வலயக் கல்வி பணிப்பாளர் நியமனம் விகிதாசார அடிப்படையில் வழங்கப் படல் வேண்டும் செல்வம் அடைக்கல நாதன் எம்.பி

மன்னார் வலயக் கல்வி திணைக்களத்தில் உள்ள வலயக் கல்வி பணிப்பாளர் 

இட மாற்றம் செய்யப்படும் போது அல்லது ஓய்வு பெறுகின்ற போது அவருக்கு அடுத்ததாக உள்ளவருக்கு அல்லது மன்னாரின் விகிதாசாரத்தின் அமைவாக நியமனம் வழங்கப் படல் வேண்டும் என தமிழ் தேசிய கூட்டமைப்பின் வன்னி மாவட்ட நாடாளுமன்ற உறுப்பினர் செல்வம் அடைக்கல நாதன்
தெரிவித்துள்ளார்.

மன்னார் வலயக் கல்வி புதிதாக நியமனம் வழங்கப்படவுள்ள புதியவலயக்  கல்வி பணிப்பாளருக்கு மன்னாரின் விகிதாசாரத்திற்கு மாறாக நியமனம் வழங்கப்படவுள்ளதாக தெரிவிக்கப்படுகிறது.

இந்த நடவடிக்கை நிறுத்தப்பட்டு தற்போதுள்ள வலயக் கல்வி பணிப்பாளருக்கு அடுத்ததாக உள்ளவருக்கு அல்லது விகிதாசாரத்திற்கு அமைவாக நியமனம் வழங்கப்படாதவிடத்து மன்னாரில் உண்ணாவிரதப் போராட்டம் ஒன்றை தான் மேற்கொள்ள இருப்பதாக அவர் மேலும் தெரிவித்தார்.