இலங்கையின் போட்டித்தன்மையை அதிகரிக்க ஐரோப்பிய ஒன்றியம் நிதியுதவி...

பிராந்திய மற்றும் ஐரோப்பிய சந்தைகளில் இலங்கையின் போட்டித்தன்மையை அதிகரிக்கும் வகையில் ஐரோப்பிய ஒன்றியம், 8 மில்லியன் யூரோ ஒதுக்கீட்டில் திட்டம் ஒன்றை நடைமுறைப்படுத்தியுள்ளது.

இந்த திட்டம் நேற்று (15) ஆரம்பிக்கப்பட்டுள்ளதுடன் நான்கு வருடங்களுக்கு நடைமுறைப்படுத்தப்படவுள்ளது.

ஐக்கிய நாடுகளின் கைத்தொழில் அபிவிருத்தி அமைப்பு, இலங்கையின் வர்த்தக திணைக்களம் மற்றும் சர்வதேச வர்த்தக நிலையம் என்பன இந்த திட்டத்தை நடைமுறைப்படுத்தவுள்ளன.

இதேவேளை, ஐரோப்பிய ஒன்றியத்தின் தூதுவர் டுங் லாய் மார்க் இந்த திட்டத்தை ஆரம்பித்து வைத்துள்ளார்.