இலங்கையின் காட்போட் பிரேதப் பெட்டிகள் வியட்நாமுக்கு ஏற்றுமதி

அண்மையில் தெஹிவளை -மவுண்ட்லவெனியா மாநகர சபையால் அறிமுகம் செய்யப்பட்ட சுற்றுச்சூழலுக்கு நட்புறவான மலிவான காட்போட் பிரேதப் பெட்டிகள் இப்போது வியட்நாமால் இறக்குமதி செய்யப்படுகின்றன. இதன்படி 1200 காட்போட் பிரேதப் பெட்டிகள் நேற்று வியட்நாமுக்கு அனுப்பப்பட்டன.

 இச்செயற்றிட்டம் இலங்கையிலுள்ள வியட்நாமியத் தூதரக அதிகாரிகள், வியட்நாமிலுள்ள இலங்கை சங்கநாயகத் தேரர் மற்றும் தெஹிவளை-கல்கிசை மாநகர சபையின் தலைவர் ஆகியோரின் கலந்துரை யாடலின் விளைவாக இடம்பெற்றுள்ளது. இந்தக் காட்போட் பிரேதப் பெட்டிகள் நாடு முழுவதும் பரவலாகப் பயன்படுத்தப்படுகின்றன என இந்தக் கண்டுபிடிப்பின் நிறுவுனர் பிரியந்த சஹபந்து தெரிவித்துள்ளார்.