கடந்த காலங்களை போன்று படையினருக்கு அதிகளவான காணிகள் தேவையில்லை- முள்ளிக்குளத்தில் வடமாகாண ஆளுனர் றெஜினோல்ட் குரே-(படம்)

ஜனாதிபதி மைத்திரிபலா சிறிசேன ஒரு தீர்மானத்தை எடுத்துள்ளார்.மக்களின் சொந்தக்காணிகள் மீண்டும் மக்களிடமே ஒப்படைக்கப்பட வேண்டும் என்று.அதற்கமைவாக முள்ளிக்குளம் மக்களின் நிலங்கள் மீண்டும் மக்களிடமே மீள ஒப்படைக்க நடவடிக்கைகள் மேற்கொள்ளப்படும் என வடமாகாண ஆளுனர் றெஜினோல்ட் குரே தெரிவித்தார்.

-மன்னார் ஆயர் இல்லத்தின் அழைப்பை ஏற்று நேற்று (21) வெள்ளிக்கிழமை மாலை முள்ளிக்குளம் சென்று நில மீட்பு போராட்டத்தில் ஈடுபட்டு வருகின்ற முள்ளிக்குளம் கிராம மக்களை சந்தித்த பின் அங்கு உரையாற்றுகையிலேயே வடமாகாண ஆளுனர் றெஜினோல்ட் குரே அவ்வாறு தெரிவித்தார்.

-அவர் தொடர்ந்தும் உரையாற்றுகையில்,,,

-மக்களினுடைய பூர்வீக நிலம் மக்களிடமே ஒப்படைக்கப்பட வேண்டும்.அதே போன்று நாட்டின் பாதுகாப்பும் இருக்க வேண்டும்.மக்களின் காணிகள் விடுவிப்பு குறித்து யாழ்ப்பாணம் பொது நூலகத்தில் அவசர கலந்துரையாடல் இடம் பெற்றது.

-குறித்த கலந்துரையாடலில் தமிழ் தேசியக்கூட்டமைப்பின் தலைவர்,பாராளுமன்ற உறுப்பினர்கள் அனைவரும் கலந்து கொண்டிருந்தனர்.

-அனைவரும் இணைந்து ஒரு தீர்மானத்தை கொண்டு வந்தனர்.

அனைத்து மாவட்டங்களுக்கும் சென்று மக்களின் பாதீப்புக்கள் குறித்து விபரங்களை பெற்றுக்கொள்ளுவது என்று.அதற்கு பிற்பாடு குறித்த விபரங்கள் அணைத்தும் ஜனாதிபதிக்கு அனுப்பி உரிய தீர்வை பெற்றுக்கொள்ளுவது என தீர்மானிக்கப்பட்டுள்ளது.

-முள்ளிக்குளம் மக்களின் காணி பிரச்சினை தொடர்பான சகல விபரங்களும் என்னிடம் வழங்கப்பட்டுள்ளது.
-நான் குறித்த பிரச்சினை தொடர்பாக ஜனாதிபதியை சந்தித்து உரையாடவுள்ளேன்.
தன் போது முள்ளிக்குளம் மக்களின் பிரச்சினை குறித்து அவருக்கு தெழிவு படுத்துவேன்.நீங்கள் தொடர்ந்தும் கஸ்டப்பட வேண்டாம்.

-இந்த அரசாங்கத்திற்கு மக்களாகிய உங்களின் காணிகள் தேவையில்லை.

கடந்த காலங்களை போன்று படையினருக்கு அதிகலவான காணிகள் தேவையில்லை.
இராணுவ அதிகாரிகளுக்கு மக்களின் காணிகளை மீள மக்களிடம் வழங்க வேண்டும் என்ற என்னம் உள்ளது.அது நல்ல நோக்கம்.

-எனவே முள்ளிக்குளம் மக்களின் காணி பிரச்சினை தொடர்பாக ஜனாதிபதியை சந்தித்து நல்லதொரு முடிவொன்றை பெற்றுக்கொண்டு மீண்டும் முள்ளிக்குளம் மக்களாகிய உங்களை சந்திக்க இங்கே வருவேண் என வடமாகாண ஆளுனர் றெஜினோல்ட் குரே மேலும் தெரிவித்தார்.