கறிற்ராஸ்- வாழ்வுதயத்தினால் தலை மன்னார் மாவட்ட வைத்தியசாலைக்கு சக்கர நாற்காலிகள் அன்பளிப்பு

மன்னார் மாவட்டத்தில் பல்வேறு மனத நேயப் பணிகளை ஆற்றிவரும் கறிற்ராஸ்- வாழ்வுதயம் அமைப்பின் ஒரு பிரிவான “உதவிக்கரம்” பிரிவினூடாக தலை மன்னார் மாவட்ட வைத்தியசாலையின் மாவட்ட வைத்திய அதிகாரி திரு. பிரவின் குணவர்த்தன அவர்கள் விடுத்த வேண்டுகோளிற்கிணங்க நோயாளிகள் பயன்பெறும் பொருட்டு 3 சக்கர நாற்காலிகள் கடந்த 05.07.2017 புதன் அன்று மேற்படி வைத்தியசாலைக்கு அன்பளிப்பாக வழங்கப்பட்டது.

கறிற்றாஸ் வாழ்வுதய இயக்குனர் அருட்பணி M.ஜெயபாலன் அடிகளாரினால்  இவ் அத்தியாவசியத் தேவை முன்னுரிமைப்படுத்தப்பட்டு தற்பொழுது வீதிவிபத்துக்களாலும்  ஏனைய நோய்த் தாக்கங்களினாலும் பாதிக்கப்பட்டு வைத்தியசாலைக்கு வருபவர்களை வெளிநோயாளர் பிரிவிலிருந்து (OPD) விடுதிகளுக்கு (Ward) கொண்டுசெல்வதற்கு பெரும் வரப்பிரசாதமாக அமையும் என்பதனையும் கருத்தில்கொண்டு இப் புதிய தொழில்நுட்ப முறையிலான பெறுமதிமிக்க சக்கர நாற்காலிகள் வழங்கப்பட்டுள்ளது.

கறிற்றாஸ் வாழ்வுதய இயக்குனர் சார்பாக அதன் நிர்வாக அலுவலர் திரு.
A.M அல்மேடா அவர்கள்  இச் சக்கர நாற்காலிகளை தலை மன்னார் மாவட்ட வைத்திய சாலை அதிகாரிகளிடம் கையளித்ததோடு இந் நிகழ்வில் உதவிக்கரம் பணியாளர்களும் பங்குபற்றினர்.

மேற்படி வாழ்வுதய உதவிக்கர பிரிவானது மன்னார் மாவட்டம் மட்டுமல்லது இலங்கையின் பல மாவட்டங்களிலும் கறிற்ராஸ்- வாழ்வுதயதின் இயக்குனர் அருட்பணி M.ஜெயபாலன் அடிகளாரின் நெறிப்படுத்தலில் இத்துறைசார் பணியாளர்கள் ஊடாக சிறப்பான பணிகளை ஆற்றிவருகின்றது.

இவ் உதவிக்கர பணிகளில் குறிப்பாக......   

• Prosthetic Services – சார்பு உறுப்பு அவையங்கள்   
• Orthotics Services – செயற்கை உறுப்பு அவையங்கள்
  
• Custom made of standard wheel chairs – சக்கர நாற்காலிகள் 
• Different types of assistive devices (Crutches, Walker) –நடமாடும் கருவிகள்   
• Mobile services & Home visits - - நடமாடும் சேவை மற்றும் வீடு தரிசிப்பு 
• Advocacy & Referral – – பரிந்துரை செய்தல்
•  Awareness program – விழிப்புணர்வு கருத்தமர்வுகளை மேற்கொள்ளல்

போன்ற செயற்பாடுகள் முன்னெடுக்கப்படுகின்றது இன்றுவரை இப்பிரிவின் மூலம் 3600 இற்கும் மேற்பட்ட பயனாளிகள் நன்மைகள் அடைந்துள்ளதோடு இவர்களில் நுற்றுக்கணக்கான பயனாளிகள் 5-6 மாதங்களுக்கொருதடவை செயற்கை அவயவங்களை திருத்துதல் மற்றும் உயரம்  எடைகளுக்கேற்ப மாற்றம் செய்தல் போன்ற சேவைகளையும் தொடர்ந்து பெற்று செல்லுகின்றனர் இவற்றோடு மன்னார் பொதுவைத்திய சாலையுடன் இணைந்து இவர்கள் வருடா வருடம் இரத்த வங்கி முகாமினையும் நடாத்தி வருகின்றார்கள்.

இவ் மனிதநேய அமைப்பாகிய கறிற்ராஸ்-வாழ்வுதயம் இன்று வரை தொடர்ச்சியாக பலதிட்டங்களினூடாக மக்களுக்கு தனது அரிய பணிகளை செவ்வனே திட்டமிட்டு சிறப்பாக ஆற்றுவருகின்றமையும் குறிப்பிடத்தக்கது.