உக்ரைன் தலைநகரிற்கு வெளியே ரஸ்ய படையினர்

உக்ரைன் தலைநகரிற்கு வெளியே ரஸ்ய துருப்பினர் காணப்படுகின்றனர். உக்ரைன் தலைநகர் கீவ்விற்கு வெளியே உள்ள அன்டொனொவ் விமானதளத்தை ரஸ்யா படையினர் கைப்பற்றியுள்ளனர். விமானதள பகுதியில் ரஸ்ய துருப்பினர் காணப்படுகின்றனர் என சிஎன்என் தெரிவிக்கின்றது. உக்ரைன் தேசிய காவல்படையினர் தாங்கள் பதில் தாக்குதலை தொடுத்துள்ளதாக தெரிவித்துள்ளனர். 

தாங்கள் எதிர்பார்த்ததை விட இந்த தாக்குதல் வேகமாக இடம்பெற்றுள்ளது என மேற்குலக புலனாய்வு அமைப்புகள் தெரிவித்துள்ளன. ரஸ்யாவின் கனரக வாகன படையணி பெலாரசுடனான எல்லையிலிருந்து வேகமாக முன்னேறியுள்ளது. கிரிமியாவிலிருந்தும் ரஸ்ய படையினர் முன்னேறியுள்ளனர். செயற்படுவதற்கான தளமொன்றை ஏற்படுத்தியுள்ள ரஸ்ய படையினர் ரஸ்ய கவசவாகனபடைப்பிரிவு வந்து சேர்ந்ததும் உக்ரைன் தலைநகர் மீது தாக்குதலை மேற்கொள்ளக்கூடும் அல்லது முன்கூட்டியே தாக்குதலை மேற்கொள்ளக்கூடும்