மன்னார்-சமூகவலைத்தலங்களில் வீண் கருத்துக்களை பரப்புவதை தவிர்க்கவும்- கத்தோலிக்க மற்றும் இந்து மத தலைவர்கள் கோரிக்கை

மன்னார் திருக்கேதீஸ்வரத்தில் இடம் பெற்ற மத முரண்பாடுகளுக்கு தற்காலிகமாக தீர்வு எட்டப்பட்டு நான்கு நாட்களுக்கு தற்காலிகமாக குறித்த அலங்கார வளைவு அமைக்க மன்னார் நீதவான் நீதி மன்றம் அனுமதி அளித்து தற்போது மீண்டும் அந்த அலங்கார வளைவுகள் அமைக்கப்பட்டு சிவராத்திரி நிகழ்வு ஒழுங்கான முறையில் நடைபெற்று வருகின்றது.

 இந்த நிலையில் சில இந்து மற்றும் கத்தோலிக்க சமயத்தவர்கள் முகநூல்களிலும் ஏனைய சமூகவலைதளங்களிலும் பகிரும் கருத்துக்கள் மற்றும்  தேவாலயத்திற்கு முன்பாக பட்டாசு கொழுத்துதல் மத தலைவர்களை இழிவாக வர்ணித்து துண்டு பிரசுரங்களை வெளியிடுதல் மற்றும் பொது வெளியில் கருத்துக்களை வெளியிடும் செயல்களால்  மீண்டும் வன்முறை ஏற்படும் வாய்புக்கள் அதிகரிப்பதாக சமூக மட்ட பொது நிலையினர் கருத்து தெரிவிக்கின்றனர்

நேற்று முன் தினம் திருக்கேதீஸ்வரத்தில் இடம் பெற்ற மத முறுகள் நிலையானது ஓரளவு தற்போது தணிக்கப்பட்டாலும் பல்வேறு தர்ப்பினர் மற்றும் போலி முகநூல் பாவனையாளர்களினால் திட்டமிடப்பட வகையில் மதவாத கருத்துக்கள் திணிக்கப்பட்டும் பகிரப்பட்டும் வருகின்றது
எவ்வாறான பகிர்வுகள் நீண்டகால சமய நல்லிணக்கத்துக்கு பாரிய ஒரு இடைவெளியை ஏற்படுத்த கூடும் எனவே இவ்வாறான பகிர்வுகளை ஆதரிப்பதும் பதில் பகிர்வுகளை மேற்கொள்வதையும் இரு மதங்களையும் மத தலைவர்களையும் கொச்சைபடுத்தி கருத்துக்களை வெளியிடுவதை தவிர்குமாரு கத்தோலிக்க மற்றும் இந்து மத தலைவர்கள் கோரிக்கை
விடுத்துள்ளனர்.