இலங்கைக்கு மேலும் 3 வகையான கொவிட் தடுப்பூசிகள்!

இலங்கையினுள் இதுவரையிலும் பயன்படுத்தப்படாத 3 வகையான கொவிட் தடுப்பூசிகளை எதிர்வரும் இரு வாரங்களில் நாட்டுக்கு கொண்டு வர உள்ளதாக இராஜாங்க அமைச்சர், பேராசிரியர் சன்ன ஜயசுமன தெரிவித்தார். குறித்த மூன்று வகையான தடுப்பூசிகளுக்கும் உலக சுகாதார அமைப்பு அனுமதி வங்கியுள்ளதாகவும் அமைச்சர் குறிப்பிட்டார். அமெரிக்காவில் தயாரிக்கப்பட்ட ஃபைசர் மற்றும் மொடர்னா தடுப்பூசிகள், சீனாவில் தயாரிக்கப்பட்ட சினோவாக் தடுப்பூசி ஆகியவற்றை இலங்கை பெற்றுக் கொள்ளவுள்ளது.

 ஜூலை இரண்டாவது வாரத்திற்குள், நாடு முழுவதும் 60 வயதிற்கு மேற்பட்ட அனைவருக்கும் குறைந்தபட்சம் ஒரு டோஸ் தடுப்பூசியையாவது வழங்குவதே எமது குறிக்கோள். தடுப்பூசி 100% பாதுகாப்பானது என்பதற்கு எந்த உத்தரவாதமும் இல்லை. தடுப்பூசி வகையைப் பொறுத்து பாதுகாப்பு மாறுபடும். அதிக பாதுகாப்பு கொண்ட தடுப்பூசி கூட 90% பாதுகாப்பைதான் காட்டுகிறது. என்றார். இதேவேளை, கொவிட் தடுப்பு செயற்பாடுகளின் போது இந்நாட்டு 18 வயதுக்கும் கீழ் பட்டோர் தொடர்பில் அதிக அவதானம் செலுத்தப்பட வேண்டும் என இராஜாங்க அமைச்சர் மேலும் தெரிவித்துள்ளார்.