டாவை விட குறைவான ஆபத்தானது – நிபுணர்கள்

ஒமிக்ரோன் பிறழ்வானது டெல்டா பிறழ்வை விட குறைவான ஆபத்தானது என சுகாதார கல்வி பணியகத்தின் பணிப்பாளரான மருத்துவர் ரஞ்சித் படுவன்துடாவ தெரிவித்துள்ளார். ஒருவர் ஒமிக்ரோன் பிறழ்வால் பாதிக்கப்பட்டிருந்தால், அதன் விளைவு மூன்று நாட்களுக்கு குறுகிய காலத்திற்கு நீடிக்கும், அதே நேரத்தில் டெல்டா பிறழ்வானது சுமார் ஒன்பது நாட்களுக்கு நீடிக்கும் என ஆராய்ச்சி வெளிப்படுத்துகிறது. 

ஒமிக்ரோன் பிறழ்வு தொடர்பில் நிலையான தரவு தற்போது கிடைக்கவில்லை என்றும் அவர் தெரிவித்தார். தென்னாபிரிக்காவிலுள்ள பல மருத்துவமனைகளில் 166 நோயாளிகளிடம் முன்னெடுக்கப்பட்ட ஆய்வின் தரவுகளின் அடிப்படையில் தென்னாப்பிரிக்காவிலுள்ள சுகாதார நிபுணர்கள் இந்த முடிவுகளுக்கு வந்துள்ளதாக வும் அவர் தெரிவித்தார். டெல்டா பிறழ்வின் சிக்கல்கள் மற்றும் அறிகுறிகள் கடுமையாக இருந்தாலும், தற்போதைய மருத்துவத் தரவுகள் ஒமிக்ரோன் பிறழ்வால் ஏற்படும் கொவிட் நோய்த் தொற்றுகள் கடுமையானவை என குறிப்பிடவில்லை எனவும் அவர் தெரிவித்தார்.