ஹெரோயினுடன் பெண் ஒருவர் கைது

பொரளை மெகசின் வீதி பிரதேசத்தில் ஹெரோயினுடன் ஒரு பெண் கைது செய்யப்பட்டுள்ளார். கொழும்பு தெற்கு பிரதேச குற்ற புலனாய்வு பிரிவினரால் மேற்கொள்ளப்பட்ட சுற்றிவளைப்பின் போது சந்தேக நபரான பெண் கைது செய்யப்பட்டதாக பொலிசார் தெரிவித்தனர். 

 சந்தேக நபரிடம் இருந்து 245 கிராம் மற்றும் 450 மில்லிகிராம் ஹெரோயின் போதைப்பொருளும் மற்றும் போதைப்பொருள் வியாபாரத்தின் மூலம் ஈட்டிய 4 இலட்சம் பணமும் பொலிஸாரினால் கண்டுபிடிக்கப்பட்டுள்ளது. சந்தேக நபரான பெண் பொரளை பிரதேசத்தை சேர்ந்த 34 வயதுடையவர் என தெரிய வந்துள்ளது. சந்தேகநபர் இன்று (17) மாளிகாகந்த நீதவான் நீதிமன்றத்தில் ஆஜர்படுத்தப்பட உள்ளார்.