வடக்கில் கட்டுப்பணம் செலுத்தியுள்ள 10 சுயேட்சை குழுக்கள்!

நாடாளுமன்றத் தேர்தலில் போட்டியிட வடக்கின் இரு தேர்தல் மாவட்டங்களிலும் இதுவரை 10 சுயேட்சைக் குழுக்கள் கட்டுப்பணம் செலுத்தியுள்ளன.

யாழ்ப்பாணத் தேர்தல் மாவட்டத்தில் ஆறு சுயேட்சைக் குழுக்களும், வன்னித் தேர்தல் மாவட்டத்தில் 4 சுயேட்சைக் குழுக்களும் கட்டுப்பணம் செலுத்தியுள்ளன.

வன்னியில் கட்டுப்பணம் செலுத்தியவர்களில் நடராசா தலைமையிலான ஓர் தமிழ் குழுவும், 3 சிங்கள குழுக்களும் பணம் செலுத்தியுள்ளன.
யாழ்ப்பாணத்தில் விமல்தாஸ் மயில்வாகனம், பொன்னுத்துரை ஐங்கரநேசன், வில்லியம் விக்டர் அன்ரனி, ஆழ்வார்பிள்ளை குருகுலன், அஹமட் சுபியான், முருகேசு சந்திரகுமார் ஆகியோர் தலைமையிலான குழுவினர் கட்டுப்பணம் செலுத்தியுள்ளனர்.