ஏவுகணை சோதனை நடத்திய வடகொரியா! எச்சரிக்கை விடுத்த அமெரிக்கா -

வடகொரியா தற்போது மேற்கொண்டுள்ள ஏவுகணை சோதனைக்கு, பதிலடி கொடுக்கும் விதமாக அமெரிக்க ஜனாதிபதி டிரம்ப் கருத்து தெரிவித்துள்ளார்.
வடகொரியா நேற்று பலிஸ்டிக் வகை ஏவுகணை சோதனை ஒன்றை மேற்கொண்டது. அந்த ஏவுகணையானது 4 ஆயிரத்து 475 கி.மீற்றர் உயரத்துக்கு செங்குத்தாக பாய்ந்து, 53 நிமிடங்களில் 960 கி.மீற்றர் தொலைவுக்கு பறந்து, ஜப்பான் கடலில் விழுந்தது.

இதுவரை வடகொரியா சோதனை மேற்கொண்டுள்ள ஏவுகணைகளில் இதுவே மிகவும் சக்தி வாய்ந்தது எனவும் Hwasong-15 என பெயரிடப்பட்டுள்ள குறித்த ஏவுகணையானது அமெரிக்கா மற்றும் பிரித்தானியாவின் முக்கிய நகரங்களை சென்று தாக்கும் வலிமை கொண்டது என செய்திகள் வெளியாகியது.

இந்நிலையில் இது குறித்து அமெரிக்க ஜனாதிபதி டிரம்ப், இந்த சூழ்நிலையை எங்களுக்கு கையாளத் தெரியும் என்று கூறியுள்ளார்.