கொரோனா நோயாளிகளுடன் இடிந்து விழுந்த கட்டிடம்-70 பேர் சிக்கித்தவிப்பு..!

சீனாவில் கொரோனா நோயாளிகள் தனிமைப்படுத்தப்பட்டிருந்த ஹோட்டல் ஒன்று இடிந்து விழுந்ததில் 70 நோயாளில் இடர்பாடுகளில் சிக்கியிருப்பதாக செய்தி வெளியாகியுள்ளது.

சீனாவின் கிழக்கு புஜியான் மாகாணத்தில் குவான்ஜோ நகரில் உள்ள சின்ஜியா ஹோட்டல், கொரோனா வைரஸ் நோயாளிகளுடன் தொடர்பு கொண்டிருந்த நபர்களை தனிமைப்படுத்துவதற்காக பயன்படுத்தப்பட்டு வந்தது.
இந்த நிலையில் உள்ளூர் நேரப்படி, இரவு 7.30 மணியளவில் இடிந்து விழுந்துள்ளது. இரவு 9 மணியளவில் சுமார் 23 பேர் மீட்கப்பட்டதாக உள்ளூராட்சி அறிக்கையில் தெரிவித்துள்ளது.

கட்டிட இடர்பாடுகளில் சுமார் 70 பேர் சிக்கியிருப்பதாகவும், மீட்பு பணிகள் தொடர்ந்து நடைபெற்று வருவதாகவும் செய்திகள் தெரிவிக்கின்றன.