டெஸ்ட் கிரிக்கெட் வரலாற்றில் புதிய மைல்கல்லை தொட்ட இலங்கை அணி -

டெஸ்ட் கிரிக்கெட்டில் ஒரு இன்னிங்சில் அதிக ஓட்டங்கள் குவித்த அணிகள் பட்டியலில் ஏற்கனவே முதலிடத்தில் உள்ள இலங்கை, மீண்டும் ஒரு மைல்கல்லை தொட்டுள்ளது.

நேற்று நடைபெற்ற இலங்கை - வங்கதேச அணிகள் இடையிலான முதல் டெஸ்ட் போட்டி டிராவில் முடிந்தது.
இதன் முதல் இன்னிங்சில் இலங்கை அணி 9 விக்கெட்கள் இழப்புக்கு 713 ஓட்டங்கள் குவித்தது.
இது டெஸ்ட் கிரிக்கெட் வரலாற்றில் ஒரு இன்னிங்சில் எடுக்கப்பட்ட 18-வது அதிகபட்ச ஓட்டங்களாகும்.

இந்த பட்டியலில் முதலிடத்திலும் இலங்கை அணியே உள்ளது. கடந்த 1997-ஆம் ஆண்டு இந்தியாவுக்கு எதிராக நடந்த போட்டியில் இலங்கை அணி 952 ஓட்டங்கள் குவித்தது.
இது தான் டெஸ்ட் கிரிக்கெட் வரலாற்றில் ஒரு இன்னிங்சில் ஒரு அணி எடுத்த அதிகபட்ச ஓட்டங்களாகும்.