Slider

காணொளிகள்

மன்னார் செய்திகள்

விம்பம்

உள்நாட்டு செய்திகள்

சர்வதேச செய்திகள்

பல்சுவை

School events

மருத்துவம்

புகைப்படத்தளம்

கட்டுரைகள்

சினிமா

-

மன்னார் நானாட்டான் பிரதேச வைத்தியசாலை வைத்தியரின் அசமந்த போக்கு-அச்சத்தில் கிராம மக்கள்

மன்னார் மாவட்டம் நானாட்டம் பிரதேசச் செயலாளர் பிரிவுக்குற்பட்ட பகுதியைச் சேர்ந்த வயோதிப பெண் ஒருவர் திடீர் மூச்சுத்தினரல் காரணமாக நானாட்டன் பிரதேச வைத்திய சாலைக்கு இன்று திங்கட்கிழமை (20) மதியம் உடனடியாக அனுமதிக்கப்பட்ட போதும் வைத்தியசாலையின் வைத்தியர் நீண்ட நேரம் அசமந்த போக்குடன் செயற்பட்டதன் காரணமாக குறித்த நோயாளி உடனடியாக மேலதிக சிகிச்சைக்காக உறவினர்களினால் முயற்சியினால் மன்னார் மாவட்ட பொது வைத்திய சாலையில் அனுமதிக்கப்பட்டுள்ளதாக குறித்த வயோதிப பெண்ணின் உறவினர்கள் விசனம் தெரிவித்துள்ளனர்.

குறித்த சம்பவம் தொடர்பாக மேலும் தெரிய வருகையில்,,,

மன்னார் நானாட்டன் பிரதேசச் செயலாளர் பிரிவுக்குற்பட்ட வயோதிப பெண் ஒருவர் திடீர் சுகவீனம் காரணமாக பேச்சு,மூச்சற்ற நிலையில் இன்று (20) திங்கட்கிழமை மதியம் 1.35 மணியளவில் நானாட்டான் பிரதேச வைத்தியசாலைக்கு கொண்டு செல்லப்பட்டு அவசர சிகிச்சை பிரிவில் அனுமதிக்கப்பட்டார்.

இதன் போது குறித்த வைத்திய சாலையின் வைத்தியர் தனது விடுதிக்கு சென்றிருந்தார்.

எனினும் குறித்த வைத்தியர் சிறிது நேரத்தில் வந்து விடுவார் என கூறி சம்பவ நேரம் கடமையில் இருந்த தாதியர் நோயாளியை அவசர சிகிச்சை பிரிவில் அனுமதித்துள்ளார்.

பின்னர் தாதியரினால் நாடித்துடிப்பு அளக்கும் கருவியின் மூலம் நாடித்துடிப்பை அளந்து விட்டு,வைத்தியரிடம் சென்று குறித்த பெண்ணின் நிலை குறித்து கூறிய போதும், குறித்த வைத்தியர் தான் உணவருந்துவதாகவும், உணவருந்தி முடிந்த பின்பே தான் வந்து நோயாளியை பார்ப்பதாகவும் கூறியுள்ளார்.

எனினும் நேரம் மாலை 2.10 மணியாகிய நிலையில் வைத்தியார் வந்து குறித்த குறித்த நோயாளியை பார்க்கவில்லை.இதனால் அச்சமடைந்த உறவினர்கள் உடனடியாக குறித்த வயோதிப பெண் நோயாளியின் நிலை மோசமாக இருந்த நிலையில் குறித்த நோயாளியை மீண்டும் நானாட்டான் பிரதேச வைத்தியசாலையில் இருந்து முச்சக்கர வண்டியில் ஏற்றி மன்னார் பொது வைத்தியசாலைக்கு கொண்டு சென்றனர்.

இதன் போது கூட நானாட்டான் பிரதேச வைத்தியசாலையின் வைத்தியரான சிங்கள வைத்தியர் வந்து நோயாளியை பார்க்கவில்லை என உறவினர்கள் கவலை தெரிவித்துள்ளனர்.

-தற்போது குறித்த வயோதிப பெண் மன்னார் பொது வைத்தியசாலையில் சிகிச்சை பெற்று வருகின்றார்.
நானாட்டான் பிரதேச வைத்தியசாலையில் தொடர்ந்தும் குறித்த சிங்கள வைத்தியரின் தன்னிச்சையான செயற்பாட்டின் காரணமாக இவ்வாறான சம்பவங்கள் நாளாந்தம் நடை பெற்று வருவதாக அப்பகுதி மக்கள் தெரிவிக்கின்றனர்.

நானாட்டான் பிரதேச வைத்தியசாலையில் குறித்த வைத்தியரின் தன்னிச்சையான நடவடிக்கைகளின் காரணமாக மக்கள் தொடர்ந்தும் பாதீக்கப்பட்டு வருவதாகவும்,உயர் அதிகாரிகள் குறிப்பாக மன்னார் மாவட்ட பிராந்திய சுகாதார சேவைகள் பணிப்பாளர் துரித நடவடிக்கைகளை மேற்கொண்டு,நானாட்டான் பிரதேச மக்கள் குறித்த வைத்திய தேவைக்காக எதிர் நோக்கும் அவசர பிரச்சினைக்கு உரிய தீர்வை பெற்றுக்கொடுக்குமாறு அந்த மக்கள் கோரிக்கை விருத்துள்ளனர்.

-இவ்விடையம் தொடர்பாக மன்னார் மாவட்ட பிராந்திய சுகாதார சேவைகள் பணிப்பாளர் வைத்தியர் திருமதி யூட் ரதனி அவர்களை தொடர்பு கொண்டு வினவிய போது,,,

நானாட்டான் பிரதேச வைத்தியசாலையில் பல்வேறு பிரச்சினைகள் உள்ளதாக நான் அறிகின்றேன்.
எனினும் பொது மக்கள் மற்றும் பாதீக்கப்பட்டவர்களினூடாக இது வரை எனக்கு எவ்வித முறைப்பாடுகளும் கிடைக்கப்பெறவில்லை.

முறைப்பாடுகளை மேற்கொள்ளும் வகையில் உடனடியாக துரித நடவடிக்கைகளை மேற்கொள்ள முடியும்.
எனினும் தற்போதைய பிரச்சினை குறித்து உரிய விசாரனைகளை மேற்கொண்டு உரிய நடவடிக்கைகளை மேற்கொள்ளுவேன்.என அவர் மேலும் தெரிவித்தார்.

நமது நிருபர்


மன்னார் முருங்கனில் 264 மில்லியன் ரூபாய் நிதி ஒதுக்கீட்டில் அமைக்கப்பட்ட மன்னார் தானியக் களஞ்சியசாலை-Photoa

மன்னார் முருங்கனில் 264 மில்லியன் ரூபாய் நிதி ஒதுக்கீட்டில் அமைக்கப்பட்ட மன்னார் தானியக் களஞ்சியசாலையை நிதி அமைச்சர் ரவி கருணாநாயக்க வைபவ ரீதியாக திறந்து வைப்பு 

நிதி அமைச்சு மற்றும் உலக வங்கியின் நிதி உதவியுடன் மன்னார் நானாட்டான் பிரதேசச் செயலாளர் பிரிவுக்குற்பட்ட முருங்கன் பகுதியில் அமைக்கப்பட்ட 'மன்னார் தானியக் களஞ்சியசாலை' இன்று வியாழக்கிழமை(26) மாலை வைபவ ரீதியாக திறந்து வைக்கப்பட்டுள்ளது.

இன்று வியாழக்கிழமை மாலை 3.30 மணியளவில் மன்னார் மாவட்ட அரசாங்க அதிபர் எம்.வை.எஸ்.தேசப்பிரியவின் தலைமையில் இடம் பெற்ற குறித்த திறப்பு விழா நிகழ்வின் போது நிதி அமைச்சர் ரவி கருணாநாயக்க,அமைச்சர் றிஸாட் பதியுதீன்,பாராளுமன்ற உறுப்பினர் சாள்ஸ் நிர்மலநாதன் ஆகியோர் இணைந்து குறித்த 'தானியக் களஞ்சியசாலையினை' வைபவ ரீதியாக திறந்து வைத்துள்ளனர்.

நிதி அமைச்சு மற்றும் உலக வங்கி ஆகியவற்றின் நிதிப்பங்களிப்புடன் 264 மில்லியன் ரூபாய் நிதி ஒதுக்கீட்டில் அமைக்கப்பட்ட குறித்த தானியக் களஞ்சியசாலையில் 10 ஆயிரம் மெற்றிக்தொன் தானியத்தை களஞ்சியப்படுத்தும் வசதிகள் மேற்கொள்ளப்பட்டுள்ளது.

இதன் மூலம் மன்னார் விவசாயிகள் தமது உற்பத்திப்பொருட்களான தானியங்களை பாதுகாக்கும் வகையில் குறித்த களஞ்சிய சாiலையில் களஞ்சியப்படுத்தி பாதுகாத்துக்கொள்ள முடியும் என தெரிவிக்கப்பட்டுள்ளது.

-குறித்த நிகழ்வில் சர்வ மதத்தலைவர்கள்,பிரதேசச் செயலாளர்கள் , உதவி அரசாங்க அதிபர்,திணைக்கள தலைவர்கள்,விவசாய அமைப்புக்களின் பிரதி நிதிகள்,அமைச்சின் பிரதி நிதிகள் என பலர் கலந்து கொண்டமை குறிப்பிடத்தக்கது.



மன்னார் நிருபர்-
(26-1-2017)

















கல்விப்பணிமனைகள் கல்வியின் தாய் வீடு - இ. சாள்ஸ் நிர்மலநாதன்

நேற்று 05.01.2017 அன்று மன்னார் கல்வி வலயத்திற்குட்பட்ட நானாட்டான் கோட்டக்கல்விப் பணிமனையின் புதிய

கட்டிட திறப்பு விழாவின் போது பிரதம விருந்தினராக கலந்துகொண்டுரூபவ் கட்டிடத்தை திறந்து வைத்து உரையாற்றுகையில்

கல்விப்பணிமனைகள் கல்வியின் தாய் வீடு என்று கௌரவ பாராளுமன்ற உறுப்பினர் இ. சாள்ஸ் நிர்மலநாதன் அவர்கள்

குறிப்பிட்டார். மேலும் குறிப்பிடுகையில் கல்வியினை ஒவ்வொருவரும் உயர்வாக கற்று ஒழுகுதல் இன்றைய எமது

சமுதாயத்திற்கு அடிப்படைத் தேவையாகவுள்ளது. அதன் பொருட்டு மன்னார் கல்வி வலயமும் அதற்குட்பட்ட கோட்டக்கல்விப்

பணிமனைகளும் தமது கடமைகளை சிறப்பாக செய்துவருவது பாராட்டத்தக்கது. அது போன்று பாடசாலை அதிபர் ஆசிரியர்களும்

மென்மேலும் தமது பணிகளை சிறப்பாக ஆற்றி மாணவர்களின் கல்வியில் உயர்வடைவதற்கு வழிகோல வேண்டும் என்றும்

கல்விப் பணிமனைகள் யாவும் ஒவ்வொரு தாய் வீடுகளாகவும் மாற்றங்கொள்ள வேண்டும் என்றும் குறிப்பிட்டார்.

மேலும் இந் நிகழ்வானது கோட்டக்கல்விப்பணிப்பாளர் தி. ஜெகநாதன் தலைமையில் இந் நிகழ்வு காலை 11.00 மணிக்கு

நடைபெற்றது. இந் நிகழ்வில் மன்னார் கல்வி வலயப்பணிப்பாளர் திருமதி சுகந்தி மற்றும் பாடசாலை அதிபர்கள்

மற்றும் கோட்டக்கல்விப் பணிப்பாளர்கள் கலந்து கொண்டனர்.


மன்னார் முருங்கனில் அமைக்கப்பட்ட நீர்ப்பாசன திணைக்களம் நீர்ப்பாசனம் மற்றும் நீர் வளங்கள் முகாமைத்துவ அமைச்சர் காமினி விஜித் முனி சொய்சா தலைமையில் திறந்து வைப்பு.📷

மன்னார் முருங்கனில் புதிதாக அமைக்கப்பட்ட நீர்ப்பாசன திணைக்களம் இன்று சனிக்கிழமை(17) காலை நீர்ப்பாசனம் மற்றும் நீர் வளங்கள் முகாமைத்துவ அமைச்சர் காமினி விஜித் முனி சொய்சா அவர்களினால் வைபவ ரீதியாக திறந்து வைக்கப்பட்டுள்ளது.

நீர்ப்பாசனப் பணிப்பாளர் நாயகம் எஸ்.எல்.வீரசிங்கம் அவர்களின் அழைப்பிற்கினங்க,நீர்ப்பாசனம் மற்றும் நீர்வளங்கள் முகாமைத்துவ அமைச்சின் செயலாளர் ஆர்.எம்.டப்ளியு.ரத்நாயக்கா அவர்களின் பங்களிப்புடன் குறித்த நீர்ப்பாசன திணைக்களம் இன்று(17) வைபவ ரீதியாக திறந்து வைக்கப்பட்டுள்ளது.

இதன் போது நீர்ப்பாசனம் மற்றும் நீர் வளங்கள் முகாமைத்துவ அமைச்சர் காமினி விஜித் முனி சொய்சா அவர்களுடன் அமைச்சர் றிஸாட் பதியுதீன்,வன்னிமாவட்ட பாராளுமன்ற உறுப்பினர் சாள்ஸ் நிர்மலநாதன்,வடமாகாண சபை உறப்பினர் றிப்கான் பதியுதீன் ஆகியோர் இணைந்து வைபவ ரீதியாக திறந்து வைத்தனர்.

முருங்கனில் அமைக்கப்பட்டு திறக்கப்பட்ட குறித்த நீர்ப்பாசனத்திணைக்களமானது முருங்கன் நீர்ப்பாசனப் பணிப்பாளர் அலுவலகமாகவும்,பிரதேச நீர்ப்பாசனப் பொறியியலாளர் அலுவலகமாகவும் செயற்படும்.


குறித்த நிகழ்வில் திணைக்கள அதிகாரிகள் விவசாய திணைக்கள பிரதி நிதிகள்,விவசாய அமைப்புக்களின் பிரதி நிதிகள்,கட்டுக்கரை குளம் திட்ட முகாமைத்துவ குழு பிரதி நிதிகள் உற்பட பலர் கலந்து கொண்டனர்.குறித்த அலுவலகம் திறந்து வைக்கப்பட்டதன் பின்னர் விவசாயிகள் எதிர் நோக்கும் பிரச்சினைகள் குறித்து கலந்துரையாடப்பட்டது.

-இதன் போது கலந்து கொண்ட விவசாய அமைப்பின் பிரதி நிதிகள் விவசாயிகள் எதிர் நோக்கும் பல்வேறு பிரச்சினைகள் குறித்து அமைச்சரின் கவனத்திற்குகொண்டு சென்றனர்.

-மன்னார் நிருபர்-
(17-12-2016)













📷நானாட்டான் சுகாதார வைத்திய அரிகாரி பிரிவில் உள்ள வர்த்தக நிலையங்கள் சோதனை- 17 வர்த்தகர்களுக்கு எதிராக வழக்குத்தாக்கல்.

உணவு பாதுகாப்பு வாரத்தை முன்னிட்டு நானாட்டான் சுகாதார வைத்திய அதிகாரி பிரிவில் உள்ள வங்காலை, நானாட்டான் மற்றும் முருங்கன் பொது சுகாதார பரிசோதகர் பகுதிகளில் விசேட உணவு பாதுகாப்பு பரிசோதனை அப்பகுதிகளில் உள்ள உணவு விற்பனை நிலையங்களில் நேற்று புதன் கிழமை(7) பொது சுகாதார பரிசோதகர்களினால் மேற்கொள்ளப்பட்டது.

குறித்த பரிசோதனையின் போது காலாவதியான பொருட்கள் விற்பனை செய்தல், பிழையான சுட்டுத்துண்டிடல் மற்றும் சுகாதாரமற்ற முறையில் உணவு தயாரித்தமை போன்ற குற்றங்களின் கீழ் 17 விற்பனை நிலைய உரிமையாளர்கள் இனம் காணப்பட்ட நிலையில் அவர்களுக்கு எதிராக மன்னார் நீதிமன்றத்தில் வழக்கு தாக்கல் செய்யப்பட்டது.

இந் நடவடிக்கையானது மேற்ப்பார்வை பொது சுகாதார பரிசோதகர் வின்சன் தலைமையில் வா.ஜெயச்சந்திரன், த.கஜேந்திரன் மற்றும் யே.பாரத்தீபன் ஆகிய பொது சுகாதார பரிசோதகர்களினால் மேற்க்கொள்ளப்பட்டமை குறிப்பிடத்தக்கது.

-மன்னார் நிருபர்-
(08-12-2016)


நானாட்டான் பாடசாலை மாணவர்கள்…. நான்கு மணிநேரத்தில் திரட்டிய 183000 ரூபாவுக்கு நடந்தது என்ன விபரம் உள்ளே.....


 நானாட்டான் பாடசாலை மாணவர்கள்…. நான்கு மணிநேரத்தில் திரட்டிய 183000 ரூபாவுக்கு   நடந்தது என்ன விபரம்...  

 



































மேலதிக தகவலை அறிய இங்கே
http://www.newmannar.com/2016/05/183000.html

Photos