பண்டிவிருச்சான் கிராமத்தில் ஒரு தொகுதி வெடிபொருட்கள் மீட்பு _

மடு உதவி அரசாங்க அதிபர் பிரிவுக்குட்பட்ட சின்ன பண்டிவிருச்சான் கிராமத்தில் உள்ள காட்டுப்பகுதிக்குள் புதைத்து வைக்கப்பட்டிருந்த ஒரு தொகுதி வெடி பொருட்களை மன்னார் புலனாய்வுத்துறையினரும், மடு புலனாய்வுத்துறையினரும் இணைந்து செவ்வாய்க்கிழமை காலை மீட்டுள்ளதாக மடு பொலிஸார் தெரிவிக்கின்றனர்.

தண்ணிக்காய் வடிவிலான வெடி குண்டு 04, மிதி வெடி 07, டி56 ரவைகள் 100, மகசின் 02, சயனைட் குப்பிகள் 08, புலிகளின் சீருடை 10, டெட்டனேட்டர் மற்றும் அதன் பியுஸ் 12, தங்கூசி ரோல் 02, வயர் 40 அடி, கைக்குண்டு 07, எஸ்.எப்.ஜி.தமிழர் கைக்குண்டு 06, பேக் 07 ஆகியவற்றை மீட்டுள்ளனர்.

பொது மக்கள் பொலிஸாருக்கு வழங்கிய இரகசியத் தகவலினையடுத்து இவை மீட்கப்பட்டுள்ளன. மீட்கப்பட்ட வெடி பொருட்கள் செயலிழக்கச் செய்யும் நோக்குடன் இராணுவத்தினரிடம் ஒப்படைக்கப்பட்டுள்ளன.