Slider

காணொளிகள்

மன்னார் செய்திகள்

விம்பம்

உள்நாட்டு செய்திகள்

சர்வதேச செய்திகள்

பல்சுவை

School events

மருத்துவம்

புகைப்படத்தளம்

கட்டுரைகள்

சினிமா

-

சம்பந்தனை கோபமடையச் செய்த அமைச்சர்! சபையில் ரணில் முன்னிலையில் வாக்கு வாதம்....


எதிர்க் கட்சித் தலைவர் இராஜவரோதயம் சம்பந்தனை அமைச்சர் நிமல் சிறிபால டி சில்வா கடும் கோபமடைய வைத்துள்ளார் என சம்பந்தனை மேற்கோள்காட்டி செய்திகள் வெளியாகியுள்ளன.

கடந்த இரண்டு நாட்களுக்கு முன்னர் அரசியலமைப்பு மீளமைப்புக்கான அனைத்துக் கட்சிக் கூட்டம் நடைபெற்றது. இந்தக் கூட்டத்தில் தான் மேற்படி சம்பவம் நிகழ்ந்துள்ளதாக தெரியவந்துள்ளது.

இனப் பிரச்சினைக்கு தீர்வு காணும் முகமாக மேற்கொள்ளப்படும் புதிய அரசியலமைப்பு வரைவில் unitary என்ற ஆங்கிலச் சொல்லுடன், அகீயா என்ற சிங்களப் பதமும் சேர்த்துக் கொள்ளப்பட வேண்டும் என எதிர்க் கட்சித் தலைவர் சம்பந்தன் வலியுறுத்திக் கேட்டுக் கொண்டார்.

ஆனால், எதிர்க் கட்சித் தலைவர் சொல்வது போன்று அவ்வாறு அமைப்பது யதார்த்த்தம் அல்ல என்று பதில் அளித்துள்ளார். இந்தப் பதில் சம்பந்தனை கடுமையாக கோபமடைய வைத்தாகவும், இதனால் அமைச்சருக்கும் சம்பந்தனுக்கும் இடையில் கடும் வாக்குவாதம் ஏற்பட்டதாகவும் குறிப்பிடப்பட்டுள்ளது.

இதேவேளை, சொற்களுக்கு சண்டையிடாமல் இன்றைய கால கட்டத்தில் அரசியலமைப்பு நகர்வினை வெற்றிகரமாக மேற்கொண்டு செல்வதே சிறப்பான செயல் என்றும் நிமல் சிறிபால டி சில்வா தெரிவித்துள்ளார்.

எனினும், அரசியலமைப்பினை மாற்றும் செயல் திட்டத்தினை அனைத்துலக சமூகம் ஆர்வத்துடன் பார்த்துக் கொண்டிருப்பதாக எதிர்க் கட்சித் தலைவர் சம்பந்தன் தெரிவிக்க, அதற்கு நிமல் சிறிபால டி சில்வா, அனைத்துலக சமூகத்தின் விருப்பத்துக்கேற்றவாறு செயற்படுவதற்கு தாம் ஆணை பெற்றிருக்கவில்லை என்று திருப்பி பதில் அளித்தார்.

இந்தப் பதிலால் மேலும் அவையில் கடும் வாக்குவாதங்கள் இடம்பெற்றதாக குறிப்பிடப்படுகிறது.

இதேவேளை, அரசியலமைப்பு மீளமைப்புக்கான அனைத்துக் கட்சிக் கூட்டத்தில் பிரதமர் ரணில் விக்ரமசிங்கவும் கலந்து கொண்டிருந்தமை குறிப்பிடத்தக்கது.

தவறான சிந்தனையை மாற்றினால் இனப்பிரச்சினைக்கு தீர்வு காணலாம் - விக்கி


இனங்களுக்கு இடையில் காணப்படும் தவறான சிந்தனைகளை மாற்றினால் தேசிய இனப்பிரச்சினைக்கு தீர்வு காண முடியும் என வடமாகாண முதலமைச்சர் சி.வி. விக்னேஸ்வரன் தெரிவித்துள்ளார்.
இனங்களுக்கு இடையே காணப்படும் வேற்றுமை உணர்வுகளும், சச்சரவுகளும் அரசியல்வாதிகளாலும் பிற்போக்கு சிந்தனையாளர்களாலும் விதைக்கப்பட்ட ஒரு நச்சு விதையெனவும் அவர் குற்றம் சுமத்தியுள்ளார்.

யாழ்ப்பாணம் வல்வெட்டித்துறையில் இருந்து பாக்கு நீரிணை வழியாக இந்தியாவின் கோடிக் கரையை கடந்து கின்னஸ் சாதனை படைத்த ஆழிக்குமரன் ஆனந்தனின் நினைவாக யாழ்ப்பாணம் வல்வெட்டித்துறை ரேவடி கடற்கரையில் நீச்சல் தடாகம் ஒன்று நிர்மாணிக்கப்படவுள்ளதுஇந்த நீச்சல் தடாகத்திற்கான அடிக்கல் நாட்டு விழா நேற்று நிதி மற்றும் ஊடகத்துறை அமைச்சர் மங்கள சமரவீர தலைமையில் இடம்பெற்றது.

குறித்த நிகழ்வில் கலந்து கொண்டு உரையாற்றிய வட மாகாண முதலமைச்சர் சி.வி.விக்னேஸ்வரன், இனங்களுக்கு இடையில் காணப்படும் வேற்றுமை உணர்வினை இல்லாதொழிப்பதற்கு அரசாங்கம் முன்வர வேண்டும் என வலியுறுத்தியுள்ளார்.
அவர் மேலும் கூறுகையில்,

வல்வெட்டித்துறையைச் சேர்ந்த குமாரசாமி விவேகானந்தனுக்கும் இராஜரத்தினம் மாள் விவேகானந்தனுக்கும் சிரேஷ்ட புதல்வனாக 1943-ம் ஆண்டில் வல்வெட்டித்துறை மாநகரில் அவதரித்த ஆனந்தன் அவர்கள் சிறுவயதில் இருந்தே எந்தவொரு காரியத்தை முன்னெடுத்தாலும் அதில் வெற்றிபெற வேண்டும் அதன் மூலம் சாதனைகள் படைக்க வேண்டும் என்ற இலட்சியத்துடன் செயற்பட்டார்.
கின்னஸ் புத்தகத்தில் குறைந்தது பத்து பதிவுகளையாவது உட்புகுத்த வேண்டும் என்பது அவரின் இளவயது கனவாக இருந்தது. 

இவர் சிறுவயதில் இருந்தே கடலில் நீச்சல் அடிப்பதில் வல்லவராக இருந்தார்.அத்துடன் கல்வியிலும் சிறப்புறப்பயின்று இலண்டன் பல்கலைக்கழகத்தில் விஞ்ஞான இளமாணிப் பட்டம் பெற்று அதன்பின்னர் பேராதனைப் பல்கலைக்கழகத்தில் சட்ட இளமாணிப்பட்டம் பெற்று சட்டத்தரணியாக சித்திபெற்று சிறிது காலம் சட்டத்தரணியாக பணியாற்றிய போதும் அத்துறையில் நாட்டம் இல்லாத காரணத்தினால் அதனைக் கைவிட்டுவிட்டு வணிகத்துறையில் கால் பதித்தார்.

1971-ல் வல்வெட்டித்துறையில் இருந்து பாக்கு நீரிணை வழியாக இந்தியாவில் இருக்கும் கோடிக்கரை எனும் ஊரிற்கு அவர்நீந்திக் கரை சேர்ந்தார். இவருக்கு முன் இதே ரேவடி கடற்கரையில் இருந்து 1954-ம் ஆண்டில் அமரர் நவரத்தினசுவாமி அவர்கள் பாக்கு நீரிணையை முதன் முதலாக நீந்திக் கடந்து சாதனை படைத்திருந்தார்.

ஆழிக்குமரன் ஆனந்தன் அவர்கள் 20 இற்கும் மேற்பட்ட சாதனைகளை புரிந்த போதும் அவற்றில் 07 சாதனைகள் மட்டுமே கின்னஸ் புத்தகத்தில் பதிவு செய்யப்பட்டது. எனினும் முதலாவது சாதனையாக 1963ல் வல்வெட்டித்துறையில் இருந்து கோடிக்கரை வரை நீந்திக்கடந்த சாதனை கின்னஸ் புத்தகத்தில் இடம்பெறவில்லை எனவும் அவர் தெரிவித்தார். 



இலங்கை யாருடைய தேசம்! ”இலங்கையில் சிங்களவர்“ நூல் கூறும் செய்தி என்ன?


இலங்கை யாருடைய தேசம்? சிங்களவருடையதா? தமிழருடையதா? இந்தக் கேள்விகள்தான் அரை நூற்றாண்டு காலத் தமிழினப் படுகொலைகளுக்குக் காரணம்.

சிங்களவருடையது தான்’ என்றோ, ‘தமிழருடையது தான்’ என்றோ இறுதியாகவும் உறுதியாகவும் சொல்லிவிட முடியாது என்பதையே இவர் திரட்டியிருக்கும் பல்வேறு ஆதாரங்கள் நிரூபிக்கின்றன.

சிங்களவர்கள் இந்திய இனத் தொடர்ச்சி கொண்டவர்கள் என்பது பலரும் அறிந்ததே.

ஆனால், ‘மரபணு ரீதியான நெருக்கம் தமிழர்களுடன்தான் அதிகம்’ என்றும், ‘அவர்கள் தென்னிந்தியப் பண்பாட்டு நீட்சி கொண்டவர்கள்’ என்றும் பக்தவத்சல பாரதி சொல்கிறார்.

தமிழகம் போற்றிப் பாதுகாக்க வேண்டிய மானுடவியல் அறிஞர் பக்தவத்சல பாரதி. புதுச்சேரி மொழியியல் பண்பாட்டு ஆராய்ச்சி நிறுவனத்தின் மானுடவியல் துறையில் இருக்கிறார்.

தமிழர் மானுடவியல், திராவிட மானுடவியல், தமிழகத்தில் நாடோடிகள் எனப் பல செறிவான ஆய்வுகளைச் செய்து புத்தகங்களாக ஆக்கியவர்.

இதன் மூலமாகத் தென்னிந்தியப் பண்பாட்டை மீட்டெடுக்கும் செயலை விரிவாகச் செய்து வருபவர் பக்தவத்சல பாரதி.

அவரது அடுத்த படைப்புதான், ‘இலங்கையில் சிங்களவர்’. ‘இந்திய இனத் தொடர்ச்சியும் தென்னிந்தியப் பண்பாட்டு நீட்சியும்’ என்ற துணைத் தலைப்பில் இது வெளியிடப்பட்டுள்ளது.

நம்முடைய கண்ணகி, சிங்களவர்களுக்குப் பத்தினி தெய்யோ.

நம்முடைய முருகன், சிங்களவர்களுக்கு கதரகமத் தெய்யோ.


இதைச் சொல்லும் இவர், திராவிட உறவு முறைகள், தென்னிந்திய மரபுகள், இந்தியச் சாதி முறைகள், ஆரிய மண முறைகள், தமிழ்ப் பெளத்தம், சிங்களப் பெளத்தம், தமிழ் மரபு, சிங்கள இனம்... ஆகியவற்றின் வழியாக தன்னுடைய ஆய்வை மேற்கொள்கிறார்.

சிங்களவருக்கும் தமிழருக்கும் நடந்த பண்பாட்டு உரையாடலை விளக்குகிறார்.

உண்மையில் சிங்களவர்கள் தென்னாசியச் சூழலில் மிகவும் வித்தியாசமானவர்கள். இவர்கள் இனத்துவத்தால் சிங்களவர்கள். மொழியால் இந்தோ ஆரிய மொழி பேசுபவர்கள்.

மதத்தால் பெளத்தர்கள். பண்பாட்டால் தென்னிந்தியர்கள் என்று சொல்கிறார் பக்தவத்சல பாரதி.

இறுதியாகக் கூறப்பட்ட கருத்து பலருக்குப் புதிராக இருக்கக் கூடும் என்பதும் அவரது எதிர்பார்ப்பு.

சிங்களவர்கள் தென்னிந்தியா வழியாகக் கடந்து இலங்கையில் குடியேறியது ஒருநாளில் நடந்தது அல்ல, அது ஒரு நீண்ட கால கட்டம்’ என்றும் சொல்கிறார்.

இன்றைய சிங்கள இன வாதமும் மானுடவியல் கோட் பாடுகளும் வேறுவேறாக இருக்கின்றன. இது சிங்களவர்கள் மட்டுமல்ல, தமிழர்களும் அதிர்ச்சியுடன் நோக்கும் புத்தகமாக இருக்கிறது.

நல்லாட்சியில் வடக்கு, கிழக்கில் 5000 ஏக்கர் காணிகள் விடுவிப்பு: 3 ஆயிரம் ஏக்கரை விடுவிக்க நடவடிக்கை என்கிறது அரசு


நல்லாட்சி அரசு ஆட்சிக்கு வந்த பின்னர் வடக்கு, கிழக்கு மாகாணங்களில் 5ஆயிரம் ஏக்கர் காணிகளை விடுவித்துள்ளதாகவும், மேலும் 3ஆயிரம் ஏக்கர் காணி விடுவிக்க நடவடிக்கை எடுத்துள்ளது எனவும் சபை உயர்கல்வி அமைச்சர் லக்ஷ்மன் கிரியெல்ல தெரிவித்துள்ளார்.

நாடாளுமன்றத்தில் நேற்று கேள்வி நேரத்தின்போது திருகோணமலை மாவட்டத்தில் உள்ள காணிப் பிரச்சினைகள் குறித்து காணி அமைச்சரிடம் எழுப்பப்பட்ட கேள்விக்கு அமைச்சர் கயந்த கருணாதிலக பதில் அளித்தார்.

பின்னர், காணிப்பிரச்சினை குறித்து மேலும் விளக்கமளிக்கும்போதே அமைச்சர் லக்ஷ்மன் கிரியெல்ல மேற்கண்டவாறு கூறியுள்ளார்.

திருகோணமலை மாவட்ட காணிப் பிரச்சினை தொடர்பில் விளக்கமளித்த அமைச்சர் கயந்த கருணாதிலக, "திருகோணமலை மாவட்டத்தில் புலியங்குளம் கிராம சேவகர் பிரிவிலுள்ள செல்வநாயபுறம், ஆனந்தபுரி, தேவநகர், நித்தியபுரி, லிங்க நகர் ஆகிய பிரதேசங்களில் வாழ்கின்ற மக்களுக்கு காணி வழங்குவதற்கான நடவடிக்கை முன்னெடுக்கப்படுகின்றது.

2017 பெப்ரவரி 26ஆம் திகதி செல்வநாயக புறத்தில் காணிக்கச்சேரியொன்றை நடத்தியிருந்தோம்.

அதில் 46 பேர் கலந்துகொண்டதுடன், காணிகளுக்கான அனுமதியைப் பெற்றுக்கொள்ள மாகாண காணி ஆணையாளருக்கு ஆவணம் சமர்ப்பிக்கப்பட்டுள்ளது.

ஆனந்தபுரி கிராமத்தில் 55 ஏக்கர் காணியும், நித்தியபுரி கிராமத்தில் 35 ஏக்கர் காணியும் அபகரிக்கப்படவுள்ளது. அதற்கான கட்டளைகளை முறையே காணி அபகரிப்புச் சட்டத்தின் 4ஆம், 2ஆம் உரிப்புரைகளுக்கு அமைய பிரதேச செயலாளர்களுக்கு அனுப்பி வைத்துள்ளோம்.

அதுதவிர, தேவநகர், நல்லூர் ஆகியவற்றுக்கு எதிர்காலத்தில் காணிக் கச்சேரிகளை நடத்தி அப்பிரதேச மக்களுக்கு காணி உறுதிப்பத்திரங்களை வழங்க நாங்கள் தீர்மானித்துள்ளோம்.

அதுதவிர, நாளை (இன்று) நான் காணி அமைச்சராகக் கடமை ஏற்கவுள்ளேன். பின்னர், ஜனாதிபதி மற்றும் பிரதமர் ஆகியோரது ஆலோசனைக்கு அமைய எமது தேர்தல் வாக்குறுதியில் குறிப்பிடப்பட்டிருந்த இலட்சக்கணக்கானவர்களுக்கு காணி உறுதிப்பத்திரம் வழங்கும் தேசிய செயற்திட்டத்தை விரைவில் அமுல்படுத்த நடவடிக்கை எடுப்பேன்" எனவும் குறிப்பிட்டுள்ளார்.

பின்னர் கருத்துத் தெரிவித்த சபை முதல்வரும் அமைச்சருமான லக்ஷ்மன் கிரியெல்ல, "அமைச்சர் சுவாமிநாதனிடம் பெற்றுக்கொள்ளப்பட்ட தகவல்களுக்கு அமைய நல்லாட்சி அரசு ஆட்சிக்கு வந்த பின்னர் 5 ஆயிரம் ஏக்கர் காணிகள் விடுவிக்கப்பட்டுள்ளன.

மேலும், 3 ஆயிரம் ஏக்கர் காணிகளை விடுவிக்க நடவடிக்கை எடுக்கப்பட்டுள்ளது. எந்த நாளும் இது தொடர்பில் கேள்வி எழுப்புவது எமக்குப் பிரச்சினை இல்லை எனவும் உயர்கல்வி அமைச்சர் லக்ஷ்மன் கிரியெல்ல தெரிவித்துள்ளார்.

தமிழர்கள் புலிக்கொடி ஏற்றுவதில் தவறில்லை! மௌனமான பாராளுமன்றம்....


சிங்கக்கொடியில் தமிழ் மற்றும் முஸ்லிம் இனங்களைக் குறிக்கும் அடையாளங்கள் அகற்றப்பட்டதைப் போல, புலிக்கொடிகளில் விடுதலைப்புலிகள் என்ற வாசகத்தை நீக்கிவிட்டு புலிக்கொடியை பறக்க விடுவதில் என்ன தவறு? என கூட்டமைப்பின் நாடாளுமன்ற உறுப்பினர் சி.சிறீதரன் கேள்வி எழுப்பியுள்ளார்.

நாடாளுமன்றில் நேற்று இடம்பெற்ற அமர்வின்போதே இந்த கேள்வியை எழுப்பியுள்ளார். தொடர்ந்து தெரிவிக்கையில்,

கடந்த வாரம் கிளிநொச்சியில் பிரதான வீதியில் உள்ள மின்கம்பங்களில் சிங்கக்கொடிகள் பறக்கவிடப்பட்டிருந்தன.

சிங்கக்கொடிகள் பறக்க விடுவதற்கு நாம் எதிரானவர்கள் அல்ல. ஆனால் அவர்கள் பறக்கவிட்ட சிங்கக்கொடியில் தமிழ் மற்றும் முஸ்லிம் இனங்களைக் குறிக்கும் அடையாளங்கள் இருக்கவில்லை.

சிறுபான்மையினரை விலக்கிவிட்டு தனி பெரும்பான்மையை குறிக்கும் கொடியே பறக்கவிடப்பட்டது. இதை கிளிநொச்சி பொலிஸாரும் வேடிக்கை பார்த்துக்கொண்டு இருந்தனர்.

இவ்வாறு இந்த நாட்டில் தமிழ் மற்றும் முஸ்லிம் இனங்களை புறக்கணித்து பிரிவினையை மையமாக வைத்த சில செயற்பாடுகள் முன்னெடுக்கப்படுகின்றன.

இவ்வாறு சிலர் செயற்படும் போது, தமிழர்களும் புலிக்கொடிகளில் விடுதலைப்புலிகள் என்ற வாசகத்தை நீக்கிவிட்டு ஏற்றுவதில் என்ன தவறு இருக்கின்றது என கேள்வி எழுப்பியிருந்தார்.

இவ்வாறான செயற்பாடுகளை தடுக்காமலும், தமிழ் மக்களுக்கான சமத்துவம் வழங்கப்படாத நிலையிலும் எவ்வாறு ஏனைய விடயங்களை நாம் எதிர்பார்க்க முடியும் எனவும் நாடாளுமன்றில் சி.சிறீதரன் தெரிவித்திருந்தார்.

வழமையாக இவ்வாறான கருத்துக்கள் முன்வைக்கப்படுகின்ற போது பாராளுமன்றத்தில் கூச்சல்கள் மற்றும் குழப்பங்கள் எழுப்பப்படுகின்ற நிலையில், நேற்று முன்தினம் பாராளுமன்ற உறுப்பினர் சி.சிறீதரன் அழுத்தமாக இந்த கருத்தை முன்வைத்த போது சபை அமைதியாக இருந்தமை குறிப்பிடத்தக்கது.

தீர்வைப் பெற முடியாத த.தே.கூ; சுமந்திரனின் செயலுக்கு கஜேந்திரகுமார் கண்டனம்....


பாதிக்கப்பட்ட மக்களுக்கு எந்த வொரு தீர்வையும் பெற்றுக் கொடுக்க முடியாத கூட்டமைப்பின் நாடா ளுமன்ற உறுப்பினர் எம்.ஏ.சுமந்திரன், அண்மையில் யாழ். வந்த பிரதமர் ரணில் விக்கிரமசிங்கவை தனது இல்லத்திற்கு அழைத்துச் சென்று சொந்தம் கொண்டாடியிருப்பது கண்டிக்கப்பட வேண்டிய விடயம் என தமிழ்த் தேசிய மக்கள் முன்னணியின் தலைவர் கஜேந்திரகுமார் பொன்னம்பலம் தெரிவித்துள்ளார்.

யாழ்ப்பாணத்தில் நேற்று நடைபெற்ற ஊடகவியலாளர் சந்திப்பில் கலந்து கொண்டு உரையாற்றும் போதே அவர் இவ்வாறு தெரிவித்துள்ளார்.
அங்கு அவர் மேலும் தெரிவிக்கையில்,

கூட்டமைப்பினர் பொய்களைக் கூறி எமது மக்களுக்குத் தேர்தல் காலங்களில் பொய்யான வாக்குறுதிகளை வழங்கி, அவர்களை நம்ப வைத்த காரணத்தால் இன்று அவர்கள் நடுத்தெருவில் நின்று நீதிகோரி போராடும் அவல நிலைக்குத் தள்ளப்பட்டுள்ளனர்.

வடக்கில் வேலையற்ற பட்டதாரிகள் கடந்த இரண்டு வருடங்களுக்கும் மேலாகப் போராடிக் கொண்டிருக்கிறார்கள். கிழக்கிலும் வேலையற்ற பட்டதாரிகள் தொடர் போராட்டங்களை மேற்கொண்டு வருகிறார்கள். காணாமல் ஆக்கப்பட்டவர்களின் உறவுகள் ஒவ்வொரு மாவட்டத்திலும் போராட்டங்களை முன்னெடுத்துள்ளனர்.

எமது மக்களின் பூர்வீக காணிகளை ஆக்கிரமித்து இராணுவம் அந்தக் காணிகளில் சொகுசு வாழ்க்கை வாழ் ந்து வரும் நிலையில் காணிகளின் சொந்தக்காரர்கள் இடம்பெயர்ந்து தற்காலிக குடிசைகளிலும், நலன்புரி முகாம்களிலும் வாழ்ந்து வரும் நிலையில் அந்த மக்களும் தொடர்ச் சியாக இரண்டு மாதங்களுக்கு மேலாகப் போராடி வருகிறார்கள்.

அது மாத்திரமல்லாமல் தமிழ் பேசும் மக்களாகிய முஸ்லிம் மக்கள் இனவாதிகளால் தாக்குதலுக்குள்ளாகி வருகிறார்கள். இவ்வாறான சூழலில்தான் த.தே.கூ பாராளுமன்ற உறுப்பினர் சுமந்திரன் பிரதமரைத் தனது இல்லத்திற்கு அழைத்துச் சென்றுள்ளார். முன்னாள் ஜனாதிபதி மகிந்த ராஜபக்ஷவின் ஆட்சிகாலத்தில் எமது மக்கள் முகம் கொடுத்து வரும் பிரச்சினைகளுக்குத் தீர்வு பெற்றுத் தருவதாக கூறித்தான் சம்பந்தன் மற்றும் சுமந்திரன் தலைமையிலான த.தே.கூட்டமை ப்பு தற்போதைய அரசாங்கத்திற்கு நிபந்த னையில்லாத ஆதரவை வழங்கினர்.

இவ்வாறான ஆதரவு மூலம் தமிழ் மக்கள் முகம் கொடுத்து வரும் அனைத்துப் பிரச்சினைகளும் தீர்க்கப்படும் என அவர்கள் அப்போது தெரிவித்திருந்தனர். கடந்த 2015 ஆம் ஆண்டு மே மாதம் 06ஆம் திகதி நல்லூர் யூரோவில் மாநாட்டு மண்டபத்தில் இடம் பெற்ற பகிரங்க விவாதமொன்றில் ஆட்சி மாற்றம் ஏற்பட்டவுடன் அனைத்து தமிழ் அரசியல் கைதிகளும் விடுவிக்கப்படுவர் எனவும், அதற்கான வாக்குறுதி தங்களுக்குக் கிடைத்திருப்பதாகவும் சுமந்திரன் குறிப்பிட்டிருந்தார்.

ஆனால், இன்றுவரை தமிழ் அரசியல் கைதிகள் விடுதலை செய்யப்படவில்லை. எமது மக்களுக்கான பொறுப்புக்கூறலிலிருந்து த.தே. கூட்டமைப்பினர் தப்பித்துவிட முடியாது எனவும் அவர் தெரிவித்தார். மேலும், த.தே.கூட்டமைப்பினரின் ஏமாற்று வேலைகளுக்கு இனியும் எமது மக்கள் துணைபோக மாட்டார்கள் என்பது எங்களின் அசைக்க முடியாத நம்பிக்கை எனவும் கஜேந்திரகுமார் பொன்னம்பலம் தனது உரையில் குறிப்பிட்டுள்ளார்.  

இலங்கை மீதான சர்வதேச விசாரணைக்கு காலம் தாழ்த்துவது ஏன்?- சீமான் ஆவேசம்...


தமிழர்களை கொன்ற தமிழர்களை கொன்ற இலங்கை அரசு மீது சுதந்திரமான சர்வதேச விசாரணை வைக்க வேண்டும் என்று நாம் தமிழர் கட்சியின் தலைமை ஒருங்கிணைப்பாளர் சீமான் கோரியுள்ளார்.

ஈழத்துப் போரில் பலியானவர்களை நினைவு கூரும் வகையில் முள்ளிவாய்க்கால் தினம் மே 18ம் தேதி அன்று பாம்பனில் நாம் தமிழர் கட்சி சார்பில் அனுசரிக்கப்பட்டது.

இன எழுச்சிப் பொதுக் கூட்டமாக அறிவிக்கப்பட்ட இந்த நிகழ்வில், தலைமை ஒருங்கிணைப்பாளர் சீமான், இலங்கையில் லட்சக் கணக்கான தமிழர்கள் கொல்லப்பட்டது தொடர்பாக சுதந்திரமான சர்வதேச விசாரணை வேண்டும் என்று கூறினார்.

மேலும் அவர் பேசியதாவது:

தமிழ் தேசிய இனத்தின் துயர நாளாக மே 18 திகழ்கிறது. 8 வருடங்களுக்கு முன்னர், இதே நாளில்தான் தன் சொந்த இனம் அழிவதைக் கண் முன்னே காண நேர்ந்த துயரம் நடைபெற்றது.

தமிழீழ மண்ணில் இனப்படுகொலை நிகழ்த்த ஆயுதங்களை, போர் ஆலோசனைகளை வாரி வழங்கி, பொருளாதாரப் பலம் அளித்து நமது இனத்தை அழித்த கொடூரம் இதே நாளில் நடந்து முடிந்துள்ளது. நாம் உயிருள்ள வரை மறக்க முடியாத, மறக்கக்கூடாத துயர நினைவுகள் இதுவாகும்.

எங்கெல்லாம் நீதி கிடைக்க வழி உண்டோ, அங்கெல்லாம் நின்று கண்ணீர் விட்டு கதறி பார்த்தும் நம்மினத்திற்கான நீதி இதுநாள் வரை வழங்கப்பட வில்லை.

இந்த இனப்படுகொலைகளுக்குப் பிறகும் கூட ஒரு பொது வாக்கெடுப்பின் மூலம் தமிழீழ மண்ணில் வாழும் தமிழர்களுக்கு, மற்ற மேலை நாடுகளில் நடப்பது போலச் சுயநிர்ணய உரிமை வழங்கப்படவில்லை.

இவ்வளவு பெரிய அளவில் தமிழர்கள் கொன்று குவிக்கப்பட்டுள்ளார். ஏன் இதுவரை சர்வ தேச விசாரணை நடத்தப்படவில்லை.

இதுகுறித்து சுதந்திரமான சர்வதேச விசாரணை நடத்தப்பட வேண்டும். அதில் இலங்கை அரசை தண்டிக்கப்பட வேண்டும்.

இதே போன்றே தமிழகத்திலும் பல பிரச்சனைகள் இருந்து வருகின்றன.

கச்சதீவு மீட்பது என்பது எங்களுக்கு பிரச்சினை, மீனவர் கடலுக்கு செல்வது எங்களுக்கு பிரச்சினை. காவிரி உரிமை என்பது எங்களுக்கு பிரச்சினை. முல்லைப் பெரியாறு என்பது எங்களுக்கு பிரச்சினை. ஹைட்ரோ கார்பன் பிரச்சினை எங்களுக்கு பிரச்சினை. இதனை எல்லாம் எதிர்த்துப் போராட வேண்டிய இடத்தில் நாம் இருக்கிறோம் என்று சீமான் பேசினார்.


வடக்கின் முதலமைச்சர் களத்தில் இறங்க வேண்டும்


தமிழ் மக்களின் விடயம் தொடர்பில் இலங்கை அரசாங்கத்துடன் பேச்சுவார்த்தையை ஆரம்பிக்கின்ற அதேநேரம் இந்தியப் பிரதமர் நரேந்திர மோடியைச் சந்தித்து தமிழ் மக்களின் மிக இக்கட்டான சூழ்நிலையை முதலமைச்சர் சி.வி.விக்னேஸ்வரன் அவர்கள் எடுத்துக் கூற வேண்டும்.

இந்தியப் பிரதமர் நரேந்திர மோடி கொழும்புக்கு வந்திருந்தாராயினும் அவர் தமிழ் மக்களின் விடயம் தொடர்பில் எந்தவிதமான உறுதி மொழிகளையோ அல்லது இலங்கை அரசுக்கான அழுத்தத்தையோ கொடுக்கவில்லை என்பதுதான் உண்மை.

நாங்களும் பிரதமர் மோடியைச் சந்தித்தோம் என்ற ஒரு பதிவைத் தவிர தமிழ்த் தேசியக் கூட்டமைப்பின் தலைமைக்கும் இந்தியப் பிரதமருக்குமான சந்திப்பு எந்த வகையிலும் பெறுமதி இல்லாத சந்திப்பு என்று சொல்வதை விட வேறு வழியில்லை.

அதேநேரம் இந்தியாவின் பிரதமர்களாக இருந்தவர்களில் அன்னை இந்திரா காந்தி அவர்கள் ஈழத்தமிழர்களுக்காக குரல் கொடுத்தவர். சில முக்கியமான விடயங்களை முன்னெடுத்தவர்.

அவர் உயிரோடு இருந்திருந்தால், இலங்கையில் தமிழ் மக்களின் பிரச்சினைக் குத் தீர்வு கிடைத்திருக்கும் என்று திடமாகக் கூற முடியும்.

என்ன செய்வது! எங்கள் தலைவிதி அவர் அகால மரணமடைந்து போனார். அதன் பின்பு இந்தியாவின் பிரதமராக இருந்த ராஜிவ் காந்தியும் எம்மீது கருசனை கொண்டவராக இருந்தாலும் சந்தர்ப்ப சூழ்நிலைகள் எதிர்மறையான முடிவுகளையே தந்து போயின.

அந்த துன்பியல் சம்பவங்களுக்குப் பின்னர், இந்தியாவின் பிரதமர்களாக இருந்த எவரும் ஈழத் தமிழ் மக்களைப் பற்றிக் கதைப்பதையோ பேசுவதையோ இந்தியாவின் அரசியல் சாசனத்துக்குப் பங்கம் என்பது போல நடந்து கொண்டனர்.

எனினும் இந்தியாவின் இன்றைய பிரதமர் நரேந்திர மோடி அண்டைய நாடு தொடர்பிலும் ஈழத் தமிழர்கள் தொடர்பிலும் கருசனை எடுக்கக்கூடியவர் என்பது தெரிகிறது.

இவ்வாறு அவர் எங்கள் மீது கருசனை கொள்வதாக இருந்தால் அவருக்கு எங்களின் இன்றைய நிலைமையை வலுவாக எடுத்துரைக்க வேண்டும்.

அதிலும் வடக்கின் முதலமைச்சர் விக்னேஸ்வரன் அவர்கள் இதைச் செய்தால் அதற்கு நல்ல விளைவு கிடைக்கும் என்பதை அறுதியிட்டுக் கூற முடியும்.

வடக்கின் முதலமைச்சர் விக்னேஸ்வரன் அவர்கள், இந்தியப் பிரதமர் மோடியைச் சந்திப்பது, எங்கள் பிரச்சினைகளை அவருக்கு எடுத்துரைப்பது என்ற விடயத்தில் யாழ்ப்பாணத்தில் இருக்கக்கூடிய இந்தியத் துணைத் தூதரகம் தனது கணிசமான வகிபங்கை ஆற்ற முடியும்.

உண்மையில் இந்தியத் துணைத் தூதரகம் யாழ்ப்பாணத்தில் இயங்குவதனை எமக்குச் சாதகமாக்குவது என்பது தமிழ் மக்களின் உயர்ந்த இராஜதந்திரமாக இருக்கும்.

நல்லாட்சி; இந்தியப் பிரதமர்; வடக்கின் முதலமைச்சர்; யாழ்ப்பாணத்தில் உள்ள இந்தியத் துணைத் தூதுவர் ஆர்.நடராஜன் என்ற ஒரு சுற்றுவட்டப் பாதையில் பிரதமர் மோடியை எம்பக்கமாக திசை திருப்பம் செய்யும் போது தமிழ் மக்களின் அடிப்படைப் பிரச்சினைகள் மட்டுமன்றி உரிமைப் பிரச்சினைகளுக்கும் தீர்வு காண முடியும் என்பதால்,
பிரதமர் மோடியைச் சந்திக்க முதலமைச்சர் சி.வி.விக்னேஸ்வரன் களமிறங்க வேண்டும். 

இராணுவத்தை பிரித்து 9 மாகாணங்களிலும் சமமாக நிறுத்துங்கள்! ஜனாதிபதியிடம் வடக்கு முதல்வர்


வடக்கிலுள்ள இராணுவத்தை எங்கே கொண்டு செல்வது என்பது தான் பிரச்சினையென்றால்முழு இராணுவத்தையும் ஒன்பதாகப் பிரித்து அதில் ஒரு பங்கை ஒவ்வொருமாகாணத்திலும் நிறுத்துங்கள். எல்லா மாகாணத்திலும் சரிசமமாக இராணுவத்தைநிறுத்துவதில் எமக்கு ஆட்சேபனை இல்லை' என ஜனாதிபதி மைத்திரிபால சிறிசேனவிடம்,வடமாகாண முதலமைச்சர் சி.வி.விக்னேஸ்வரன் தெரிவித்துள்ளார்.

ஜனாதிபதியுடன், வடமாகாண முதலமைசசர் சி.வி.விக்னேஸ்வரன் கடந்த 17ம் திகதிசந்தித்த போதே மேற்படி வேண்டுகோளை விடுத்திருந்தார்.

இது தொடர்பில் கேட்ட போதே முதலமைச்சர் இவ்வாறுதெரிவித்தார். அவர் தெரிவித்ததாவது,

முன்னர் நடத்திய பேச்சுக்களின் போது, வடக்கிலுள்ள இராணுவத்தை குறைப்பதுதொடர்பாகவும் முக்கியமாக ஆராயப்பட்டது. இதன் தொடர்ச்சியாக இராணுவத்தைகுறைப்பது தொடர்பில் கலந்துரையாடப்பட்டது.இதன்போது, முழு இராணுவத்தையுமே வடக்கிலிருந்து வெளியேற்றுமாறு நான் கோருவதாகஎன் பேச்சு அமைந்திருப்பதாக ஜனாதிபதி கூறினார்.

ஏன், அதில் என்ன பிழை?என்றேன். அப்படியானால் எங்கள் இராணுவத்தை எங்கே கொண்டுபோய் நிறுத்தச்சொல்கின்றீர்கள் என்று கேட்டார்.

முழு இராணுவத்தையும் ஒன்பதாகப் பிரியுங்கள்.ஒன்பதில் ஒரு பங்கை ஒவ்வொரு மாகாணத்திலும் நிறுத்துங்கள் என்றேன். எல்லாமாகாணத்திலும் சரிசமமாக இராணுவத்தை நிறுத்துவதில் எமக்கு ஆட்சேபனை இல்லைஎன்றேன்.

அத்துடன், பொலிஸ் பயிற்சிக் கல்லூரி வடக்கில் அமைய வேண்டும் என்று கேட்டேன்.எம் இளைஞர் யுவதிகள் களுத்துறையில் இருக்கும் பொலிஸ் பயிற்சிக் கல்லூரிக்குச்செல்வதற்குப் பயப்படுகின்றார்கள். தமிழ் மொழிப் பொலிஸ் பயிற்சிக்கல்லூரியொன்று வடக்கில் அமைவதே சாலச் சிறந்தது என்றேன்.

அதற்கு ஜனாதிபதிவடக்கில் இருப்பவர்கள் தெற்கிற்கும் தெற்கில் இருப்பவர்கள் வடக்கிற்கும்வந்தால்தான் புரிந்துணர்வு ஏற்படும் என்றார். எமது அரசியல் ரீதியானபிரச்சினையை உடனே தீருங்கள். நாங்கள் யாவருமே தெற்கு நோக்கி வருகின்றோம்என்றேன். ஜனாதிபதி உளமாரச் சிரித்தார். அத்துடன், பல விடயங்களையும் நான் எடுத்துரைத்து அவற்றிற்கான தீர்வைப் பெறுவதுமிகவும் அவசரம் என்றேன்.

ஜனாதிபதி ஒன்பது மணியாகி விட்டதாலும் வேறு ஒரு நிகழ்வுதமக்கு இருப்பதாலும் தொடர்ந்தும் கலந்துரையாட முடியாமல் இருப்பதாகக் கூறிசம்பந்தப்பட்ட திணைக்கள அதிகாரிகளையுங் கூட்டிக்கொண்டு விரைவில் வடக்கிற்குஒரு நடமாடுஞ் சேவையை நடாத்த வருவதாகக் கூறினார். அதன் போது தீர்வுகாணப்படாதுள்ள விடயங்கள் அனைத்திற்கும் தீர்வு காணலாம் என்றார்.

வட மாகாண முதலமைச்சர் விக்னேஸ்வரன் ஐயாவுக்கு ஓர் அன்பு மடல்!


வடமாகாண முதலமைச்சர் நீதியரசர் சி.வி. விக்னேஸ்வரன் ஐயாவுக்கு அன்பு வணக்கம்.

முள்ளிவாய்க்காலில் நடந்த நினைவேந்தல் நிகழ்வில் தாங்கள் ஆற்றிய உரையினைக் கேட்டோம். காலம் உணர்ந்த உரை அது.

பொதுவில் எதையும் வெளிப்படையாகவும் நீதியாகவும் தாங்கள் எடுத்தியம்புவதால் தான் தங்கள் மீது தமிழ் மக்கள் மிகுந்த மதிப்பும் மரியாதையும் கொண்டுள்ளனர்.

உள்நோக்கம் எதுவுமின்றி தமிழ் மக்களின் அவலம் கண்டு தாங்க முடியாத உள்ளத்தினராய் தாங்கள் ஆற்றும் உரைகளும் வெளிப்படுத்தும் கருத்துக்களும் மட்டுமே தமிழ் மக்களை ஆற்றுப்படுத்தி நிற்கின்றது.

யார் எதைச் சொன்னாலும் கொழும்பு அரசியல் தலைமை மீது தமிழ் மக்கள் மிகுந்த வெறுப்புக் கொண்டுள்ளனர்.

இதைச் சொல்வதில் எமக்கு எந்தத் திருப்தியும் இல்லை. ஆகையால் உள்ளதைச் சொல்வது ஊடகத்தின் ஒரு தலையாய கடமை என்றுணர்கின்றோம்.

தமிழ் அரசியல் தலைமை மீது நமக்கு எந்தக் காழ்ப்புணர்வும் கிடையாது. ஆனால் அவர்களின் போக்கு தமிழ் மக்களுக்கு வெறுப்பை ஏற்படுத்தியுள்ளது.

இப்படியே நிலைமை போகுமாக இருந்தால் தமிழ்ப் பாராளுமன்ற உறுப்பினர்கள் பொதுமக்களைச் சந்திக்க முடியுமா என்ற கேள்வி கூட எழும்.

இந்நிலையில் முள்ளிவாய்க்கால் நினைவேந்தல் நிகழ்வின் போது அங்கு கூடியிருந்த தாய்மார் தங்கள் காலைப் பிடித்து அழுத காட்சி கண்டோம். இதயம் நெகிழ்ந்து போயிற்று.

ஒருபுறம் எங்கள் அன்னையர்களின் துன்பம். மறுபுறம் தங்கள் மீது எங்கள் தமிழ் மக்கள் கொண்ட நம்பிக்கை.

இந்த நம்பிக்கைக்கூடாக உண்மையையும் நேர்மையையும் விசுவாசத்தையும் எங்கள் மக்கள் எந்தளவு தூரம் மதிக்கின்றனர் என்ற மெய்யுணர்வு.

ஓர் அரசியல் தலைவரின் பெயரைச் சொல்லி அவரை வெளியே போகுமாறு சொல்லுங்கள் என்று அந்தத் தாய்மார் கூறியதன் உள்ளார்ந் தம் சாதாரணமானதன்று.

இலங்கை ஆட்சியாளர்களோடு சேர்ந்து போவதில் எந்தத் தவறும் இல்லை. அரசாங்கத்தோடு சேர்ந்து எங்கள் மக்களுக்கு என்ன செய்தீர்கள் என்ற கேள்வியாகவே அந்தத் தாய்மார்களின் வெறுப்புணர்வை உணர வேண்டும்.

எனவே இந்த இடத்தில் நாம் தங்களுக்குச் சொல்லக்கூடியது தமிழ் மக்கள் உங்களைத் தங்களின் ஆபத்பாந்தவனாகப் பார்க்கின்றனர். உங்கள் வார்த்தைகள் தங்கள் வலிக்கு ஒத்தடம் என்று நம்புகின்றனர்.

எனவே நீங்கள் தமிழ் மக்களின் தனித்துவமான - நம்பிக்கைக்குரிய - அப்பழுக்கற்ற தலைவராக இருக்கிறீர்கள்.உங்கள் பணி இனிமேல் எவருக்கும் கட்டுப்பட்டதோ மட்டுப்பட்டதோ இல்லை.

உங்களை எவராலும் இனிக் கட்டுப்படுத்த முடியாது.எனவே சில விடயங்களை நீங்கள் முன் னெடுக்க வேண்டும்.

அரசாங்கத்தோடு; ஜனாதிபதி மைத்திரியோடு; இந்தியாவோடு; உலகநாடுகளோடு தமிழ்த் தலைவனாக நீங்கள் பேச வேண்டும்.

உங்கள் காலைப்பற்றிப் பிடித்து ஐயா! எங்கள் துன்பத்தை தீருங்கள் என்று கேட்கும் எங்கள் தாய்மாரின் அவலத்தை நீக்க வேண்டும்.இதைச் செய்வது உங்கள் தலையாய கடமை.

இதற்காக நீங்கள் எந்த அரசியல் பற்றியும் சிந்திக்க வேண்டியதில்லை என்பதால்,களத்தில் இறங்கி எங்கள் மக்களின் பிரச்சினைக்கு முடிவு கட்டுங்கள். சர்வதேசத்திடம் முறையிடுங்கள். இதுவே தங்களிடமான எம் கோரிக்கை.

- Valampuri-

முள்ளிவாய்க்கால் படுகொலை பற்றி கருத்துக்கூற மறுத்த ரஜினிகாந்த்! ஈழத் தமிழர்கள் கொந்தளிப்பு...


முள்ளிவாய்க்கால் படுகொலை நினைவு தினம் பற்றிய கேள்விக்கு பதில் அளிக்க நடிகர் ரஜினிகாந்த் மறுப்பு தெரிவித்துள்ளார். இது தமிழர்கள் மத்தியில் கடும் கொந்தளிப்பை ஏற்படுத்தியுள்ளது.

இலங்கையில் நடைபெற்ற உள்நாட்டுப் போரின் போது ஈழத் தமிழர்கள் கொத்து கொத்தாக முள்ளிவாய்க்காலில் கொல்லப்பட்டதன் நினைவு நாள் குறித்த கேள்விக்கு பதில் சொல்ல நடிகர் ரஜினிகாந்த் மறுப்பு தெரிவித்துள்ளார்.

கடந்த 2009ம் ஆண்டு ஈழத் தமிழர்களை இனப்படுகொலை செய்து முள்ளிவாய்க்காலில் புதைத்தது இலங்கை அரசு. அதன் 8ம் ஆண்டு நினைவு நாளான இன்று உலகம் முழுவதும் உள்ள தமிழர்கள் கண்ணீர் வடித்து அஞ்சலி செலுத்தி வருகின்றனர்.

இந்த போரில் இலங்கை அரசு வெறித்தனத்தோடு தமிழர்களை கொன்று குவித்ததால் 90 ஆயிரம் பெண்கள் கணவர்களை இழந்தனர். குழந்தைகள், சிறுவர்கள் என அனைவரும் நடுத் தெருவில் திக்கு தெரியாமல் நின்றனர்.

உயிரோடு எஞ்சியவர்களையும் ராணுவ முகாம்களில் அடைத்து வைத்து சித்திரவதை செய்தது ராஜபக்சே அரசு. இந்தப் பச்சைப் படுகொலைகளால் ஈழத் தமிழர்கள் சிந்தும் கண்ணீர் 8 ஆண்டுகளைக் கடந்தும் இன்னும் தீர்ந்தபாடில்லை.

இதுதவிர, போரின் போது காணாமல் போன ஆயிரக்கணக்கானவர்கள் எங்கிருக்கிறார்கள் என்றே இன்னும் தெரியவில்லை.

இப்படி அடுக்கடுக்கான இன்னல்களுக்கு ஆளாகிப் போன ஈழத் தமிழர்கள் இன்னும் வதைப்பட்டுக் கொண்டே இருக்கின்றனர்.

இலங்கை இராணுவத்தின் கொடிய ஆட்டத்தின் உச்சகட்டமான மே 18ம் தேதியை முள்ளிவாய்க்கால் தினமாக உலகத் தமிழர்களால் அனுசரிக்கப்பட்டு வருகிறது.

மெழுகுவர்த்தி ஒளியில் இறந்து போன தமிழர்களுக்கு அஞ்சலி செலுத்தி வருகின்றனர்.

இந்நிலையில், புதிதாக கட்சித் தொடங்கப் போவதற்கான முஸ்தீபு பணிகளில் ஈடுபட்டுள்ள நடிகர் ரஜினிகாந்த்திடம் முள்ளிவாய்க்கால் தினம் குறித்து செய்தியாளர்கள் கேள்வி எழுப்பினார்கள். அதற்கு ரஜினி பதில் அளிக்க மறுத்து விட்டார்.

ரஜினியின் செயல் ஈழத் தமிழர்கள் மட்டுமல்லாமல் ஒட்டு மொத்த தமிழ் சமுதாயத்தை கொந்தளிப்பில் ஆழ்த்தியுள்ளது.

இதற்கு கூட பதில் சொல்ல முடியாதவர் அரசியலுக்கு வந்து என்ன செய்யப் போகிறார் என்று தமிழர்கள் கேள்வி எழுப்பியுள்ளனர்.

ரஜினியின் இந்த செயலுக்கு தமிழ் ஆர்வலர்கள் கடும் கண்டனத்தைத் தெரிவித்துள்ளனர்.

அவர்கள் அமைதியாய் உறங்க இன்றேனும் ஒற்றுமையாய்...


இன்று மே 18. வன்னிப் பெருநிலப்பரப்பில் உயிரிழந்த எங்கள் உறவுகளுக்கு மனம் மெய் மொழிகளில் அஞ்சலியைச் செலுத்துகின்ற நாள்.

இன்று காலை 9.30 மணிக்கு மெளன அஞ்சலி செலுத்தப்படும்.

எங்கள் உறவுகளே! உங்கள் இழப்பால் நாம் எல்லாம் இழந்தோம். இந்தப் பிறவியில், இந்த யுகத்தில் உங்களை இனிக் காண்பதற்கு வாய்ப்பே இல்லை என்றாயிற்று.

எத்தனை இடப்பெயர்வுகள், எத்தனை கஷ்டங்கள் இவற்றை எல்லாம் கடந்து எப்படியும் உயிரைக் காப்பாற்றி விடலாம் என்ற நம்பிக்கையோடு எதிர்நீச்சல் போட்ட உங்களை முள்ளிவாய்க்காலைத் தாண்ட விடாமல் உயிரறுத்த கொடுமையை நினைக்கும் போதெல்லாம் தலை வெடித்துச் சிதறும்.

அந்தளவுக்கு உங்கள் இழப்புகள் எங்கள் ஆழ்மனதில் அப்படியே பதிவாகிவிட்டது. ஓடுகின்ற போது வீழ்ந்து வெடித்த ஷெ­ல்லில் மாண்ட கதை;
நீங்கள் ஓடித் தப்புங்கள் என்று சொன்ன படியே உயிர்விட்ட துயரம்;

பிள்ளைகளைக் காப்பாற்றப் போனபோது பதுங்கு குழிக்குள் இருந்த வேளை இப்படியே பல்லாயிரக்கணக் கான மரணங்களுக்குள் மனிதத்தை வதைக்கும் சம்பவங்கள் உண்டு.

அவற்றை மீட்டுப் பார்க்கவே, நெஞ்சம் பதறும் அளவிலேயே ஈழத் தமிழினத்தின் வாழ்வு அமைந்து விட்டது.

இத்தனை கொடுமைகள் நடந்த பின்பும் வன்னிப் போரில் உயிரிழந்த தங்கள் உறவுகளை நினைந்து அஞ்சலிப்பதற்கும் நினை வேந்தல் நிகழ்வைச் செய்வதற்கும் இடையூறு செய்கின்ற ஈனர்கள் இன்னமும் உளர் எனும் போதுதான் தமிழினத்தின் உண்மை நிலைமை தெரிகிறது.

எதுஎவ்வாறாயினும் வன்னிக் கொடும் போரில் உயிரிழந்த எங்கள் உறவுகள் தங்கள் மெளனம் கலைத்து எங்களைப் பார்க்கின்ற நாள் இன்று.

எங்கள் உறவுகளின் ஆத்மாக்கள் நிச்சயம் எங்களைப் பார்த்து இன்னமும் உங்களுக்கு உரிமையும் விடிவும் கிடைக்கவில்லையோ என்று கலக்கம் கொள்ளும் நாள்.

எங்கள் உறவுகளே! என்று அந்தப் புனித ஆத்மாக்கள் கதறுகின்ற நாள். இந்த நாளில் எங்கள் உறவுகளின் அதிர்வால் கண்ணீர் விட்டு கதறி எங்கள் உறவுகளே உங்கள் ஆத்மா சாந்தியடையட்டும் என்று இயற்கை யான இறைவனிடம் மன்றாடும் நாள்.

இந்தப் புனிதமான நாளில் நாம் அனைவரும் வன்னிப் போரில் உயிரிழந்த எங்கள் உறவுகளை நினைந்து அகவணக்கம் செலுத்துவோம்.

இந்த நேரத்தில் ஒற்றுமையாக இருக்கிறீர்களா? என்று தமிழ் அரசியல் தலைமையைப் பார்த்து எங்கள் ஆத்ம உறவுகள் கேட்பர். அந்த ஒலியைக் கேட்கும் திறன் நம்மிடம் இல்லையாயினும் அந்த ஒலியின் அதிர்வு எங்கள் உள்ளங்களை ஆட்படுத்தும். அப்போது இல்லை என்று மட்டும் சொல்லிவிடாதீர்கள்.

ஆம், தமிழ் அரசியல் தலைமைகளே! உங்கள் அரசியல் ஒற்றுமை எப்படியானது? உங்கள் அரசியல் நகர்வு எத்தன்மையது? என்று எங்களுக்குத் தெரியும்.

ஆனால் வன்னிப் போரில் உயிரிழந்த எங்கள் உறவுகளுக்கு அதைத் தெரியப்படுத்தி விடாதீர்கள். ஏனெனில் அதை அவர்களால் தாங்க முடியாது.

இன்றேனும் ஒற்றுமையாய் நின்று அஞ்சலி செய்யுங்கள். அவர்களாவது அமைதியாய் உறங்குவதற்கு.

வட்டுக்கோட்டை தீர்மானத்திற்கு வயது 41! -- தீபச்செல்வன்:-

1976ஆம் ஆண்டு மே மாதம் 14ஆம் திகதி வட்டுக்கோட்டை தீர்மானம் நிறைவேற்றப்பட்டது. இன்றோடு அத் தீர்மானம் நிறைவேற்றப்பட்டு நாற்பத்தொரு ஆண்டுகள் கடந்துவிட்டன. யாழ்ப்பாணம் வட்டுக்கோட்டையில் தமிழர் விடுதலைக் கூட்டணி இந்த தீர்மானத்தை நிறைவேற்றியிருந்தது. மித வாத அரசியலில் தமிழ் தரப்புக்கள் சந்தித்த தோல்விகள் மற்றும் அனுபவங்களால் தனித் தமிழீழம் அமைக்கப்படவேண்டும் என்ற தீர்மானத்திற்கு நகர்ந்தமையே வட்டுக் கோட்டைப் பிரகனடம் ஆகும்.

தந்தை செல்வநாயகம் தலையில் கூடிய மாநாட்டில் 01. இலங்கைத் தீவின் வடக்கு, கிழக்கு மாகாணங்களை உள்ளடக்கிய பாரம்பரிய, சுதந்திரம் மற்றும் இறையாண்மை கொண்ட தமிழர் தாயகம் வேண்டும்.02.அதில் ஒரு தேசிய இனமாக தமிழரின் அரசியல் இலக்கை அவர்களே தீர்மானித்துக் கொள்ளும் தன்னாட்சி உரிமை வேண்டும்.03. அதற்காக முழுமூச்சான பயணத்தை அஞ்சாத அர்ப்பணிப்புக்களோடு நாம் முன்னெடுக்கவேண்டும் என்றும் தீர்மானிக்கப்பட்டது.

ஒரு தேசிய இனத்தை பாதுகாக்கும் பொருட்டு தமிழீழ அரசை மீளளித்தல் மற்றும் மீள உருவாக்குதல் என்ற காரணத்தை இந்த தீர்மானம் கொண்டிருந்தது. இலங்கை 1948இல் சுதந்திரமடைந்த பின்னர் தமிழ் மக்களின் உரிமைகள் மறுக்கப்பட்ட, அதற்காக முப்பத்தெட்டு ஆண்டுகள் இலங்கை அரசுகளுடன் பேச்சுவார்த்தைகளும் போராட்டங்களும் இடம்பெற்ற நிலையில் கொண்டுவரப்பட்ட இந்த தீர்மானம், தமிழர் விடுதலைப் போராட்டத்தில் மிகவும் வரலாற்று முக்கியத்துவம் வாய்ந்ததாக கருதப்படுகிறது,

இதுவே ஆயுதப் போராட்டத்திற்கும் அடிதளமிட்ட நிகழ்வாகும். சுமார் நாற்பது வருடங்களாக மதிவாத அரசியலில் சந்தித்த தோல்விகளும் இலங்கை அரசின் உறுதியான தமிழர் ஒடுக்குமுறைச் செயற்பாடுகளும் ஆயுதப் போராட்டத்திற்கு வித்திட்டன. வட்டுக்கோட்டை தீர்மானம் நிறைவேற்றப்பட்டு நாற்பது ஆண்டுகள் கடந்துள்ளபோதும் இலங்கையின் இனப்பிரச்சினை தீர்க்கப்படாத ஒன்றாகவே தொடர்கிறது என்பதே இந்தத் தீர்மானத்தை இன்னும் உயிர்ப்பிக்கிறது.

வட்டுக்கோட்டைத் தீர்மானத்திற்கு பேராதரவளிக்கும் முகமாக வடகிழக்கு தமிழ் மக்கள் பெரும் எழுச்சியோடு தமிழர் விடுதலைக் கூட்டணியில் போட்டியிட்ட தமது பிரதிநிதிகளை வெல்ல வைத்தார்கள். தனித் தமிழ் ஈழத்திற்கான ஆணையை அந்த தேர்தலில் வடகிழக்கு மக்கள் முன்வைத்தார்கள். அதனை ஒரு ஜனநாயகப் போராட்டமாக மேற்கொண்டார்கள். பிரிந்து செல்லல் மாத்திரமின்றி சாதியற்ற, பண்பாடு,பாரம்பரிய விழுமியங்களை பாதுகாக்கும், சம உரிமை கொண்ட ஒரு தேசத்தையே வட்டுக்கோட்டைத் தீர்மானம் பிரதிபலித்தது.

ஒரு இனம் ஒடுக்குமுறையை சந்திக்கின்றபோது, ஜனநாயகம், அதன் சுய உரிமைகள் மறுக்கப்படுகின்றபோது, அந்த இனம் பிரிந்து சென்று தனக்கான ஆட்சியை அமைக்க உரித்துடையது என்பதை அனைத்துலக மக்கள் சார்ந்த உரிமைக் கொள்கைகள் ஏற்றுக்கொள்கின்றன. இலங்கைத் தீவில் பூர்வீகமாக வாழந்த தமிழ் தேசிய இனம் இத்தகைய ஒரு தீர்மானத்திற்கு செல்லுகின்றது எனில் அது எத்தகைய ஒடுக்குமுறையை சந்தித்தது என்பதையே இங்கு புரிந்துகொள்ளப்ட வேண்டியது. ஆனால் நாற்பது ஆண்டுகள் ஆகியும் இலங்கை அரசியலில் அதைப் புரிந்துகொள்ளவில்லை என்பதுதான் துரதிஷ்டமானது.

வட்டுக்கோட்டைத் தீர்மானத்தை, இலங்கை அரசுகள் கடுமையாக விமர்சிப்பதன் அர்த்தம் என்பது அதன் பின்னாலுள்ள உண்மைகளையும் நியாங்களைளும் ஒடுக்கப்பட்ட மக்களின் விடுதலை வேட்கையையும் ஏற்கத் தயாரில்லை என்பதேயாகும். வட்டுக்கோட்டைத் தீர்மானம், ஓர் கடுமையான தீர்மானமாக கூறும் அரசுகள் என்ன தீர்வைத்தான் தமிழ் மக்களுக்கு வழங்கின? தமிழ் மக்களின் சுய உரிமை குறித்த பிரச்சினைக்கு – இலங்கையில் புரையோடிப் போன இனப்பிரச்சினைக்கு எந்தவொரு தீர்வையும் இதுவரையில் முன் வைக்காதது ஏன்? இதனைக் கடுமையான தீர்மானம் என்பதும் இதனை நிராகரிப்பதும் சுய உரிமை மறுப்புக்கான, பேரினவாத அதிகாரப் போக்கின் வெளிப்பாடே.

கடந்த பொதுத் தேர்தலில் சமஷ்டி அரசாட்சியை முன்வைக்க வேண்டும் என்று கோரி தமிழ் மக்கள் வாக்களித்திருந்தார்கள். வட்டுக்கோட்டைத் தனித் தமிழீழ தீர்மானத்தின் பின்னர், ஆயுதம் ஏந்தி தனி நாடு கோரி நடத்தப்பட்ட தீர்மானத்தின் பின்னர், 13ஆவது அரசியல் திருத்தம் தமிழ் மக்களால் நிராகரிக்கப்படும் நிலையில் இந்த சமஷ்டியை வடகிழக்கு மக்கள் வலியுறுத்தியுள்ளனர். வட்டுக்கோட்டைத் தீர்மானம் நிறைவேற்றப்பட்டு நாற்பது ஆண்டுகள் ஆகியுள்ள நிலையில் சமஷ்டி கோரிக்கையை இலங்கை அரசு எவ்வாறு அணுகப் போகிறது என்பதே இனப்பிரச்சினை தொடர்பில் இலங்கை ஆட்சியாளர்கள் எத்தகைய கரிசனையை கொண்டுள்ளார்கள் என வெளிப்படுத்தப் போகிறது.

சமஷ்டித் தீர்வு பிரிவினையல்ல என்றும் வடகிழக்கை பூர்வீககமாகக் கொண்ட தமிழ் இனம் தன்னுடைய இறைமையை, இழந்த ஆட்சியை கோருவது அந்த இனத்தின் உரிமை என்றும் தமிழ் தலைமைகள் வலியுறுத்துகின்றன. அத்துடன் சமஷ்டி ஆட்சிமுறையே தமது இலக்கு என்றும் அதிலிருந்து ஒருபோதும் பின்வாங்கப் போவதில்லை என்றும் தமிழ் தலைமைகள் மக்களிடத்தில் உறுதி வழங்கியுள்ளன. மறுபுறத்தில் சமஷ்டிக்கு இடமில்லை என்றும் அதிகாரங்கள் பகிர்ந்தளிக்கப்படும் என்றும் இலங்கை அரசு சிங்கள மக்களிடம் சொல்கிறது.

முன்னைய காலத்தில் தமிழ் ஈழத்திற்கும், தயாரில்லை, மகிந்த ஆட்சியில் 13இற்கும் தயாரில்லை, இப்போது சமஷ்டிக்கும் தயாரில்லை என்றால் தென்னிலங்கையில் தமிழ் மக்களின் இனப்பிரச்சினைக்கான தீர்வாக என்னதான் இருக்கிறது? தமிழ் மக்களுக்கு சுய நிர்ணய உரிமை உண்டென்று பெரும்பாலான சிங்கள மக்கள்,சிங்கள முற்போக்காளர்கள் ஏற்றுக்கொள்கின்றனர். ஆனால் தமக்கிடையிலான அரசியல் அதிகாரப் போட்டிக்கான பேசு பொருளுக்காக ராஜபகச்வைப் போன்ற இனவாதிகள் அதனை குழப்புகின்றனர்.

ராஜபக்ச 13ஆவது திருத்ததச் சட்டத்தையே நடைமுறைப்படுத்த மறுத்தவர். பேரினவாதிகளைப் பொறுத்தவரையில் தமிழ் மக்களுக்கு எந்த உரிமையும் வழங்கக்கூடாது என்பதே அவர்களின் நிலைப்பாடு. சிங்களப் பேரினவாத அரசியலுக்குள் தமிழ் இனத்தை அழித்தொழிப்பதே அவர்களின் தீர்வு. சமஷ்டிக்கு இடமில்லை என்று ராஜபக்சக்களுகு அஞ்சி இன்றைய அரசு கூறுகிறதா? அப்படி எனில் ராஜபக்ச ஆட்சியும் தற்போதைய ஆட்சியும் தமிழரைப் பொறுத்தவரையில் ஒன்றல்லவா? தமிழ் மக்களின் உரிமையை அவர்களிடம் கொடுக்க வேண்டும் என்று பேசும் இன்றைய அரசாங்கம் சமஷ்டியை மறுப்பதன் ஊடாக “பேச்சு பல்லக்கு தம்பி பொடிநடை” என்று செயற்படுகிறதா?

வட்டுக்கோட்டைத் தீர்மானம் நிறைவேற்றி நாற்பத்தொரு ஆண்டுகள் ஆகியும் இலங்கையின் அரசியலும் இனப்பிரச்சினையும் தீர்வு குறித்த முனைப்புக்களும் சுய உரிமையை வழங்குதல் குறித்த அணுகுமுறைகளும் வட்டுக்கோட்டை தீர்மானம் நிறைவேற்றிய அதே காலத்திலேயே உழல்கிறது. ஒரு வகையில் இது வரலாற்றை கற்க மறுக்கும் செயல். இவ்வளவு அனுபவங்களை சந்தித்த பின்னரும் ஒரு தேசிய இனத்தின் சுய உரிமைகளை மீளளிக்க தயங்குவதும் தடைகளை ஏற்படுத்துவதும் ஆரோக்கியமானதல்ல.

‘தமிழ் மக்களுக்கு எதுவும் கொடாதே’ என்பவர்களின் பேரினவாத வெறிக்கு செவிசாய்க்க வேண்டுமெனில், இது யாருடைய ஆட்சி? இங்கு வாழும் தமிழ் மக்களின் எதிர்காலம் எப்படியானதாய் இருக்கும்? அறுபது வருடங்காக போராடும் ஒரு இனம் எத்தகைய நிலையை அடையும்? முப்பது வருடங்களாக ஆயுதம் ஏந்திய இனம் எதனை உணரும்? இவைகளை குறித்து இலங்கையை ஆள்பவர்களும் நாமும் உலகமும் சிந்திக்க வேண்டும். இனப்பிரச்சினைக்கான தீர்வு விடயம் இனப்பிரச்சினையின் கர்த்தக்களால் மிகவும் ஆழமாக சிக்கல் படுத்தி, அதில் அவர்களின் நலன்கள் இங்கே அறுவடை செய்யப்படுகின்றன.

இலங்கையை தற்போது ஆட்சி செய்யும் அரசு தமிழ் மக்களுடன் நல்லிணக்கத்தை கொள்வதாக கூறுகிறது. தமிழ் மக்களின் உரிமையை அவர்களிடம் வழங்கியிருந்தால் ஆயுதம் ஏந்தியிரார்கள் என்கிறது. தமது ஆட்சிக் காலத்தின் பாதிக் காலம் முடிந்த நிலையில் இன்னும் தீர்வு குறித்த முனைப்புக்கள் மந்தமாகவும் மறுக்கப்பட்ட நிலையிலும் உள்ளது தமிழ் மக்களின் அரசியல் தீர்வு குறித்த எதிர்பார்ப்பை அவ நம்பிக்கைக்குள் தள்ளுகிறது.

தமிழ் மக்கள் மீதான தொடர் இன ஒடுக்குமுறையும், தமிழ் மக்களின் சுய உரிமை மறுப்பும், ஜனநாயக வழியின் தோல்வியுமே வட்டுக்கோட்டைப் பிரகடனத்தை தோற்றுவித்தது. இப்போதும் தமிழ் மக்களின் உரிமைகளை மறுத்து அவர்களை கடுமையான இன ஒடுக்குமுறைக்கு உள்ளாக்கும் பேச்சுக்கள் தென்னிலங்கையில் நிகழ்த்தப்படுகின்றன. பேரினவாதப் போக்கு வீழ்ச்சியுறாதநிலையில், வடகிழக்கு மக்கள் இன்று சந்தித்துக்கொண்டிருக்கும் வாழ்வு என்பது தமிழ் மக்களை மீண்டும் மீண்டும் வட்டுக்கோட்டை தீர்மானத்திற்கு தள்ளக்கூடியது என்பதே இன்றைய வரலாற்றுச் சிறப்புமிக்க நாளில் சுட்டிக்காட்டத்தக்கது.

 தீபச்செல்வன்

வடகிழக்கின் இனப்படுகொலை நாளாக மே 18 ஐ பிரகடணப்படுத்த வேண்டும்!



வடகிழக்கு தாயக பூமியின் இனப்படுகொலை நாளாக மே 18ம் திகதியை பிரகடணப்படுத்தி அன்றைய தினம் வடகிழக்கில் படுகொலை செய்யப்பட்ட பொதுமக்களுக்கான துக்க தினம் அனுஸ்டிக்கப்பட வேண்டுமென சிவில் சமூக அமைப்புக்களின் பிரதிநிதிகள் வேண்டுகோள் விடுத்துள்ளனர்.

மே 18 முள்ளிவாய்க்கால் நினைவு தினம் குறித்து ஊடகங்களுக்கு அனுப்பியுள்ள அறிக்கை ஒன்றிலேயே குறித்த வேண்டுகோளை விடுத்துள்ளனர்.

அதில் மேலும் கூறியுள்ளதாவது,

சுமார் 60 ஆண்டுகலாக இலங்கையின் வடகிழக்கு தாயக பூமியில் தமக்கான சுயநிர்ணய உரிமை போராட்டத்தை முன்னெடுத்து வந்த தமிழினம் காலத்துக்கு காலம் பல இனப்படுகொலைகளை சந்தித்துள்ளது.

வடகிழக்கு பூமியில் நடைபெற்ற பல நூற்றுக்கணக்கான படுகொலை சம்பவங்களில் பல இலட்சம் பொதுமக்கள் படுகொலை செய்யப்பட்டுள்ளனர்.

இலங்கை அரசாங்கம் உட்பட பல குழுக்களினால் மேற்கொள்ளப்பட்ட தமிழ் மக்கள் மீதான படுகொலை சம்பவங்கள் மிகவும் உக்கிரமடைந்த 2009ம் ஆண்டு காலப்பகுதியில் முள்ளிவாய்க்கால் பகுதியில் வகைதொகையின்றி இலட்சக்கணக்காண தமிழ் மக்கள் கொல்லப்பட்டும் காணாமல் ஆக்கப்பட்டும் உள்ளனர்.

தமிழர் வரலாற்றில் மிகப்பெரிய அழிவுகளை ஏற்படுத்தி தமிழர்களை இந்த பிராந்தியத்தின் அடிமைகளாக்கி முட்கம்பி வேலிகளுக்குள் அடைத்துவைத்து கொடுமைப்படுத்திய 2009 ம் ஆண்டின் கொடுங்கோலாட்சியை நினைவுபடுத்தி படுகொலை செய்யப்பட்ட பொதுமக்களுக்கு நீதியை கோரி வருகின்ற மே மாதம் 18ம் திகதியை வடகிழக்கின் தேசிய துக்க தினமாக பிரகடணப்படுத்த வேண்டும்.

குறித்த தினத்தை வருடாவருடம் வடகிழக்கின் இனப்படுகொலை நாளாக அனுஸ்டிப்பதற்கு ஒட்டுமொத்த தமிழ் சமூகமும் ஒன்றிணைந்து செயற்படவேண்டும் எனவும்.

அன்றைய தினம் மலை 6 மணிக்கு வடகிழக்கு பகுதியில் இனப்படுகொலைகள் நடைபெற்ற இடங்களில் ஆங்காங்கே பாதிக்கப்பட்ட மக்கள் மற்றும் சிவில்சமூக அமைப்புக்கள் என அனைவரும் ஒன்று கூடி விளக்கேற்றி படுகொலை செய்யப்பட்ட பொது மக்களுக்கு அஞ்சலி செலுத்துமாறு இத்தால் வேண்டுகோள் விடுக்கின்றோம்.

குறித்த வேண்டுகோளை ஏற்று வடகிழக்கு மாகாணசபையின் அமைச்சர்கள் உறுப்பினர்கள் இணைந்து பிரேரணை ஒன்றை கொண்டுவந்து குறித்த நாளை வடகிழக்கின் தேசிய துக்கதினமாக அறிவிக்க வேண்டும் எனவும் அதனை வடகிழக்கில் உள்ள அனைவரும் நடைமுறைப்படுத்த வேண்டுமென வேண்கோள் விடுக்கின்றோம். என அதில் தெரிவிக்கப்பட்டுள்ளது.


பெண்களே அவதானம் இது உங்களுக்குத்தான்.....

பெண்களை மையமாகவைத்து நடத்தப்படும் இவ் எளியசெயல் குறிப்பாக வடகிழக்கு பெண்களை பெரும்பாலும் சீரழிவுக்கு உள்ளாக்குகின்றது. இதற்கு துணைபோவதும் ஏற்றுக்கொண்டு அனுமதியளிப்பதும் எம்முடன் வாழ்ந்து கொண்டு இருக்கும் பணம் விரும்பிகளே............

 இளைஞர்யுவதிகளே.....பெரியோர்களே.....கல்விமான்களே....தேசியவாதிகளே...

வடகிழக்கின் பகுதிகளுக்கும் விஸ்தரிக்கப்பட்டுள்ள Rohypnol என்ற மாத்திரை வடக்கின் அதிகமான முகவர்களிடம் வழங்கப்பட்டுள்ளதுடன் இளம் சமூகத்தை சீரழிப்பதுடன் குழந்தை பிறக்கும் விகிதத்தை கட்டுப்படுத்த வேண்டும் என்பதே இதன் பிரதான நோக்கமாக உள்ளது.
.
Rohypnol என்ற எளிதில் கரையக் கூடிய சுவையற்ற இம்மருந்தை ஒரு பெண்ணுக்கு கொடுத்தால் சிறிது நேரத்தில்போதை ஏறி சொல்வதையெல்லாம் கேட்கும் நிலைக்கு வந்து விடுவார்.
.
இந்த மயக்கம் 11லிருந்து 12 மணி நேரம் வரை நீடிக்கும்…!
பாலியல் வல்லுறவுக்கு உட்படுத்தப்பட்டாலும் விந்தணு சோதனையில் எதுவும் கண்டு பிடிக்க முடியாது.
.
மேலும் இம்மருந்தை தொடர்ந்து அளித்து வந்தால் அடிமை ஆகி விடுவார்களாம்.
அதை விடகொடுமை இம்மருந்து அளிக்கப்பட்ட பெண் தன் வாழ்க்கையில் தாய்மை அடையவே முடியாது.
மேலும் நிறைய பக்க விளைவுகள் ஏற்படும் என்கின்றனர் மருத்துவர்கள். இதைப் போன்ற நிறைய மருந்துகள் உள்ளன. ஆனால் மிக மிக எளிதாக கிடைக்க கூடிய மாத்திரை தான் இந்த ரோஹைப்னால்..!
.
மயக்கம் தெளிந்த பின்னர் நடந்த எதுவுமே ஞாபகம் இருக்காது. எனவே பெண்கள் வெளியிடங்களுக்கு செல்லும் போது முடிந்தவரை தனியே செல்லாதீர்கள்.
.
மேலும் மிகவும் எச்சரிக்கையாக இருங்கள். முடிந்த வரை வெளியிடங்களில் எதுவும் குடிக்காதீர்கள்…!
ஃசீல் செய்து அடைக்கப்பட்ட குளிர்பானங்களில் கூட ஊசிகள் மூலம் இவை ஏற்றப்படலாம்….!
.
குறிப்பாக இலங்கையில் போதைவஸ்து பாவனை அதிகரித்துள்ள நிலையில் பல தென்னிலங்கை முகவர்களால் இம் மாத்திரை பல இடங்களில் வினியோகிக்கப்பட்டுள்ளதுடன் கொழும்பின் அதிகமான இடங்களில் இம் மாத்திரையின் பயன்பாடு அதிகரித்துள்ளது.
.
வடக்கில் உள்ள சிலர் தென்னிலங்கை போதைக் கும்பலுடன் தொடர்புடைய பலர் மூலம் இவற்றை விற்பனை செய்வதும் குறிப்பிடத்தக்கது இந்த பதிவை உங்கள் நண்பர்கள் உறவினர்கள் அனைவரிடமும் தெரியப்படுத்துங்கள் விளங்கப்படுத்துங்கள்.....

யாழ். புங்குடுதீவு மாணவி வித்தியா.. கசக்கி எறியப்பட்டு இன்றுடன் இரண்டு வருடங்கள்...


யாழ்ப்பாணம் புங்குடுதீவு மாணவி சிவலோகநாதன் வித்தியா கூட்டு பாலியல் வன்புணர்வுக்கு உட்படுத்தப்பட்டு கொலை செய்யப்பட்டு இன்றுடன் இரண்டு வருடங்கள் நிறைவடைந்துள்ளன.

மாணவி வித்தியா 2015ஆம் ஆண்டு மே மாதம் 13ஆம் திகதி பாடசாலைக்கு சென்ற வேளை கடத்தப்பட்டு கூட்டு வன்புணர்வின் பின்பு படுகொலை செய்யப்பட்டார்.

அவரது சடலம் மறுநாள் ஆள் நடமாட்டமற்ற பற்றைக்குள் இருந்து மீட்கப்பட்டது.

யாழ்ப்பாணம் புங்குடுதீவு 9ஆம் வட்டாரம் வல்லன் பகுதியைச் சேர்ந்தவர் வித்தியா.

அம்மா அக்கா அண்ணா என ஒரு சிறிய குடும்பத்தின் கடைக்குட்டியாக, மிகவும் செல்லமாக வித்தியா வளர்ந்து வந்துள்ளார்.

வித்தியா கொலை செய்யப்பட்டுள்ளார் என்ற செய்தி வெளிவந்ததும் புங்குடுதீவு பகுதி முழுதும் கலவரபூமியாகியது.

இந்த செய்தி காட்டுத்தீயாய் நாடு முழுவதும் பரவியது. கொலைக்குற்றவாளிகளை கண்டுபிடிக்குமாறும், வித்தியாவுக்கு நீதி கிடைக்க வேண்டும் என்றும் இலங்கை முழுவதிலும் உள்ள மக்கள் போராட்டங்களை நடத்தினார்கள்.

பாடசாலை மாணவர்கள், பல்கலைக்கழக மாணவர்கள் என அனைவரும், இந்த செய்தியைக் கேட்டு கொதித்தார்கள், போராட்டங்களை முன்னெடுத்தார்கள், நீதி கோரி பல கோணங்களில் தமது ஆதங்கத்தை வெளிப்படுத்தினார்கள்.

இந்தச் சம்பவம் தமிழ், சிங்கள, முஸ்லிம் மக்களின் உணர்வுகளைப் பாதித்திருந்தது. இந்த நிலையில் உடனடியாக நீதி வழங்கப்படவேண்டும், குற்றவாளிகள் தண்டிக்கப்பட வேண்டும் என்கின்ற எழுச்சி ஏற்பட்டது.

முதலில் குறித்த கொலை சம்பவத்தில் சகோதரர்கள் மூவரை பொலிஸார் கைது செய்தனர். தொடர்ந்து வெளிநாட்டிலிருந்து வந்திருந்த ஒருவர் ஊர் மக்களால் பிடிக்கப்பட்டு பொலிஸாரிடம் ஒப்படைக்கப்பட்டார்.

தொடர் விசாரணைகளின் பின் மேலும் 8 பேரை பொலிஸார் கைது செய்தனர்.

இந்த நிலையில்தான் மாணவி படுகொலை செய்யப்பட்டு 2 வாரங்களில் ஜனாதிபதி மைத்திரிபால சிறிசேன யாழ்ப்பாணத்திற்கு விஜயம் செய்து வித்தியாவின் தாயையும், சகோதரனையும் சந்தித்து கலந்துரையாடினார்.

கடந்த வருடம் மார்ச் 8ஆம் திகதி ரணில் விக்ரமசிங்க வடக்கு மாகாண பெண்கள் அமைப்பைச் சந்தித்தார்.

அப்போது, மாணவி வித்தியாவின் தாயார் உள்ளிட்ட பாதிக்கப்பட்ட 3 தாய்மார்களுடன் கலந்துரையாடி விரைவில் தீர்வு பெற்றுத்தரப்படும் என வாக்குறுதி வழங்கியிருந்தார்.

மேலும், வித்தியா கொலையில் மொத்தமாக 12 சந்தேகநபர்கள் கைது செய்யப்பட்டிருந்தனர். இவர்களில் இருவர் அண்மையில் விடுதலை செய்யப்பட்டிருந்தனர். ஏனைய 10 பேருக்கும் எதிராக குற்றப்பத்திரிகை தாக்கல் செய்யுமாறு உத்தரவிடப்பட்டிருந்தது.

அதன்படி வித்தியா கொலை வழக்கின் 10 சந்தேகநபர்களுக்கு எதிராக நேற்று (12) யாழ் மேல் நீதிமன்றில் நீதிபதி மா.இளஞ்செழியனிடம் பாரப்பட்டுத்தப்பட்டுள்ளது. குறித்த குற்றப்பத்திரத்தை இரும்புப்பெட்டகத்தில் வைக்குமாறும் நீதிபதி இதன்போது உத்தரவிட்டிருந்தார்.

வித்தியா கொலை செய்யப்பட்டு இன்றுடன் 2 வருடங்கள் நிறைவடைந்துள்ள நிலையில் ஒரு குற்றவாளி கூட தண்டிக்கப்படவில்லை என்பது கவலைக்குரிய விடயமே.

ஆனால் குறித்த வழக்கு விசாரணைகள் 98 வீதம் முடிவடைந்து விட்டதாகவும். குற்றவாளிகள் விரைவில் தண்டிக்கப்படுவார்கள் எனவும் தெரிவிக்கப்பட்டிருந்தது. 2 வருட முடிவில் குற்றவாளிகளுக்கு எதிராக குற்றப்பத்திரிகை தாக்கல் செய்துள்ளதோடு இருவர் விடுதலை செய்யப்பட்டுள்ளனர். தற்போது 10 சந்தேகநபர்கள் விளக்கமறியலில் உள்ளனர்.

இதுவே வித்தியா கொலையில் தற்போதைய நிலை என்பது குறிப்பிடத்தக்க ஒன்று. எப்போது வித்தியாவுக்கு நீதி கிடைக்கும், குற்றவாளிகள் தண்டிக்கப்படுவார்களா என்பது ஒட்டுமொத்த இலங்கை மக்களினதும் எதிர்பார்ப்பு என்றால் அது மிகையாகாது.

எம்.ஜி.ஆர், முத்தையா முரளிதரன் போன்றோரை தந்தது இலங்கை மண்ணே!..


இந்தியாவின் தேசிய தலைவரே புரட்சித்தலைவர் எம்.ஜி.ஆர். இவர் பிறந்தது இலங்கையில், சிறந்த பந்துவீச்சாளர் முத்தையா முரளிதரனை தந்ததும் இந்த மண்ணே என இந்திய பிரதமர் நரேந்திர மோடி தெரிவித்தார்.

ஹட்டன் டிக்கோயா கிளங்கன் வைத்தியசாலையை திறந்து வைத்து, தொடர்ந்து நோர்வூட் மைதானத்தில் நடைபெறும் கூட்டத்தில் கலந்துகொண்டு உரையாற்றும்போதே இதை தெரிவித்தார். தொடர்ந்து தெரிவிக்கையில்,

புலம்பெயர்ந்து இருக்கின்ற இந்திய வம்சாவளி மக்களின் வளர்ச்சியில் இந்தியா எப்பொழுதும் உறுதியாக இருக்கின்றது. இங்குள்ளவர்களின் படிப்பு, பொருளாதாரம் என அனைத்திலும் இந்தியா உடனிருக்கும்.

இந்திய கலாச்சாரம், இந்திய பண்டிகைகள், என அனைத்தையும் இலங்கை மலையக மக்களும் கொண்டாடுகின்றனர். இதன் மூலம் நாம் அனைவரும் ஒன்று என்பதை காட்டுவதாக உள்ளது.

இந்திய வம்சாவளியினர் இலங்கைக்கு வந்து 200 ஆண்டுகள் பூர்த்தியாகின்றன என்பதையும் மோடி நினைவுபடுத்தியுள்ளார்.

தற்போது இந்திய வீட்டுத்திட்டத்தின் உதவியுடன் மலையக மக்களுக்கு, 4000 வீட்டுத்திட்டத்திற்கான செயற்பாடு முன்னெடுக்கப்பட்டுள்ளது யாவரும் அறிந்த ஒன்றே. அதேபோல் 10,000 வீட்டுத்திட்டமும் விரைவில் முன்னெடுக்கப்படும் எனவும் இந்திய பிரதமர் உறுதியளித்துள்ளார்.

மேலும், இதன் போது தமிழிலும் மோடி உரையாற்றியுள்ளார். சில பாடல் வரிகள், திருக்குரள் என சிலவற்றை தமிழில் பேசி, இறுதியாக நன்றி கூறி அங்குள்ள அனைவருடைய வரவேற்பையும் பெற்றமை குறிப்பிடத்தக்கது.

வடக்கு, கிழக்கில் பொருத்து வீட்டை அமைப்பதற்கு அமைச்சரவை அனுமதி....


வடக்கு - கிழக்கில் முன்நிர்மாணிக்கப்பட்ட பொருத்து வீட்டை அமைப்பதற்கு அமைச்சரவைக் கூட்டத்தில் அனுமதி வழங்கப்பட்டுள்ளது.

இதற்கு அமைவாக தலா 15 இலட்சம் ரூபா செலவில் 6 ஆயிரம் வீடுகள் அமைக்கப்படவுள்ளது.

முன்நிர்மாணிக்கப்பட்ட - பொருத்து வீட்டை, வடக்கு - கிழக்கில் அமைப்பதற்கு தமிழ்த் தேசியக் கூட்டமைப்பு எதிர்ப்பு வெளியிட்டிருந்தது.

வடக்கு மாகாண சபையும் இதற்கு எதிராக தீர்மானம் நிறைவேற்றியிருந்தது. இவற்றைப் புறமொதுக்கி, முன் நிர்மாணிக்கப்பட்ட வீடுகளை அமைப்பதற்கு மத்திய அரசின் அமைச்சரவை அனுமதி வழங்கியுள்ளது.

ஜனாதிபதி மைத்திரிபால சிறிசேன தலைமையில் கடந்த செவ்வாய்க்கிழமை அமைச்சரவைக் கூட்டம் நடைபெற்றது.

இதில், வடக்கு, கிழக்கு மாகாணங்களில் இடம்பெயர்ந்த குடும்பங்களுக்காக வீடுகளைப் பெற்றுக்கொடுக்கும் நோக்கில் செயற்படுத்துவதற்கு பிரேரிக்கப்பட்டுள்ள முன்நிர்மாணிக்கப்பட்ட வீடுகளை மீண்டும் மதிப்பீடு செய்வதற்காக நியமிக்கப்பட்ட சிறப்பு வேலைத்திட்ட அமைச்சர் கலாநிதி சரத் அமுனுகம தலைமையிலான குழுவின் முடிவுகளை அடிப்படையாகக்கொண்டு ஒரு வீட்டுக்கு 1.5 மில்லியன் ரூபா எனும் அடிப்படையில் 6 ஆயிரம் வீடுகளை நிர்மாணிப்பதற்கு பொருளாதார முகாமைத்துவம் தொடர்பான அமைச்சரவை செயற்குழு தீர்மானித்துள்ளது.

அதன் அடிப்படையில் 6 ஆயிரம் முன்நிர்மாணிக்கப்பட்ட வீடுகளை அமைப்பது தொடர்பில் சிறைச்சாலைகள் மறுசீரமைப்பு, மறுவாழ்வளிப்பு, மீள்குடியேற்றம் மற்றும் இந்து மத அலுவல்கள் அமைச்சர் டி.எம்.சுவாமிநாதனினால் முன்வைக்கப்பட்ட யோசனைகளுக்கு அமைச்சரவையில் அங்கீகாரம் வழங்கப்பட்டுள்ளது.

போரினால் இடம்பெயர்ந்த குடும்பங்களுக்காக சிமெந்து கற்கள் பாவித்து நிர்மாணிப்பதற்கு பிரேரிக்கப்பட்டுள்ள 59 ஆயிரம் வீடுகள் வேலையினை செயற்படுத்தும் முறை தொடர்பில் சிபார்சுகளை முன்வைப்பதற்கு உயர் அதிகாரிகள் கொண்ட குழுவை நியமிப்பதற்கும் தீர்மானிக்கப்பட்டது.

வடக்கு, கிழக்கில் 60 ஆயிரம் முன்நிர்மாணிக்கப்பட்ட வீடுகளை அமைக்க நடவடிக்கை எடுக்கப்பட்டது. ஒரு வீடு 21 இலட்சம் ரூபாவில் (2.1 மில்லியன் ரூபா) அமைக்கத் தீர்மானிக்கப்பட்டது. யாழ்ப்பாணத்தில் இரண்டு வீடுகள் முன்னோடியாக அமைக்கப்பட்டது. இதற்குக் கடும் எதிர்ப்புக் கிளம்பியது.

தற்போது 6 ஆயிரம் வீடுகளை, தலா 15 இலட்சம் ரூபாவில் (1.5 மில்லியன் ரூபா) அமைக்க அமைச்சரவை அனுமதி வழங்கியுள்ளது.

முதலமைச்சர் சி.வி.விக்னேஸ்வரனை முற்றுகையிட்டு பட்டதாரிகள்......


வேலை வாய்ப்பினைக் கேட்டுப் போராடும் இளைஞர், யுவதிகளின் பிரச்சினைகள் தீர இறைவன் வழிவகுப்பானாக என வடக்கு முதல்வர் விக்னேஸ்வரன் குறிப்பிட்டிருக்கிறார்.

இன்றைய தினம், வட மாகாண சபை அமர்வுகளில் கலந்துகொள்வதற்காக வருகை தந்த முதலமைச்சர் சி.வி. விக்னேஸ்வரனை முற்றுகையிட்டு பட்டதாரிகள் போராட்டத்தில் ஈடுபட்டனர்.

இந்நிலையில் முற்றுகைப் போராட்டத்தில் ஈடுபட்டிருந்த போராட்டக்காரர்களுடன் பேசியதன் பின்னர், வடக்கு முதல்வர் வெளியிட்டிருக்கும் செய்திக் குறிப்பில் சில முக்கியமான விடயங்களைச் சுட்டிக்காட்டியிருக்கிறார்.

குறிப்பாக, இது போன்ற போராட்டம் கொழும்பில் ஜனாதிபதி காரியாலயத்தின் முன்னரோ பிரதமர் அலுவலகத்தின் முன்னரோ தான் நடைபெறவேண்டும்.

வெறும் சிபார்சு செய்யும் அதிகாரம் கொண்ட எங்களால் வேலைகளைப் பெற்றுக் கொடுக்க முடியாது.வேலை பெற்றவர்களுக்கு சம்பளம் கொடுக்கப் போகும் மத்திய அரசாங்கமே அதைச் செய்யவேண்டும் என்று சுட்டிக்காட்டியிருக்கிறார்.

அதாவது, இது போன்ற பிரச்சினைகளுக்கு மத்திய அரசாங்கம் தான் பொறுப்பு என்பதைத் தெரிவித்திருக்கும் அவர், அதிகாரத்தில் இருக்கும் மத்திய அரசாங்கம் கவனம் எடுத்தால் மாத்திரமே இந்தப் பிரச்சினைகளுக்கு தீர்வினைப் பெற்றுக் கொடுக்க முடியும் என்றும், அதற்கு அவர்கள் மனது வைக்க வேண்டும் என்பதையும் குறிப்பிட்டுள்ளார்.

மேலும், வெறும் வாக்குறுதிகளை மட்டுமே எங்களால் வழங்க முடியும் என்றும் குறிப்பிட்டுள்ள அவர், 1500 வெற்றிடங்கள் இருப்பதையும் அதற்கு மத்திய அரசு முயற்சிகளை எடுக்க வேண்டும் என்றும் குறிப்பிட்டுள்ளார்.

இதன்வழி வடக்கு முதல்வர் மீண்டுமொரு உண்மை நிலையினை வெளிப்படுத்தியிருக்கிறார். மாகாண சபை என்று ஒன்று இருந்தாலும், அதில் அதிமான அதிகாரங்களை மத்திய அரசாங்கம் வைத்திருப்பதனையும், போராடுபவர்களுக்கு மாகாண சபையின் மூலமாக தீர்வு காணமுடியாமல் இருப்பதனையும் அவர் மறுபடியும் வெளிப்படுத்தியிருக்கிறார்.

மத்திய அரசாங்கத்தோடு பேச்சுவார்த்தை நடைபெற்றுக் கொண்டிருப்பதாக குறிப்பிடும் முதல்வர், அதற்கு அவர்கள் சரியான பதிலை வழங்கியிருந்தாலும் இன்னமும் தீர்வினை எட்டுவதற்கான முயற்சிகளை மேற்கொள்ளவில்லை என்றும் குறிப்பிட்டிருக்கிறார்.

இது வடக்கு முதல்வரின் தனியே பட்டதாரிகளின் பிரச்சினைகளுக்கான அறிக்கையாக மட்டும் இல்லாமல், தமிழ் மக்களின் அரசியல் தளம் சார்ந்ததுமானதாகவே இருக்கின்றது.

ஏனெனில் இந்த அறிக்கையில் இன்னொரு விடயத்தினையும் விக்னேஸ்வரன் சுட்டிக்காட்டியிருக்கிறார்.

அதாவது, அண்மையில் முதலமைச்சர்கள் மாநாட்டின் போது எம் பலதரப்பட்ட மக்கள் செய்து வரும் தொடர் போராட்டங்கள் பற்றி பிறமாகாண முதலமைச்சர்கள் முற்றிலும் அறியாமல் இருந்தமை எந்தளவுக்கு நாங்கள் தனிமைப் படுத்தப்பட்டுள்ளோம் என்பதை உணர வைத்தது என்பதனையும் குறிப்பிட்டிருக்கிறார்.

வடக்கில் பல மாதங்களாக தமிழ் மக்கள் தமது பிரச்சினைகள் குறித்து போராட்டங்களை முன்னெடுத்துவருகிறார்கள்.

ஆனால் தெற்கில் இருக்கும் மற்றைய முதலமைச்சர்கள் எவருக்கும் அது சென்று சேரவில்லை என்பதையும், அதன் மூலம் நாங்கள் எங்கள் பிரச்சினைகளை நினைத்து போராடுகின்றோம்.

ஆனால் தெற்கு அரசியல் வாதிகள் இவற்றைக் கண்டு கொள்வதில்லை என்றும், அது பற்றி அலட்டிக் கொள்வதில்லை என்பதும் தெளிவாகின்றது.

இந்நிலையில் தான் வடக்கு முதலமைச்சர் வெளிப்படையான தனது அறிக்கையில் இவற்றைச் சுட்டிக்காட்டியிருக்கிறார்.

மிகவும் யதார்தமான அந்த அறிக்கை தமிழ் மக்களின் பிரச்சினைகளுக்கு தீர்வினைப் பெறுவதற்கு மாகாண சபையின் அதிகாரங்கள் போதாது என்பதனை வெளிப்படுத்தி நிற்கின்றன.

பதவிகள் இருப்பினும், மக்களின் தேவைகளை நிறைவேற்றும் அதிகாரம் மேலிடத்தில் தான் உண்டு என்பதை காட்டியிருக்கிறார் வடக்கு முதல்வர். அதனை அவர், “ வெறும் சிபார்சு செய்யும் அதிகாரம் கொண்ட எங்களால் வேலைகளைப் பெற்றுக் கொடுக்க முடியாது” என்று அந்த அறிக்கையில் தெளிவாக்கியிருக்கிறார்.

உண்மையில் நிலமையில் வடக்கு மாகாண சபையும் வடமாகாண முதல்வரும் இருக்கிறார்கள். பாதிக்கப்பட்ட மக்களைச் சந்தித்துப் பேசும் அவர்கள், அவர்களுக்கு வாக்குறுதிகளைக் கொடுத்துவிட்டு மத்திய அரசாங்கத்தோடு பேசுகிறார்கள்.

மத்திய அரசாங்கத்தோடு பேசச் சென்ற தமிழர் பிரதிநிதிகளுக்கு அவர்கள் வாக்குறுதிகளைக் கொடுத்து அனுப்புகிறார்கள். ஆனால், தீர்வு தான் இன்னமும் கிடைக்கவில்லை.

இதே நிலை தான் அறுபது ஆண்டுகளுக்கும் மேலாக நிகழ்ந்து கொண்டிருக்கிறது. வாக்குறுதிகளை மட்டும் வழங்கிவிட்டு இருக்கிறது ஆளும் அதிகார வர்க்கம். பாதிக்கப்படும் மக்களின் வாழ்க்கை கேள்விக் குறியாக நிற்கிறது.

வடக்கு முதல்வரின் அறிக்கையில், விரைவில் இளைஞர் யுவதிகளின் பிரச்சினைகள் தீர இறைவன் வழி வகுப்பானாக என்று குறிப்பிட்டிருக்கிறார். இந்தக் கருத்தினை சாதாரணமாக எடுத்துக் கொள்ள முடியாது. தமிழ் மக்களை இனி அந்தக் கடவுள் தான் காப்பாற்ற வேண்டும் என்று தன்னுடைய கருத்தினை தந்தை செல்வா வெளியிட்டிருந்தார்.

அன்று இலங்கை அரசாங்கத்தினால் ஏமாற்றப்பட்டுக் கொண்டிருக்கும் தமிழ் மக்களின் நிலமை குறித்து தந்தை செல்வா அவ்வாறு உரைத்தார் எனில், இன்று போராடும் மக்களுக்கும் இளைஞர்களுக்கும் அரசாங்கம் தீர்வு தருவது என்பது கல்லில் நார் உரிப்பதைப் போன்றது.

எனவே கடவுள் மேல் தன்னுடைய பாரத்தை போட்டுக் கொண்டு, தமிழர்களுக்கு வழங்கப்பட்டு இருக்கும் பதவிகளில் எந்த அதிகாரங்களும் தமிழ் மக்களின் பிரச்சினைகளைத் தீர்ப்பதற்கு போதாது என்பதை வெளிப்படுத்திவிட்டிருக்கிறார்.

இன்னும் எத்தனை நாட்களுக்குத் தான் இந்தத் தெருவோறப் போராட்டங்கள். அதற்கு கடவுள் வந்தால் அல்ல, மத்திய அரசாங்கம் மனது வைத்தால் தான். அது நடக்குமா என்பது தான் பிரச்சினையே.

அரசியலை மட்டும் பேசி சீவியம் நடத்த நினைத்தால்...


நிலைமைகள் முற்றுமுழுதாக மாறி வருகிறது. மக்களின் தேவைகள் வேறாக இருக்க, நம் அரசியல்வாதிகள் இன்னும் நிலைமையைப் புரிந்து கொள்ளாமல் செயற்படுகின்றனர்.

நல்லாட்சியின் ஆயுள் சடுதியாக குறைந்து வருகிறது. நல்லாட்சியை தமிழர்கள் எதிர்த்தால் அது முன்னாள் ஜனாதிபதி மகிந்த ராஜபக்ச­வுக்கு சாதகமாகி விடும் என நம் அரசியல் தலைமை கூறுகிறது.

நல்லாட்சியைத் தமிழர்கள் எதிர்க்கவில்லை  என்பதாலேயே மகிந்த ராஜபக்­சவின் மே தின எழுச்சிக் கூட்டத்தில் இலட்சக்கணக்கான சிங்கள மக்கள் பங்கேற்றுள்ளனர்.

இவ்வாறு இலட்சக்கணக்கான சிங்கள மக்கள் மகிந்த ராஜபக்­ச தலைமையிலான மே தின எழுச்சிக் கூட்டத்தில் அணி திரண்டனர் என்பதற்கு பின்னால்,

மகிந்த தரப்பு மேற்கொண்டு வரும் பிரசாரங்கள் சிங்கள மக்களிடம் விரைவாக செல்லுபடியாகிறது என்றறிவதும் அவசியமானதாகும். எது எப்படியாயினும் அடிப்படை வாழ்வாதாரம் என்பது மிகவும் முக்கியமானது.

அடிப்படை வாழ்வாதாரத்துக்குரிய கட்டுமானங்கள் பற்றி நாம் சிந்திக்காமல் வெறுமனே அரசியல் மட்டும் பேசிக் கொண்டிருப்போமாக இருந்தால், தமிழ் அரசியல்வாதிகளை தமிழ் மக்களே தூக்கி எறியும் நிலைமை விரைவில் உருவாகும்.

ஆக, மக்களின் அடிப்படை வாழ்வாதாரத் துக்கான கட்டுமானங்கள், கல்வி, மருத்துவம், வேலைவாய்ப்பு, உற்பத்தி நிறுவனங்களின் உருவாக்கம் இவை பற்றி சிந்திக்கும் அதேவேளை, சமாந்தரமாக அரசியல் விவகாரங்களையும் முன்னெடுப்பது அவசியமாகும்.

மக்களின் தேவைகளை நிவர்த்தி செய்தல்; பொருளாதார அபிவிருத்தி உள்ளிட்ட விடயங்களை ஒரு தரப்பு கவனிக்க, மறுபக்கத்தில் இன்னொரு தரப்பு அரசியல் நகர்வுகளை முன்னெடுப்பதாகக் கூட இருக்கலாம். இதற்கான ஏற்பாடுகள் செய்யப்படவேண்டும்.

அதேவேளை எங்கள் புலம்பெயர் உறவுகளை எங்களோடு இணைப்பதற்கும் அவர்களின் ஆலோசனைகள், உதவிகள், பங்களிப்புக்கள் என்பவற்றைப் பெறுவதற்கும் விசேட திட்டம் உருவாக்கப்பட்டு அதனை தனியான குழுமம் கவனிப்பதாக இருக்க வேண்டும்.

குறிப்பாக எங்கள் தமிழர் தாயகத்தின் உற்பத்திப் பண்டங்கள், உணவுப் பொருட்கள் இவற்றுக்கு நல்லதொரு வெளிநாட்டு சந்தை வாய்ப்பு எங்கள் புலம்பெயர் மக்களால் உருவாகியுள்ளது.

முன்பெல்லாம் எங்கள் இடத்து உற்பத்திப் பொருட்களுக்கு வெளிநாட்டு சந்தையில் வாய்ப்பில்லை என்ற ஒரு சூழ்நிலை இருந்தது.
ஆனால் இன்று எங்கள் புலம்பெயர் மக்களால் அந்தக் குறைபாடு நீங்கியுள்ளது.

எங்கள் ஊர் முருங்கைக்காய் முதல் வேப்பம்பூ வடகம், புளுக்கொடியல், ஒடியல், மொட்டைக் கறுப்பன் அரிசி, கைக்குத்தரிசி என எங்கள் மண்ணின் விளைபொருட்களுக்கு வெளிநாட்டுச் சந்தையில் கிராக்கி உண்டு.

இதை நாம் நல்ல முறையில் பயன்படுத்த வேண்டும். இது பற்றி எங்கள் பொருளியலாளர்களும் தமது கருத்துக்களைப் பதிவு செய்வது அவசியம்.

தவிர, ஊடகங்களும் தனித்து அரசியல் என்ற எல்லைகளுக்குள் முடங்காமல் மக்களின் வாழ்வாதாரத்தின் பக்கமாகவும் கவனம் செலுத்த வேண்டும்.

அப்போதுதான் நாம் கேட்கின்ற உரிமை என்ற விடயத்துக்கு எங்கள் மக்கள் பெறுமதி கொடுப்பர்.


Photos