சர்வதேச விண்வெளி நிலையத்தில் பணிபுரிந்த ரோபோவிற்கு ஓய்வு -

விண்வெளியில் காணப்படும் சர்வதேச விண்வெளி நிலையத்தில் பணியாற்றுவதற்கு ரோபோ ஒன்றினை நாசா நிறுவனம் அனுப்பிவைத்திருந்தது.

கடந்த 2011ம் ஆண்டு அனுப்பி வைக்கப்பட்டிருந்த குறித்த ரோபோ தற்போது பல்வேறு கோளாறுகளுக்கு உள்ளாகியுள்ளது.
இதன் காரணமாக அதனை பணியில் இருந்து நீக்குவதற்கு நாசா தீர்மானித்துள்ளது.

குறித்த ரோபோவின் வயர் இணைப்புக்கள் ஆரம்பத்தில் பழுதடைந்திருந்த வேளை அவை சரிசெய்யப்பட்டன.
எனினும் அதன் பின்னர் ரோபோவின் கால்கள் செயலிழந்ததுடன், பொருத்தப்பட்டிருந்த சென்சார்களும் செயலிழக்க ஆரம்பித்துள்ளன.
இதன் பின்னரே குறித்த ரோபோவினை பணி நீக்கம் செய்ய நாசா தீர்மானித்துள்ளது.