நடிகர் விவேக் காலமானார்

 பத்மஸ்ரீ, கலைவாணர் உள்ளிட்ட பல விருதுகளை பெற்ற நடிகர் விவேக் மாரடைப்பு காரணமாக சென்னை தனியார் மருத்துவமனையில் காலமானார். மாரடைப்புக்கு சிகிச்சை பெற்று வந்த நடிகர் விவேக் காலை 4.35 மணிக்கு உயிரிழந்தார். மாரடைப்பு காரணமாக சென்னை தனியார் மருத்துவமனையில் நடிகர் விவேக் நேற்று சிகிச்சைக்கு அனுமதிக்கப்பட்டார்.

 விவேக் மாரடைப்பு காரணமாக நேற்று முதல் தீவிர சிகிச்சை பிரிவில் அனுமதிக்கப்பட்டிருந்தார். நேற்று காலை 11 மணிக்கு சுயநினைவு இல்லாத நிலையில் மருத்துவமனைக்கு விவேக் அழைத்து வரப்பட்டார். நடிகர் விவேக்குக்கு இதயத்துடிப்பு குறைந்ததால் ஆஞ்சியோ பிளாஸ்டிக் சிகிச்சை தரப்பட்டது. கவலைக்கிடமான நிலையில் அவர் எக்மோ கருவி உதவியுடன் தீவிர சிகிச்சை பெற்று வந்தார். 24 மணி நேரம் கடந்த பிறகு தான் அவரது உடல்நிலை குறித்து கூற முடியும் என்று மருத்துவமனை தெரிவித்திருந்தது.