சிறுநீரக புற்றுநோய் இருப்பதை காட்டிக் கொடுக்கும் முக்கிய அறிகுறிகள் -
மேலும் சிறுநீரகத்தில் ஏற்படும் சிறுபாதிப்பும் ஒட்டுமொத்த உடல் இயக்கத்தையும் பாதிக்கும்.
இத்தகைய சிறுநீரக மண்டலத்தில் புற்றுநோய் வந்தால் என்னென்ன அறிகுறிகளை வெளிபடுத்தும் என்பதைப் பற்றி பார்ப்போம்.
சிறுநீரக புற்றுநோய் ஏற்பட காரணம்
- சிறுநீரக செல்களில் உள்ள மரபணுக்களில் பிறழ்வு ஏற்படும்போது சிறுநீரக புற்றுநோய் ஏற்படும்.
- புகைப்பிடிப்பதால் நுரையீரல் புற்றுநோய் மட்டும் இல்லாமல் சிறுநீரக நோயை தூண்டுவதற்கான முக்கிய காரணமாக உள்ளது.
- மரபணுக்கள் வழியாக ஏற்படும் சில பிறப்பு குறைபாடுகளும் சிறுநீரக புற்றுநோய் ஏற்பட காரணமாக அமைகிறது.
- டையூரிடிக்ஸ் எனப்படும் இரத்த அழுத்தத்திற்காக பயன்படுத்தப்படும் நீர் மாத்திரைகளும் சிறுநீரக புற்றுநோய் ஏற்படுவதற்கான வாய்ப்பை அதிகரிக்கும்.
- தனது வயதிற்கு ஏற்ற எடை இல்லாமல் அதிக எடையில் இருப்பவர்களுக்கு சிறுநீரக புற்றுநோய் ஏற்படும் வாய்ப்பு அதிகமாக உள்ளது.
- அதிகளவு காட்மியம் உள்ள இடம் சில களைக்கொல்லிகள் மற்றும் கரிம கரைப்பான்கள் இருக்கும் இடத்தில் வேலை செய்வது சிறுநீரக புற்றுநோயை உண்டாக்கலாம்.
சிறுநீரக புற்றுநோய் முக்கிய அறிகுறிகள்
உடல் எடை குறைவு
- சிறுநீரகங்கள் பாதிக்கப்பட்டிருந்தால், உணவுகளை உடைப்பது மற்றும் உணவுகளில் உள்ள சத்துக்களை உறிஞ்சுவதில் இடையூறு ஏற்படும். இதன் காரணமாக உடல் எடையும் திடீரென்று குறைய ஆரம்பிக்கும்.
சிறுநீர் கழித்தலில் மாற்றம்
- சிறுநீரில் இரத்தம் கலந்து வந்தாலோ அல்லது வழக்கத்தை விட சிறுநீர் அதிகமாகவோ, குறைவாகவோ கழிந்தாலும் சிறுநீரக புற்று நோயாக இருக்க வாய்ப்புள்ளது.
பசியின்மை
- பசியின்மை என்பது பல நோய்களின் அறிகுறியாக இருக்க வாய்ப்புள்ளது. இதனை சாதாரணமாக நினைக்காமல் உடனடியாக இந்த அறிகுறி தெரிந்தவுடன் மருத்துவரை அணுகி சோதனை செய்துகொள்வது நல்லது.
முதுகு வலி
- முதுகு அல்லது பக்கவாட்டுப் பகுதியில் வலி அல்லது அழுத்தம் ஏற்பட்டால், அது சிறுநீரக புற்றுநோய்க்கான அறிகுறிகளுள் ஒன்றாகும்.
சோர்வு
- நாள்பட்ட சோர்வு அல்லது களைப்பும், சிறுநீரக புற்றுநோய்க்கான அறிகுறிகளுள் ஒன்றாகும். எனவே நீங்கள் திடீரென்று காரணமேயின்றி, மிகுந்த சோர்வை உணர்ந்தால் மருத்துவரை அணுகுங்கள்.
சிறுநீரக புற்றுநோய் இருப்பதை காட்டிக் கொடுக்கும் முக்கிய அறிகுறிகள் -
Reviewed by Author
on
December 08, 2018
Rating:
No comments:
Post a Comment