போக்குவரத்து அமைச்சருடனான அரச உத்தியோகஸ்தாகள் கலந்துரையாடல்

வட மாகாண போக்குவரத்து அமைச்சர் பா.டெனிஸ்வரனுக்கும் மன்னார் மாவட்ட கிராமிய அபிவிருத்தி திணைக்களங்களை சேர்ந்த அரச உத்தியோகஸ்தர்களுக்கும் இடையிலான சந்திப்பொன்று இன்று வியாழக்கிழமை காலை மன்னார் நகர மண்டபத்தில் நடைபெற்றது.

குறித்த சந்திப்புக்கான ஏற்பாட்டினை அமைச்சர் டெனிஸ்வரன் அவர்கள் ஏற்பாடு செய்திருந்தார்.

இன்று காலை 9.45 மணியளவில் ஆரம்பிக்கப்பட்ட குறித்த சந்திப்பு 11:40 வரை நடைபெற்றது.

குறித்த சந்திப்பின்போது அரச திணைக்களங்களில் அரச உத்தியோகஸ்தர்கள் எதிர் நோக்கும் பிரச்சினைகள்  கிராமிய திணைக்களங்களில் காணப்படும் குறைபாடுகள் அதனை நிவர்த்தி செய்வதற்கான வழிவகைகள் மற்றும் கிராம மட்டத்தில் மக்கள் எதிர்நோக்கும் பிரச்சினைகள் அதனை தீர்ப்பதற்காக எடுக்கப்படவேண்டிய  நடவடிக்கைகள் தொடர்பில் விரிவாக ஆராயப்பட்டு கலந்துரையாடப்பட்டது.

இதன்போது வட மாகாண அமைச்சின் செயலாளர் கே. வரதீஸ்வரன், மாகாண கிராமிய அபிவிருத்தி பணிப்பாளர் பெலிசியன்;,  பொலிஸ் அத்தியகட்சகர் வீ.கந்தவத்த உள்ளிட்ட பிரமுகர்கள் பலர் கலந்து கொண்டனர்