ரத்த சிவப்பணுக்கள் அதிகரிக்க சாப்பிட வேண்டிய உணவுகள் -

உணவில் இரும்புச்சத்து அதிகமாக இருந்தால் ரத்த சிவப்பணுக்களின் எண்ணிக்கையும் அதிகமாக இருக்கும்.

மேலும் உடலில் ரத்த சிவப்பணுக்கள் அதிகரிக்க சாப்பிட வேண்டிய உணவுகள் என்ன என்பதை பற்றி பார்ப்போம்.

இரத்த சிவப்பணுக்கள் அதிகரிக்கும் உணவுகள்

• தாமரைத் தண்டில் அதிக அளவு இரும்புச்சத்து விட்டமின் சி உள்ளதால் இதை தொடர்ந்து சாப்பிட்டு வந்தால் உடலில் நல்ல மாற்றத்தை உணர முடியும்.

• சுண்டைக்காயில் உள்ள கசப்பு வயிற்றில் உள்ள பூச்சிகளை நீக்கும். ரத்தம் உடலில் ஊற உதவி செய்யும். எனவே இதனை வாரத்திற்கு இரண்டு முறை உணவில் சேர்த்து கொள்வது மிகவும் நல்லது.

• தினமும் மூன்று பேரீச்சம்பழம், 10 காய்ந்த திராட்சைகளைச் சாப்பிட்டு வரலாம். மேலும் சிவப்பு, பிரவுன், கறுப்பு அரிசி என நாள்தோறும் ஒரு அரிசியை ஒரு கப் அளவுக்கு வேகவைத்துச் சாப்பிடலாம்.

• அனைத்து வகைக் கீரைகள், முருங்கைக் கீரை, முள்ளங்கிக் கீரை, கோதுமைப் புல், வாழைப்பூ, சோயாபீன்ஸ் மற்றும் பருப்பு வகைகளைத் தொடர்ந்து சாப்பிட்டுவந்தால் உடலில் ரத்தம் உற்பத்தியாகும்.

• அவல் உப்புமா, அவல் பொரி, அவல் கிச்சடி, அவல் பணியாரம், கட்லெட், ஸ்வீட்ஸ் என ஏதேனும் ஒரு வகையில் அவலை நொறுக்குத் தீனியாகச் சேர்த்துக்கொள்ளலாம்.

• இரும்புச்சத்துள்ள உணவு உட்கொள்ளும்போது விட்டமின் சி உள்ள சிட்ரஸ் உணவு வகைகளைச் சாப்பிடுவதால் எளிதில் இரும்புச்சத்து உடலில் சேரும்.

• முழு நெல்லிக்காய், எலுமிச்சை, ஆரஞ்சு, மாதுளை, சாத்துக்குடிப் பழங்களைச் சாப்பிடுவதால் விட்டமின் சி உடலில் சேர்ந்து, இரும்புச்சத்தை உடல் கிரகிக்க உதவும்.

• முட்டை, ஈரல், மண்ணீரல், ஆடு மற்றும் கோழி இறைச்சியில் அதிக அளவு இரும்புச்சத்து உள்ளது. மேலும் வேகமாக இரும்புச்சத்தைக் உள்இழுக்கும் தன்மை சைவ உணவுகளைவிட அசைவ உணவுகளில்தான் அதிகம் உள்ளது.
•