குடும்ப நல சுகாதார சேவைகள் வழமைக்கு

குடும்ப நல சுகாதார சேவையுடன் தொடர்புடைய அனைத்து நடவடிக்கைகளும் இன்று முதல் வழமை போன்று இடம்பெறும் என அரச குடும்ப நல சுகாதார சேவை சங்கம் தெரிவிக்கின்றது.

துறைசார் கடமைகள் மற்றும் வைத்தியசாலை சேவைகள் ஆகியன வழமை போன்று இடம்பெறுவதாக அரச குடும்ப சுகாதார சேவை சங்கத்தின் தலைவர் தேவிகா கொடித்துவக்கு தெரிவிக்கின்றார்.

சுகாதார அமைச்சினால் தாதியர்களுக்கு பிரசவ பயிற்சி வழங்குவதற்கு மேற்கொள்ளப்பட்ட தீர்மானத்திற்கு எதிராக கடந்த வியாழக்கிழமை முதல் சட்டப்படி வேலை நடவடிக்கை முன்னெடுக்கப்பட்டு வந்தது.

எவ்வாறாயினும், சிகிச்சைக்கான பயிற்சிகள் தொடர்பில் ஆராய்வதற்கு வைத்திய தொழில்நுட்ப நிபுணர்களை உள்ளடங்கிய குழுவொன்றை நியமிக்க சுகாதார அமைச்சு நடவடிக்கை எடுத்த நிலையில், குறித்த தொழிற்சங்க நடவடிக்கை தற்காலிகமாக கைவிடப்பட்டிருந்தது.